Exodo 27:2 - Marahay na Bareta Biblia

² An ibabaw kan apat na kanto kan altar, pormahan nindo na garo mga sungay. Ini gibohon na magin sarong pedaso sana sagkod an altar dangan patoson nindo nin bronse an bilog na altar.

Exodo 27:2 Iomraidhean Croise

1 Mga Hade 1:50

Natakot si Adonias ki Solomon; nagdalagan siya pasiring sa altar asin pinugol an mga sungay kan altar.

1 Mga Hade 2:28

An pangyayaring ini nakaabot ki Joab. (Nag-apil siya ki Adonias, alagad dai siya nag-apil ki Absalom.) Kaya nagdulag siya pasiring sa Tabernakulo asin nagpugol sa mga sungay kan altar.”

1 Mga Hade 8:64

Kan aldaw man na iyan, kinonsagra kan hade an tahaw kan patyo na nasa atubangan kan Templo; idinolot niya duman an mga tinutong na atang, an dolot na pagkakan, asin an taba kan mga hayop bilang mga dolot para sa katoninongan. Duman niya ini ginibo huli ta an bronseng altar sadit nin marahay para sa gabos na dolot.

2 Mga Hade 16:14

Nasa pagultanan kan bagong altar asin kan Templo an bronseng altar na itinalaga sa Kagurangnan, kaya ibinugtak ini ni Ahaz sa amihan na parte kan saiyang bagong altar.

2 Mga Cronica 4:1

Nagpagibo si Solomon nin bronseng altar, na siyam na metros an laba, siyam na metros an lakbang asin apat may kabangang metros an langkaw.

Salmo 118:27

An Kagurangnan iyo an Dios; siya an nagtao sato nin liwanag. Kapot an mga sanga, poonan na nindo an pyesta asin maglibot kamo sa altar.

Exodo 27:3

Gumibo kamo nin mga kawa na bubugtakan kan abo; gumibo man kamo nin mga pala, mangko, pansipit saka mga bugtakan nin baga. Gibohon nindo iyan gabos sa bronse.

Exodo 29:12

Kumua ka nin dikit na dugo kan torilyong baka asin sa paagi kan saimong muro, lahidan mo an sungay kan altar; an natadang dugo iula mo gabos sa pamitisan kan altar.

Exodo 38:30

Ini ginamit ni Bezalel sa paggibo kan mga patungtongan para sa pintoan kan Tabernakulo, kan bronseng altar kaiba an bronseng parilya, asin kan gabos na kagamitan kaini;

Ezekiel 43:15

Ining pinakaitaas na parte kan altar na tinututongan kan mga dolot duwang metros an langkaw. An mga sungay na nasa apat na kanto kan altar mas halangkaw ki sa altar.

Levitico 16:18

maduman siya sa altar na pinagtututongan kan mga dolot asin lilinigan man niya iyan. Makua siya nin dikit na dugo kan toro asin dikit na dugo kan kanding, dangan lalahidan niya an mga sungay na yaon sa mga kanto kan altar.

Levitico 4:18

Dangan lalahidan niya nin dugo an mga sungay kan altar nin insenso na yaon sa laog kan Tabernakulo asin iuula niya an matatada kan dugo duman sa pamitisan kan altar na tinututongan kan mga atang na yaon sa pintoan kan Tabernakulo.

Levitico 4:25

Idodotdot kan padi an saiyang muro sa dugo kan kanding asin lalahidan niya an mga sungay kan altar, dangan iuula niya an matatadang dugo sa pamitisan kan altar.

Levitico 4:7

Dangan lalahidan niya nin dugo an mga sungay kan altar nin insenso na yaon sa Tabernakulo. Pakatapos, iuula niya an natatadang dugo sa pamitisan kan altar na tinututongan kan mga atang na yaon sa may pintoan kan Tabernakulo.

Levitico 8:15

Binuno ni Moises an baka, kinua an dugo asin sa paagi kan saiyang muro, linahidan an mga sungay kan altar tanganing konsagrahon ini. Dangan inula niya an natadang dugo sa pamitisan kan altar tanganing konsagrahon asin linigan ini.

Zacarias 9:15

Iingatan kan Kagurangnan nin mga hukbo an saiyang banwaan, asin roronoton ninda an saindang mga kaiwal. Magkukurahaw sinda sa ralaban arog sa burat na mga lalaki asin papabuloson ninda an dugo kan saindang mga kaiwal; mabulos iyan siring sa dugo nin sarong sakripisyo na inula sa altar hale sa sarong mangko.

Mga Bilang 3:31

Sinda an mamamahala kan Kaban nin Tipan, kan lamesa, kan kandelero, kan mga altar, sagkod kan mga kasangkapan na ginagamit kan mga padi sa Banal na Lugar, patin kan kurtinang panlipod sa pintoan kan Kabanal-banaleng lugar. Sainda an gabos na trabaho na may kinaaraman sa mga bagay na ini.

Hebreyo 6:18

Kaya an sumpa saka an panuga iyo an duwang bagay na dai maliliwat, asin dapit kaini an Dios dai nanggad magpuputik. Kaya kita na nakakua saiya nin pailihan, minakosog an boot na magsarig sa paglaom na itinao niya sato.