Exodo 20:3 - Marahay na Bareta Biblia

³ “Dai kamo nin ibang dios na sasambahon kundi ako sana.

Exodo 20:3 Iomraidhean Croise

1 Mga Hade 11:4

Kan gurang na si Solomon, dinagka siya kan saiyang mga agom na magsamba sa mga dios-dios. Dai siya nagin maimbod sa Kagurangnan na saiyang Dios, bakong arog kan saiyang ama na si David.

Salmo 29:2

Itao sa Kagurangnan an kamurawayan nin saiyang ngaran; sambahon an Kagurangnan sa saiyang pagdatong.

Salmo 73:25

Ano pa an yaon sako sa kalangitan kundi ika? Mayo akong minamawot sa daga kundi ika.

Salmo 81:10

Ako an Kagurangnan na saimong Dios, na nagluwas saimo hale sa daga nin Egipto. Bukaha an saimong ngoso, asin papakakanon taka.

Salmo 81:9

Dai ka nanggad magsamba sa ibang dios.

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Exodo 20:23

Dai kamo maggibo nin mga dios-dios na plata o bulawan na sasambahon bilang dugang sa sako.

Exodo 22:19

“Dapat gadanon an siisay man na magdorog sa hayop.

Exodo 23:24

Dai kamo magduko o magsamba sa saindang mga dios-dios, o mag-arog kan saindang mga ginigibo. Raoton nindo an saindang mga dios-dios asin gabaon nindo an saindang mga banal na hariging gapo.

Exodo 32:8

Tinalikodan na ninda an ipinagboot kong gibohon ninda. Naggibo sinda nin metal na baka, asin sinamba ninda ini saka dinolotan nin atang. Nagsarabi sinda na iyo idto an saindang dios na nagluwas sainda sa Egipto.”

Exodo 34:14

“Dai kamo magsamba sa ibang dios, huli ta ako an Kagurangnan, na an ngaran Maimon, sarong maimon na Dios.

Isaias 26:4

Magsarig sa Kagurangnan sagkod lamang, huli ta an Kagurangnan Dios iyo an gapong mayong kataposan.

Isaias 42:8

“Ako sana an Kagurangnan na saimong Dios. Mayo nin ibang dios na pwedeng makihiras kan sakong kamurawayan; dai ako matugot na mahirasan kan sakong kaomawan an mga ladawan.

Isaias 43:10

“Banwaan nin Israel, kamo an sakong mga saksi; pinili ko kamo nganing magin sorogoon ko, tanganing mamidbidan nindo ako asin magtubod kamo sa sako patin masabotan nindo na ako sana an Dios. Pwera sako, mayo na nin ibang dios; mayo nanggad kaidto asin dai nanggad magkakaigwa.

Isaias 44:8

Dai kamo matakot, sakong banwaan! Aram nindo na poon pa kaidto sagkod ngunyan hinulaan ko na an gabos na mangyayari, asin kamo an sakong mga saksi. Igwa pa daw nin ibang Dios? Igwa daw nin mapangyaring dios na dai ko pa nadangog?”

Isaias 46:9

Giromdoma kun ano an nangyari kaidtong panahon; akoa nindo na ako sana an Dios asin pwera sako mayo na nin ibang dios; mayo na nin ibang arog sako.

Jeremias 25:6

Tinaraman ninda kamo na dai magsamba asin maglingkod sa mga dios-dios, asin na dai pagpaanggoton an Kagurangnan huli sa pagsamba sa ginibo nindong mga ladawan. Kun kinuyog nindo an Kagurangnan, dai niya kutana kamo pinadusahan.

Jeremias 35:15

Nagpadagos ako sa pagpadara saindo kan gabos kong sorogoon, an mga propeta, asin tinaraman ninda kamo na talikodan na an saindong mga maraot na gawe saka gibohon an tama. Pinatanidan ninda kamo na dai magsamba saka maglingkod sa mga dios-dios, tanganing padagos kamong mag-erok sa daga na itinao ko saindo asin sa saindong mga ginikanan. Alagad habo kamong maghinanyog sako; dai nindo ako pinahalagahan.

Jeremias 7:9

Naghahabon kamo, nanggagadan, nagdodorog sa bakong agom, nanunumpa sa bakong katotoohan, nagdodolot nin mga sakripisyo ki Baal, asin nagsasamba sa mga dios-dios na dai man nindo midbid.

Daniel 3:18

Alagad maski dai niya kami iligtas, Mahal na Hade, dai man giraray kami masamba sa saimong dios, asin dai man kami maduko sa atubang kan estatwang bulawan na pinatindog mo.”

Oseas 13:4

Nagsasabi an Kagurangnan, “Ako an Kagurangnan na saindong Dios, na nangenot saindo paluwas sa Egipto. Mayo kamo nin ibang Dios kundi ako sana. Ako sana an saindong paraligtas.

Mateo 4:10

Sinimbag siya ni Jesus, “Humale ka, Satanas! Huli ta nasusurat, ‘Sambahon mo an Kagurangnan mong Dios, asin siya sana an saimong paglingkodan.’”

1 Corinto 8:4

Kun siring, ini an masasabi ko dapit sa pagkakan na idinolot sa mga dios-dios: aram nyato na an mga dios-dios minarepresentar sa mga mayo nin buhay; aram nyato na saro sana an Dios.

1 Corinto 8:6

alagad para sato saro sana an Dios, na iyo an Ama na Kaglalang kan gabos na bagay asin para saiya kita gabos nabubuhay. Siring man may saro sanang Kagurangnan, si Jesu-Cristo, na sa paagi niya linalang an gabos na bagay asin sa paagi niya nabubuhay kita.

Efeso 5:5

Aram nindo na an tawong marigsok o dusta o paslo (an kapasloan sarong pagsamba sa dios-dios) dai magkakaigwa nin pamana sa Kahadean ni Cristo asin nin Dios.

Deuteronomio 5:7

“‘Dai kamo nin ibang dios na sasambahon kundi ako sana.

Deuteronomio 6:14

Dai kamo magsamba sa ibang dios, sa arin man na dios kan mga banwaan sa palibot nindo.

Deuteronomio 6:5

Kamotan nindo an Kagurangnan na saindong Dios sa bilog nindong puso, sa bilog nindong kalag, asin sa bilog nindong kosog.

Filipos 3:19

Kapahamakan an aabotan ninda huli ta an kamawotan kan saindang hawak iyo an nagin nindang dios; ipinag-oorgulyo pa ninda an dapat nindang ikasopog, asin an iniisip sana ninda iyo an mga bagay digdi sa kinaban.

Colosas 2:18

Dai magtugot na kondenaron kamo nin siisay man na nagsasabing mas halangkaw siya, huli ta nagkaigwa siya nin espesyal na bisyon, saka nagsasagin-sagin na mapakumbaba asin nagsasamba sa mga anghel. An siring na tawo, maski mayo nin dahelan, pano nin pagpapahalaga sa sadiri man sana asin pano nin kaisipan na kinabanon.

Kapahayagan 19:10

Duminapa ako sa pamitisan niya sa pagsamba saiya, alagad sinaway niya ako, “Dai mo iyan paggibohon! Sorogoon man akong arog saimo, arog kan saimong mga tugang na nagdadanay sa katotoohan na ipinahayag ni Jesus. Sambahon mo an Dios!” Huli ta an katotoohan na ipinahayag ni Jesus iyo an buhay kan propesiya.

Kapahayagan 22:9

Alagad sinaway niya ako, “Dai mo iyan paggibohon! Sorogoon man akong arog saimo asin kan saimong mga tugang na propeta saka kan gabos na nagkukuyog kan mga tataramon sa librong ini. Sambahon mo an Dios!”

Hukom 6:10

Tinaraman ko kamo na ako an Kagurangnan na saindong Dios, asin na dai kamo magsamba sa mga dios-dios kan mga Amoreo na dating kagsadiri kan dagang pinag-eerokan nindo ngunyan. Alagad dai kamo nagdangog sako.”