Exodo 2:3 - Marahay na Bareta Biblia

³ Alagad kan dai na niya ini pwedeng itago, kuminua siya nin basket na gibo sa bariw asin linahidan niya nin aspalto tanganing dai laogon nin tubig. Ilinaog niya an saiyang aki sa basket, dangan iwinalat sa tahaw kan mga talahib sa gilid kan salog.

Exodo 2:3 Iomraidhean Croise

Genesis 11:3

Nag-orolay-olay sinda, “Gumibo kita nin mga ladrilyo asin lutoon ta nin marahay.” Kaya nagkaigwa sinda nin mga ladrilyo embes na gapo asin aspalto embes na semento.

Genesis 14:10

Sa Kapantayan nin Siddim kadakul an mga kalot na igwang aspalto, kaya kan magdulag sa ralaban an mga hade kan Sodoma asin Gomorra, nahulog sinda duman; alagad an tolong hade nakadulag sa kabubuldan.

Genesis 6:14

Gumibo ka nin arka sa kahoy na goper na igwa nin sukol na syento treynta y tres metros an laba, beynte y dos metros an lakbang asin trese metros an langkaw. Gibohan mo nin mga kwarto saka lahidan mo nin aspalto an laog asin an luwas kan arka.

Exodo 1:22

Kaya nagboot an hade sa mga Egipcio, “Itapok nindo sa Salog nin Nilo an lambang bagong mamundag na lalaki sa mga Hebreyo, alagad pabayaan nindong mabuhay an gabos na aking babae.”

Isaias 18:2

Hale sa dagang idto, may mga sugo na nagsasakay sa Salog nin Nilo, sa mga sakayan na gibo sa bariw. Magpuruli kamo, mga marikas na sugo! Sarong mensahe an daraha nindo pabalik sa saindong daga na nababanga nin mga salog; daraha nindo iyan sa saindong makosog saka mapangyaring nasyon, sa saindong haralangkaw saka malinig an kublit na mga kahimanwa, na kinakatakotan sa bilog na kinaban.

Isaias 19:6

Mabata an mga pinag-aagihan kan tubig mantang dikit-dikit na nagmamara an mga iyan; magkakaaralang an mga bariw saka mga doot,

Isaias 35:7

magigin sarong sapa an mainit na baybay, asin mapapano nin mga burabod an mamarang daga. Sa dating pinag-eerokan kan lalaw na mga ayam, matalubo an mga bariw saka doot sa katiboan.

Mateo 2:13

Pakahale kan mga mago, an anghel nin Kagurangnan nagpahiling ki Jose sa pangatorogan asin nagsabi, “Magbangon ka; idulag mo sa Egipto an mag-ina. Dai ka maghale duman sagkod na sabihan taka, huli ta hahanapon ni Herodes an aki tanganing gadanon.”

Mateo 2:16

Naanggot na gayo si Herodes kan maaraman niya na nadaya siya kan mga mago na taga sirangan. Kaya ipinagadan niya an gabos na lalaki sa Betlehem sagkod sa mga kataed na lugar, mga lalaki na an edad duwang taon paibaba, sosog sa naaraman niya sa mga mago manongod kan oras nin pagtunga kan bitoon.

Mga Gibo 7:19

Dinaya kan hadeng ini an satong banwaan asin ipinagboot niya sa satong mga ginikanan na itapok an saindang mga omboy tanganing magkagaradan.