Exodo 20:4 - Marahay na Bareta Biblia

⁴ “Dai kamo maggibo nin ladawan kan ano man na nasa langit o nasa daga o nasa tubig sa irarom kan daga.

Exodo 20:4 Iomraidhean Croise

1 Mga Hade 12:28

Pakahorophoropa niya kaini, guminibo siya nin duwang bulawan na torong baka dangan sinabihan an saiyang banwaan, “Haloy na kamong nagpaparatukad sa Jerusalem tanganing magsamba. Banwaan nin Israel, uya an saindong mga dios na nagluwas saindo sa Egipto!”

2 Mga Hade 17:12

asin kan dai ninda pagkuyog sa pagboot nin Kagurangnan na dai sinda magsamba sa mga ladawan.

2 Mga Cronica 33:7

An imahen kan dios-dios na saiyang ginibo, ibinugtak ninda sa laog kan Templo, sa lugar na iyo an sinabi nin Dios kan siya magtaram ki David asin ki Solomon na aki kaini: “Digdi sa Templong ini, asin sa Jerusalem na pinili ko hale sa gabos na tribu nin Israel, ibubugtak ko an sakong ngaran sagkod pa man.

Salmo 78:58

Pinaanggot siya ninda huli kan saindang mga paganong altar; pinaimon siya ninda huli kan saindang mga dios-dios.

Salmo 97:7

Sinosopog an gabos na nagsasamba sa mga ladawan, na naghahambog kan saindang mga dios na mayo nin halaga; gabos na dios minaduko sa atubang niya.

Exodo 20:23

Dai kamo maggibo nin mga dios-dios na plata o bulawan na sasambahon bilang dugang sa sako.

Exodo 32:1

Kan mareparo kan mga Israelita na haloy nang dai naghihilig sa bukid si Moises nagdolok sinda ki Aaron dangan nagsabi, “Dai mi aram kun ano na an nangyari sa Moises na iyan na nangenot samo pagluwas sa Egipto; kaya igibo mo kami nin sarong dios na mangengenot samo.”

Exodo 32:23

Sinabihan ninda ako, ‘Igibo mo kami nin sarong dios na mangengenot samo, huli ta dai mi aram kun ano na an nangyari sa Moises na iyan na nangenot samo paluwas sa Egipto.’

Exodo 32:4

Kinua niya an mga hikaw asin tinunaw, dangan inula ini sa sarong hormahan asin naggibo siya nin sarong metal na baka. Nagsabi an mga tawo, “O Israel, iyo ini an satong dios na nagluwas sato sa Egipto!”

Exodo 32:8

Tinalikodan na ninda an ipinagboot kong gibohon ninda. Naggibo sinda nin metal na baka, asin sinamba ninda ini saka dinolotan nin atang. Nagsarabi sinda na iyo idto an saindang dios na nagluwas sainda sa Egipto.”

Exodo 34:17

“Dai kamo maggibo nin mga metal na dios-dios.

Isaias 42:17

Masosopgan an gabos na nananarig sa mga dios-dios, asin an mga nag-aapod sa mga ladawan bilang saindang mga dios.”

Isaias 42:8

“Ako sana an Kagurangnan na saimong Dios. Mayo nin ibang dios na pwedeng makihiras kan sakong kamurawayan; dai ako matugot na mahirasan kan sakong kaomawan an mga ladawan.

Isaias 45:16

An mga naggigibo nin mga ladawan mapapasopog asin mawawaraan nin onra.

Ezekiel 20:7

Tinaraman ko sindang itapok an makauuyam na mga bagay na namomotan ninda asin na dai ninda pagdigtaan an saindang sadiri huli kan mga dios-dios nin Egipto, huli ta ako an Kagurangnan na saindang Dios.

Ezekiel 8:10

Kaya naglaog ako asin naghiling. An mga lanob igwa nin mga ladawan nin mga halas saka iba pang maating mga hayop, asin iba pang mga bagay na sinasamba kan mga Israelita.

Ezekiel 8:3

Inunat niya an garo sarong kamot dangan pinugol ako sa buhok. Dangan sa bisyon na ini, initaas ako kan espiritu nin Dios asin dinara sa Jerusalem. Dinara niya ako sa palaog kan trangkahan sa amihan kan Templo, saen namumugtak an sarong ladawan na sarong insulto sa Dios.

Levitico 19:4

“Dai kamo magtalikod sako asin magsamba sa mga ladawan; dai kamo maggibo nin mga dios-dios na gibo sa metal dangan magsamba sainda. Ako an Kagurangnan na saindong Dios.

Levitico 26:1

Nagtaram an Kagurangnan, “Dai kamo maggibo nin mga ladawan o magpatindog nin mga estatwa, o hariging gapo o inukitan na mga gapo tanganing saindong sambahon. Ako an Kagurangnan na saindong Dios.

Mga Bilang 12:8

Hampangan ko siyang kinakaolay, maliwanag kong itinataram saiya an gabos asin bako sa mga paokod; nahiling niya an sakong porma. Tadaw ta nangahas kamong magtaram laban sa sorogoon kong si Moises?”

Mga Gibo 17:29

Huli ta kita mga aki nin Dios, dai kita mag-isip na garo siya sarong ladawan na bulawan o plata o gapo, na ginibo nin tawo sosog sa saiyang kakayahan saka kadonongan.

Roma 1:23

Tinalikodan ninda an Dios na mayong kagadanan; an sinamba ninda iyo an mga ginibong ladawan na kabaing sa mga tawo o mga gamgam o mga hayop na apat an bitis asin mga hayop na nagkakamang.

Deuteronomio 16:22

Dai kamo magpatindog nin ano man na hariging gapo na ikinakaongis nin Kagurangnan.

Deuteronomio 27:15

“‘Maldisyonon an siisay man na maggibo nin ladawan na gapo, kahoy o metal, asin hilom na magsamba kaiyan; ikinakaongis nin Kagurangnan an pagsamba sa mga dios-dios.’ “Dangan an bilog na banwaan masimbag, ‘Amen!’

Deuteronomio 5:8

“‘Dai kamo maggibo nin ladawan kan anoman na nasa langit o nasa daga o nasa tubig sa irarom kan daga.

Kapahayagan 16:2

Nagduman an enot na anghel saka inula sa daga an nasa saiyang mangko. An mga tawong may marka kan hayop saka an mga nagsamba sa ladawan kaiyan, linuwasan nin makangingirhat saka makukulog na mga gatok.

Kapahayagan 9:20

Alagad an mga tawong dai nagadan kan mga pesteng ini dai nagbakle kan saindang mga gibo. Dai sinda nag-ontok magsamba sa mga demonyo saka sa mga ginibo nindang dios-dios na bulawan, plata, bronse, gapo o kahoy, na dai nakakahiling ni nakakadangog o nakakalakaw.