Exodo 20:1 - Marahay na Bareta Biblia

¹ Nagtaram an Dios, asin ini an saiyang mga tataramon:

Exodo 20:1 Iomraidhean Croise

Nehemias 9:13

Hale sa langit naghilig ka sa Bukid nin Sinai; nagtaram ka sa saimong banwaan, asin tinawan mo sinda nin mga matanos na katogonan saka marahay na mga katukdoan.

Exodo 19:25

Naghilig si Moises asin sinabihan an mga tawo.

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Mga Gibo 7:38

Yaon siya sa katiriponan kan mga Israelita duman sa kalangtadan; siya an kaiba kan anghel kan magtaram ini saiya sa Bukid nin Sinai; siya an kaiba kan satong mga ginikanan. Siya an nag-ako kan tataramon nin buhay hale sa Dios tanganing itao sato.

Mga Gibo 7:53

Kamo an nag-ako kan togon nin Dios na itinao saindo kan mga anghel—alagad dai nindo iyan kinuyog!”

Deuteronomio 10:4

Isinurat nin Kagurangnan sa mga gapong ini an mga isinurat niya duman sa naenot, an Sampolong Togon na itinaram niya saindo hale duman sa kalayo kan magtiripon kamo sa bukid. Itinao sako nin Kagurangnan an mga tablang gapo.

Deuteronomio 4:33

Igwa daw nin banwaan na arog saindo na nakadangog sa sarong dios na nagtaram hale sa kalayo, asin padagos na nabuhay?

Deuteronomio 4:36

Tinugotan niya kamong makadangog kan saiyang tingog hale sa langit tanganing matukdoan kamo. Nahiling nindo digdi sa daga an saiyang banal na kalayo, dangan nadangog nindo siyang nagtaram hale sa kalayo.

Deuteronomio 5:22

“Iyo ini an mga pagboot na itinao saindo nin Kagurangnan kan magtiripon kamo sa atubang kan bukid, kan magtaram siya sa makosog na tingog hale sa kalayo, hale sa panganoron sagkod sa mahibog na kadikloman; mayo na siyang idinagdag. Dangan isinurat niya an mga ini sa duwang tablang gapo asin itinao sako.

Deuteronomio 5:4

Duman sa bukid, hampangan na nagtaram saindo an Kagurangnan hale sa naglalaad na kalayo.

Deuteronomio 5:6

‘Ako an Kagurangnan na saindong Dios na nagdara saindo sa luwas kan harong nin kaoripnan.