Exodo 27:1 - Marahay na Bareta Biblia

¹ “Gumibo kamo nin sarong altar na akasya. Kwadrado ini, na dos metros beynte sentimetros an laba asin an lakbang; an langkaw sarong metro may treynta sentimetros.

Exodo 27:1 Iomraidhean Croise

2 Samuel 24:18

Kan aldaw man sanang iyan nagduman si Gad ki David asin sinabihan, “Magtukad ka sa ginikan ni Arauna dangan maggibo ka nin altar para sa Kagurangnan.”

2 Mga Hade 16:14

Nasa pagultanan kan bagong altar asin kan Templo an bronseng altar na itinalaga sa Kagurangnan, kaya ibinugtak ini ni Ahaz sa amihan na parte kan saiyang bagong altar.

1 Mga Cronica 6:49

Si Aaron asin an saiyang mga aki nagdarara nin mga dolot para sa altar nin mga tinutong na atang asin para sa altar nin insenso. Sinda an namahala kan gabos na pagsamba duman sa Kabanal-banaleng Lugar asin kan mga dolot para sa kabayadan nin mga kasalan kan mga Israelita, gabos sosog sa pagboot ni Moises na sorogoon nin Dios.

2 Mga Cronica 4:1

Nagpagibo si Solomon nin bronseng altar, na siyam na metros an laba, siyam na metros an lakbang asin apat may kabangang metros an langkaw.

Esdras 3:2

Nagtindog si Josue na aking lalaki ni Jehozadak, kaiba an kapwa niya mga padi, si Zerubabel na aking lalaki ni Sealtiel, kaiba an saiyang mga kadugo, dangan itinugdok ninda giraray an altar nin Dios nin Israel, tanganing magdolot sinda duman nin mga tinutong na atang, sosog sa nasusurat sa Katogonan ni Moises, an sorogoon nin Dios.

Exodo 17:15

Nagpatindog nin altar si Moises asin inapod niya ining “An Kagurangnan iyo an sakong Bandera.”

Exodo 24:4

Isinurat ni Moises an gabos na pagboot nin Kagurangnan. Pagkaagang amay nagtugdok siya nin altar sa pamitisan kan bukid. Nagpatindog siya nin doseng hariging gapo para sa doseng tribu nin Israel.

Exodo 31:9

an altar para sa tinutong na atang saka an kasangkapan kaiyan, an palangganang hanawan asin an tumbawan kaini,

Exodo 35:16

an altar na tututongan kan mga atang asin an bronseng parilya, an mga pasanan asin an gabos na kagamitan kaini; an palangganang hanawan asin an tumbawan kaini;

Exodo 39:39

an bronseng altar kaiba an bronseng parilya, an mga pasanan, asin an mga kagamitan kan altar na ini; an palangganang hanawan asin an tumbawan;

Exodo 40:10

Lahidan mo man an altar na tututongan nin atang asin an mga kagamitan; konsagrahon mo an altar asin iyan magigin banal.

Exodo 40:29

asin duman sa atubang kan kurtina ibinugtak niya an altar na tututongan nin mga atang. Dangan sa ibabaw kan altar nagdolot siya nin tinutong na atang asin nin dolot na pagkakan, siring sa ipinagboot nin Kagurangnan.

Exodo 40:6

An altar na tututongan kan mga atang ibugtak mo sa atubang kan pintoan kan Tabernakulo,

Mga Bilang 3:31

Sinda an mamamahala kan Kaban nin Tipan, kan lamesa, kan kandelero, kan mga altar, sagkod kan mga kasangkapan na ginagamit kan mga padi sa Banal na Lugar, patin kan kurtinang panlipod sa pintoan kan Kabanal-banaleng lugar. Sainda an gabos na trabaho na may kinaaraman sa mga bagay na ini.

Mga Bilang 4:13

An altar hahalean ninda nin abo dangan tatahoban nin pulang tela.

Mga Bilang 4:14

Pakatapos, ibubugtak ninda sa ibabaw kaiyan an gabos na kasangkapan na ginagamit sa paglilingkod sa altar: an mga bugtakan nin baga, an mga pansipit, mga pala saka mga palanggana. Papatoson ninda iyan nin sarong anit nin kanding dangan isusurok ninda an mga pasanan.

Hebreyo 13:10

An mga pading naglilingkod sa lugar na pagsasambahan mayo nin deretso na magkakan kan atang sa satong altar.