Exodo 2:10 - Marahay na Bareta Biblia

¹⁰ Kan dakula na an aki, ibinalik siya kan saiyang ina sa prinsesa, asin inako siya kaini bilang sadiring aki. Nagsabi an prinsesa, “Ngangaranan ko siyang Moises huli ta hinawas ko siya sa tubig.”

Exodo 2:10 Iomraidhean Croise

Genesis 16:11

Bados ka, asin mangangaki nin lalaki; aapodon mo siyang Ismael, huli ta dinangog nin Kagurangnan an saimong agrangay.

Genesis 4:25

Nagkaigwa pa nin aki si Adan asin an saiyang agom. Nagsabi si Eva, “Tinawan ako nin Dios nin aki na kasalihid ni Abel na ginadan ni Cain.” Kaya an aki nginaranan niyang Set.

Genesis 48:5

Nagpadagos si Jacob, “Jose, an duwa mong aking namundag digdi sa Egipto bago ako nagdigdi, sadiri ko; mga aki ko si Efraim saka si Manases, siring na mga aki ko si Ruben asin si Simeon.

2 Samuel 22:17

Hale sa itaas, ginawagaw ako nin Kagurangnan asin kinapotan; hinawas niya ako sa hararom na katubigan.

Exodo 2:9

Sinabihan kan prinsesa an babae, “Atamanon mo an aking ini asin babayadan taka.” Kaya dinara kan babae an aki asin inataman.

Mateo 1:21

Mangangaki siya nin lalaki asin ngangaranan mo siyang Jesus, huli ta ililigtas niya an saiyang banwaan sa saindang mga kasalan.”

Galacia 4:5

Nagdigdi siya sa pagligtas kan mga nasa irarom kan Katogonan, tanganing magin kitang mga aki nin Dios.

Hebreyo 11:24

Huli sa pagtubod, nagsayuma si Moises kan siya dakula na, na pag-apodon siyang aki kan aking babae kan hade.

1 Juan 3:1

Hilingon nindo kun gurano kadakula an pagkamoot nin Dios sa sato, kun kaya inapod kitang mga aki nin Dios, asin iyan totoo. Dai kita midbid kan kinaban nin huli ta bakong midbid kaiyan an Dios.

1 Samuel 1:20

Nagbados si Hanna asin nangaki nin lalaki. Nginaranan niya ining Samuel, huli ta olay niya, “Hinagad ko siya sa Kagurangnan.”