Exodo 16:8 - Marahay na Bareta Biblia

⁸ Dangan nagsabi pa si Moises, “An Kagurangnan an matao saindo nin makakakan na karne pagkabanggi asin bastanteng tinapay pagkaaga, huli ta nadangog niya an pagreklamo nindo saiya; ta siisay man baya kami? Sa katotoohan, kun kamo nagrereklamo samo, sa Kagurangnan kamo nagrereklamo.”

Exodo 16:8 Iomraidhean Croise

Exodo 16:12

“Nadangog ko an mga reklamo kan mga Israelita. Sabihan mo sinda na pagsolnop kan aldaw magkakaigwa sinda nin karne, asin pagkaaga tatawan ko sinda nin bastanteng tinapay. Dangan mamimidbid ninda na ako an Kagurangnan, iyo an saindang Dios.”

Exodo 16:9

Sinabihan ni Moises si Aaron, “Sabihan mo an bilog na komunidad nin mga Israelita na magdigdi asin magtindog sa atubang nin Kagurangnan, huli ta nadangog niya an saindang mga reklamo.”

Exodo 17:2

kaya nagreklamo sinda ki Moises asin nagsabi, “Tawan mo kami nin tubig na iinomon.” Nagsimbag sainda si Moises, “Tadaw ta nagrereklamo kamo? Tano ta binabalo nindo an Kagurangnan?”

Isaias 32:6

An sarong lolong nagtataram nin kalolongan asin nag-iisip nin karatan; an sinasabi saka ginigibo niya anas pag-olog-olog sa Kagurangnan; dai niya pinapakakan an nagugutom o pinapainom an napapaha.

Isaias 37:29

Huli kan kaanggotan mong iyan tumang sako asin kan kapaabaw-abawan mong nakaabot sa sakong pandangog, bubugtakan taka nin salongasing saka renda dangan ibabalik taka sa hinalean mo.”

Mga Bilang 11:18

Sabihan mo an mga tawo na maglinig sinda para sa aga asin makakan na sinda nin karne. Nagreklamo sinda asin naghapot kun siisay an matao sainda nin karne. Nagsabi pa sinda na mas marahay an saindang buhay sa Egipto. Kaya tatawan ko sinda nin karne dangan makakan sinda.

Mga Bilang 14:27

“Sagkod nuarin maggugurumod-gumod tumang sako an mga maraot na tawong ini? Nadangog ko an saindang mga reklamo.

Mga Bilang 21:7

Nagduman an mga tawo ki Moises asin nagsabi, “Nagkasala kami kan magtaram kami tumang sa Kagurangnan asin saimo. Mamibi ka saiya na haleon an mga halas na ini.” Kaya namibi si Moises para sa mga tawo.

Mateo 10:40

“An minaako saindo, minaako man sako; an minaako sako, minaako sa nagsugo sako.

Mateo 9:4

Aram ni Jesus an nasa isip ninda kaya nagsabi siya, “Tadaw ta nag-iisip kamo nin maraot?

Lukas 10:16

Dangan nagsabi si Jesus sa saiyang mga disipulo, “An naghihinanyog saindo, naghihinanyog sako; an minasikwal saindo, minasikwal sako; an minasikwal sako, minasikwal sa nagsugo sako.”

Juan 13:20

Sa katotoohan sinasabihan ko kamo, an minaako sa sinugo ko, minaako sako; asin an minaako sako, minaako sa nagsugo sako.”

Roma 13:2

Kaya an siisay man na nagtutumang sa mga awtoridad, nagtutumang man sa ipinagboot nin Dios asin huhukoman siya.

1 Corinto 10:10

Dai kita dapat maggurumod-gumod, siring kan ginibo kan iba sainda, kaya ginadan sinda kan Paragadan.

1 Tesalonica 4:8

Kaya an siisay man na minasikwal kan katukdoan na ini, minasikwal bakong sa tawo kundi sa Dios na iyo an nagtao saindo kan saiyang Espiritu Santo.

1 Samuel 8:7

Nagtaram saiya an Kagurangnan, “Dangoga an gabos na sinasabi saimo kan mga tawo, huli ta bakong ika an saindang hinaboan; ako an hinaboan ninda bilang saindang hade.