Exodo 17:4 - Marahay na Bareta Biblia

⁴ Kaya namibi si Moises sa Kagurangnan, “Ano an gigibohon ko sa mga tawong ini? Haros boot na ninda akong gapoon.”

Exodo 17:4 Iomraidhean Croise

Salmo 99:6

Kabilang sa mga padi niya si Moises saka si Aaron, kabilang sa mga nag-arang kan ngaran niya si Samuel. Nag-apod sinda sa Kagurangnan, asin sinimbag niya sinda.

Exodo 14:15

Nagtaram an Kagurangnan ki Moises, “Tano ta naghahagad ka sako nin tabang? Sabihan mo an mga tawo na magpadagos sa paglakaw.

Exodo 15:25

Kaya namibi sa Kagurangnan si Moises, asin ipinahiling saiya nin Kagurangnan an sarong kaputol na kahoy. Kinua ini ni Moises dangan itinapok sa tubig asin nahale an pait kan tubig. Sa lugar na idto itinao sainda nin Kagurangnan an mga pagboot na saindang pagkukuyogon asin duman sinda pinagbalo.

Mga Bilang 11:11

Nagsabi si Moises sa Kagurangnan, “Tadaw ta maraot an pagtratar mo sako? Tano ta dai mo ako nawilihan? An mga tawong ini sarong pasanon na magabat nin marahay. Tadaw ta ibinugtak mo sinda sako?

Mga Bilang 14:10

Boot kan bilog na komunidad na gapoon sinda sagkod na magadan, alagad biglang nahiling kan mga tawo sa Tabernakulo an kamurawayan nin Kagurangnan.

Mga Bilang 16:19

Tinipon ni Kora an bilog na komunidad asin nag-atubang ki Moises saka ki Aaron sa pintoan kan Tabernakulo. Dangan nagpahiling an kamurawayan nin Kagurangnan sa bilog na komunidad.

Juan 10:31

Nagpurot giraray nin mga gapo an mga tawo nganing gapoon si Jesus.

Juan 8:59

Kaya nagpurot sinda nin mga gapo na igagapo saiya, alagad nagtago si Jesus saka luminuwas sa Templo.

Mga Gibo 14:19

Nag-abot an nagkapirang Judio na hale sa Antiokia, sa Pisidia asin sa Iconio; napaoyon an mga tawo na kumampi sainda. Ginapo ninda si Pablo, ginuyod sa luwas kan banwa sa paghona na gadan na siya.

Mga Gibo 7:50

Bakong ako an naglalang kan gabos na ini?’

1 Samuel 30:6

Dakula an kahaditan ni David huli ta pinag-iisipan siyang gapoon kan saiyang mga tawohan huli kan pagkabihag kan saindang mga aki. Alagad pinakosog ni David an saiyang sadiri sa Kagurangnan na saiyang Dios.