Exodo 17:2 - Marahay na Bareta Biblia

² kaya nagreklamo sinda ki Moises asin nagsabi, “Tawan mo kami nin tubig na iinomon.” Nagsimbag sainda si Moises, “Tadaw ta nagrereklamo kamo? Tano ta binabalo nindo an Kagurangnan?”

Exodo 17:2 Iomraidhean Croise

Salmo 106:13

Alagad nalingawan tolos ninda an saiyang mga gibo; dai na hinalat an saiyang hatol.

Salmo 106:14

Sa kalangtadan nagkaigwa sinda nin ngana-nganang kamawotan; asin sa desyerto an Dios saindang pinagsugotan.

Salmo 78:18

Tuyong binalo ninda an Dios sa paagi nin paghagad kan kakanon na saindang minawot.

Salmo 78:41

Dakul na beses binalo ninda an Dios, asin pinaanggot an Banal na Dios nin Israel.

Salmo 78:56

Alagad binalo ninda asin tinumangan an Kahorohalangkaweng Dios, asin dai ninda kinuyog an saiyang mga togon,

Salmo 95:8

“Hare pagpatagasa an saindong mga puso, siring duman sa Meriba, siring kan aldaw sa Massa duman sa kalangtadan,

Salmo 95:9

kan ako binalo kan saindong mga ginikanan, asin pinagprobaran, maski nahiling ninda an sakuyang mga gibo.

Exodo 15:24

Nagreklamo ki Moises an mga Israelita, “Ano an samong iinomon?”

Exodo 16:8

Dangan nagsabi pa si Moises, “An Kagurangnan an matao saindo nin makakakan na karne pagkabanggi asin bastanteng tinapay pagkaaga, huli ta nadangog niya an pagreklamo nindo saiya; ta siisay man baya kami? Sa katotoohan, kun kamo nagrereklamo samo, sa Kagurangnan kamo nagrereklamo.”

Exodo 17:7

An lugar nginaranan Massa asin Meriba, huli ta nagreklamo an mga Israelita, asin huli ta binalo ninda an Kagurangnan kan sinda magsabi, “Kaibahan ta daw an Kagurangnan o dai?”

Exodo 5:21

Sinabihan ninda an duwa, “Nahiling nin Kagurangnan an ginibo nindo asin huhukoman niya kamo! Huli sa saindo, naanggot sa samo an hade asin an saiyang mga opisyal. Tinawan nindo sinda nin dahelan na gadanon kami.”

Isaias 7:12

Nagsimbag si Ahaz, “Dai ako mahagad nin tanda. Habo kong baloon an Kagurangnan.”

Malakias 3:15

Sosog sa samong nahihiling, an mapalangkaw iyo an mga paladan. Bako sanang nag-uuswag an mga maraot na tawo kundi binabalo pa ninda an Dios sa paggibo ninda kan mga maraot asin dai sinda napapadusahan.’”

Mga Bilang 14:2

Nagreklamo sinda ki Moises asin ki Aaron; olay ninda, “Marahay pang nagadan na kami duman sa Egipto o minsan digdi sa kalangtadan!

Mga Bilang 14:22

mayo nin mabubuhay sa mga tawong ini tanganing maglaog sa dagang idto. Nahiling ninda an sakong kamurawayan asin an mga milagrong ginibo ko sa Egipto saka sa kalangtadan, alagad dakul na beses ninda akong binalo asin dai ninda ako dinangog.

Mga Bilang 21:5

asin nagtararam sinda tumang sa Dios saka ki Moises. Naggurumod-gumod sinda, “Tadaw ta ilinuwas mo kami sa Egipto tanganing magadan sa desyertong ini na mayo nin pagkakan asin tubig? Nauuyam na kami sa mayong halagang pagkakan na ini!”

Mateo 4:7

Nagsimbag si Jesus, “Nasusurat man, ‘Dai mo pagsugotan an Kagurangnan mong Dios.’”

Lukas 15:12

An ngohod nagsabi sa ama, ‘Ama ko, tawan na sako an kahirasan ko!’ Kaya pinagbanga kan ama sa duwang aki niya an saiyang pagsadiri.

Lukas 4:12

Alagad sinimbag siya ni Jesus, “Nasusurat man, ‘Dai mo pagsugotan an Kagurangnan mong Dios.’”

Mga Gibo 15:10

Kun siring, tadaw ta binabalo nindo an Dios sa pagpapasan nin magabat na sakal sa mga paratubod, sakal na dai ta ngani naagod ni kan satong mga ginikanan?

Mga Gibo 5:9

Dangan sinabihan siya ni Pedro, “Tadaw ta boot nindong baloon an Espiritu nin Kagurangnan? Yaon na ngunyan sa may pintoan an mga lalaking naglubong kan agom mo; sinda man an mabulig saimo!”

1 Corinto 10:9

Dai ta man dapat pagbaloon an Kagurangnan, siring kan ginibo kan iba sainda, kaya ginaradan sinda kan mga halas.

Deuteronomio 6:16

“Dai nindo pagbaloon an Kagurangnan na saindong Dios, arog kan ginibo nindo saiya duman sa Massa.

Deuteronomio 9:22

“Pinaanggot man nindo an Kagurangnan na saindong Dios kan yaon kamo duman sa Tabera, sa Massa, asin duman sa Kibrot-hattaava.

Hebreyo 3:9

Duman sa kalangtadan pinagbalo ako ninda, an sabi nin Dios, maski sa laog nin kwarentang taon nahiling ninda an sakong mga ginibo.

1 Samuel 8:6

Dai nagustohan ni Samuel an kahagadan ninda na magkaigwa nin hade, kaya namibi siya sa Kagurangnan.