Exodo 21:2 - Marahay na Bareta Biblia

² Kun magbakal ka nin oripon na Hebreyo, anom na taon siyang maglilingkod saimo. Sa ikapitong taon papatalingkason mo siya na dai papabayadon nin maski ano.

Exodo 21:2 Iomraidhean Croise

Genesis 27:28

Itao logod saimo nin Dios an ambon hale sa langit, magin matubang logod an saimong daga, dangan magdakul logod an saimong ani asin arak.

Genesis 27:36

Nagsabi si Esau, “Tama mananggad na nginaranan siyang Jacob, huli ta duwang beses na niya akong inagawan. Inagaw na niya an sakong deretso bilang matuang aking lalaki, asin ngunyan inagaw pa niya an bendisyon na para sako. Mayo ka nang natadang bendisyon para sako?”

2 Mga Hade 4:1

Nagduman ki Eliseo an sarong babaeng balo na kaayon sa sarong grupo nin mga propeta asin nagsabi, “An sakong agom gadan na. Naaaraman mo na igwa siya nin pagkatakot sa Kagurangnan, alagad an pinagkautangan niya nag-abot tanganing kuahon an duwa kong aking lalaki tanganing oriponon.”

Nehemias 5:8

dangan nagtaram ako, “Sagkod na kaya mi pa, tinutubos mi an kapwa ta Judio na nagpabarakal kan saindang sadiri sa mga dayuhan. Alagad ngunyan pinipirit nindo an sadiri nindong mga tugang na ipabakal an sadiri ninda sa saindo na kapwa ninda Judio!” Dai sinda naggirong asin dai nakasimbag nin anoman.

Exodo 12:44

alagad an binakal nindong oripon pwede nang kumakan kaiyan kun sinerkomsisyon na nindo siya.

Exodo 21:3

Kun siya mayong agom kan siya magin oripon mo, mahale siyang mayong agom; alagad kun siya may agom kan siya magin oripon mo, mahale siyang kaiba an saiyang agom.

Exodo 21:7

“Kun ipabakal kan ama an saiyang aking babae tanganing magin oripon, dai siya matatalingkasan na arog kan mga lalaking oripon.

Levitico 25:54

Kun dai pa siya makatalingkas huli sa mga nasambit na paagi, papatalingkason siya asin an saiyang mga aki sa masunod na Taon nin Katalingkasan.

Mateo 18:25

An sorogoon na ini mayong ibabayad, kaya nagboot an hade na ipabakal siya kaiba an saiyang pamilya saka an gabos niyang rogaring tanganing mabayadan an utang.

1 Corinto 6:20

kundi pagsadiri nin Dios;—mahal an pagkabakal niya saindo. Kaya gamiton man nindo an saindong hawak para sa kamurawayan nin Dios.

Deuteronomio 15:1

“Sa kataposan nin lambang ikapitong taon, patawadon nindo an gabos na utang kan mga nagkakautang saindo.

Deuteronomio 15:18

Dai kamo maanggot kun talingkasan na nindo an saindong oripon; kun pag-isipon, naglingkod na siya saindo sa laog nin anom na taon, sa kabanga sana kan kantidad na itatandan kuta nindo sa sarong oripon na parapatandan. Gibohon nindo ini asin bebendisyonan kamo nin Kagurangnan na saindong Dios sa gabos nindong ginigibo.

Deuteronomio 31:10

Pinagbotan niya sinda, “Sa kataposan kan lambang ikapitong taon, pag-abot kan taon nin pagpatawad kan gabos na pagkakautang, basahon nindo an katogonan na ini sa makosog na tingog, sa Pyesta nin mga Harong-harong.