Exodo 23:1 - Marahay na Bareta Biblia

¹ “Dai ka mag-istorya nin bakong totoo. Dai mo pagtabangan sa paagi nin pagputik an tawong may sala.

Exodo 23:1 Iomraidhean Croise

Genesis 39:17

dangan inosipan niya kan parehong istorya: “An sorogoon mong Hebreyo na dinara mo digdi, naglaog sa sakong kwarto asin sinopog ako.

2 Samuel 16:3

Naghapot an hade, “Haen si Mefiboset, an makoapo kan saimong kagurangnan na si Saul?” Nagsimbag si Ziba, “Nagpawalat siya sa Jerusalem huli ta nagtutubod siyang ibabalik saiya kan mga Israelita an kahadean kan saiyang lolo na si Saul.”

2 Samuel 19:27

Kaputikan an ibinareta niya saimo manongod sako, alagad arog ka sa anghel nin Dios, kaya giboha an pinaghohona mong marahay.

Salmo 101:5

An nagtutugod-tugod sa saiyang kapwa sakuyang gagadanon. An tawong hambogon asin mapaabaw-abaw dai ko matitios.

Salmo 120:3

Kamong mga madaya, ano an gigibohon nin Dios saindo? Paano an pagpadusa niya saindo?

Salmo 15:3

asin dai nagbabalobagi. Dai siya naggigibo nin maraot sa saiyang katood, ni nagdadara nin salang bareta dapit sa saiyang kataed.

Salmo 27:12

Hare ako pagpabayae sa sakong mga kaiwal; huli ta mga putikon na saksi nagtindog tumang sako, asin minahangos sinda nin kadahasan.

Salmo 35:11

Putikon na mga saksi an minaatubang, sa paghapot kan mga dai ko naaaraman.

Exodo 20:16

“Dai kamo magsaksi nin putik laban sa saindong kapwa.

Exodo 23:7

Dai ka magtugod-tugod; dai mo paggadanon an tawong mayong sala asin matanos, huli ta dai ko paliligtason an may sala.

Mga Talinhaga 10:18

Putikon an tawong igwa nin natatagong kaanggotan; lolong an tawong nagbabalobagi.

Mga Talinhaga 12:17

An nagtataram kan katotoohan nagsasaksi sa katanosan, alagad an bakong totoong saksi nagtataram nin kaputikan.

Mga Talinhaga 14:5

An maimbod na saksi dai nagpuputik, alagad nagsasabi nin kaputikan an bakong totoong saksi.

Mga Talinhaga 17:4

An tawong maraot naghihinanyog sa mga kaisipan na maraot, asin an putikon nagdadangog sa kaputikan.

Mga Talinhaga 19:28

An maraot na saksi minabiko kan hustisya; an maraot na tawo namomoot sa karatan.

Mga Talinhaga 19:5

Dai mangyayari na dai mapadusahan an putikon na saksi; an nagpuputik dai makakadulag.

Mga Talinhaga 19:9

An putikon na saksi papadusahan asin an nagpuputik mapapahamak.

Mga Talinhaga 21:28

An patotoo nin putikon dai pinapaniwalaan, alagad inaako an tataramon kan tataong maghiling kan katotoohan.

Mga Talinhaga 24:28

Dai ka magsaksi laban sa saimong kapwa na mayo nin dahelan, ni magsabi nin kaputikan manongod saiya.

Mga Talinhaga 25:18

Garo espada, pamukpok, saka bosog na matarom an tawong nagsasaksi nin kaputikan laban sa saiyang kapwa.

Mga Talinhaga 25:23

Kun paano nagdadara nin uran an amihan na doros, nagdadara man nin kaanggotan an paglibak.

Jeremias 20:10

Nadadangog kong naghihinghing an lambang saro, “An katakotan yaon sa gabos na lugar! Kaya isumbong ta siya sa mga awtoridad!” Maski an harani kong mga katood nagmamawot kan sakong kapahamakan. “Tibaad pwede siyang madaya,” an sabi ninda; “dangan madadakop saka mababalos ta siya.”

Levitico 19:11

“Dai kamo maghabon o magdaya o magputik.

Levitico 19:16

Dai kamo magpalakop nin kaputikan manongod sa kiisay man, asin kun igwa nin tawong ipinaglalaban an saiyang buhay sa hukoman, kaipuhan na magpahayag kamo kun an sasabihon nindo makakatabang saiya. Ako an Kagurangnan.

Mateo 19:18

“Anong mga togon?” an hapot kan hoben. Nagsimbag si Jesus, “Dai ka maggadan; dai ka magdorog sa bako mong agom; dai ka maghabon; dai ka magsaksi nin putik;

Lukas 19:8

Nagtindog si Zakeo saka nagsabi ki Jesus, “Kagurangnan, itatao ko sa mga dukha an kabanga kan mga rogaring ko asin kun may nadaya ako, duwang doble an ibabayad ko saiya.”

Lukas 3:14

May mga soldados man na naghapot saiya, “Kami, ano an dapat ming gibohon?” “Dai kamo magkua nin kwarta maski kiisay sa paagi nin kosog o salang sumbong; makontento kamo sa sweldo nindo.”

Juan 7:51

“Sosog sa satong Katogonan, dai pwedeng hukoman an sarong tawo kun dai ngona siya dangogon o aramon kun ano an saiyang naginibo.”

Roma 3:8

Tadaw ta dai kita maggibo nin maraot tanganing lumataw an marahay? Ini daa an itinutukdo ko, an sabi kan nagkapirang nagpapakaraot sako! Alagad an mga tawong iyan maninigong kondenaron.

Efeso 4:25

Kaya dai na kamo magputik! An lambang saro magtaram nin totoo sa tugang niya, huli ta kita gabos kabtang kan saro sanang hawak ni Cristo.

Deuteronomio 5:20

“‘Dai kamo magsaksi nin putik laban sa saindong kapwa.

2 Timoteo 3:3

sinda magigin makuri, mayo nin pagkaherak, parapakaraot, maisog, saka maringis; ikakaongis ninda an marahay;

1 Pedro 3:16

Alagad magin kamong mahuyo saka magalang sa pagsimbag nindo. Papagdanayon nindong malinig an saindong konsyensya, tanganing mapasopog an nagpapakaraot kan marahay nindong gawe bilang mga parasunod ni Cristo.

Kapahayagan 12:10

Dangan nakadangog ako nin makosog na tingog sa langit na nagsabi, “Nag-abot na ngunyan an kaligtasan, an kapangyarihan asin an kahadean nin satuyang Dios patin an kapangyarihan nin saiyang Cristo! Huli ta an parasumbong kan satong mga tugang, an parasumbong sa atubang nin Dios aldaw-banggi, ihinulog na hale sa langit.