Exodo 16:7 - Marahay na Bareta Biblia

⁷ Sa aga mahihiling nindo an kamurawayan nin Kagurangnan bilang kasimbagan niya sa saindong mga reklamo saiya; huli ta siisay man baya kami na pagreklamohan nindo?”

Exodo 16:7 Iomraidhean Croise

Exodo 16:10

Kan nagtataram si Aaron sa komunidad nin mga Israelita, sinda gabos nagkiriling sa kalangtadan asin bigla nindang nahiling sa panganoron an kamurawayan nin Kagurangnan.

Exodo 16:12

“Nadangog ko an mga reklamo kan mga Israelita. Sabihan mo sinda na pagsolnop kan aldaw magkakaigwa sinda nin karne, asin pagkaaga tatawan ko sinda nin bastanteng tinapay. Dangan mamimidbid ninda na ako an Kagurangnan, iyo an saindang Dios.”

Exodo 16:8

Dangan nagsabi pa si Moises, “An Kagurangnan an matao saindo nin makakakan na karne pagkabanggi asin bastanteng tinapay pagkaaga, huli ta nadangog niya an pagreklamo nindo saiya; ta siisay man baya kami? Sa katotoohan, kun kamo nagrereklamo samo, sa Kagurangnan kamo nagrereklamo.”

Exodo 24:10

Duman nahiling ninda an Dios nin Israel. An natutungtongan niya garo baldosa na gibo sa mga gapong sapiro na arog sa langit kaasul.

Exodo 24:16

An kamurawayan nin Kagurangnan nag-ontok sa Bukid nin Sinai. Sa paghiling kan mga Israelita, an kamurawayan nin Kagurangnan arog sa malaad na kalayo sa alitoktok kan bukid. Anom na aldaw na natahoban nin panganoron an bukid. Sa ikapitong aldaw, hale sa panganoron, inapod nin Kagurangnan si Moises.

Exodo 40:34

An Tabernakulo tinahoban kan panganoron asin napano iyan kan nakakasulang liwanag nin Kagurangnan.

Isaias 35:2

Maawit saka makurahaw sa kaogmahan an desyerto; magigin magayon iyan siring sa mga Bukid nin Lebanon asin magigin matubang siring sa kaomahan nin Carmelo saka Sharon. Mahihiling kan gabos an kamurawayan nin Kagurangnan, mahihiling ninda an saiyang kadakulaan asin kapangyarihan.

Isaias 40:5

Dangan mahahayag an kamurawayan nin Kagurangnan, asin mahihiling iyan kan gabos na katawohan. An Kagurangnan mismo an nagtaram kaini.

Levitico 9:6

Nagsabi si Moises sainda, “Iyo ini an ipinagboot nin Kagurangnan na gibohon nindo tanganing mahiling nindo an kamurawayan niya.”

Mga Bilang 14:10

Boot kan bilog na komunidad na gapoon sinda sagkod na magadan, alagad biglang nahiling kan mga tawo sa Tabernakulo an kamurawayan nin Kagurangnan.

Mga Bilang 14:27

“Sagkod nuarin maggugurumod-gumod tumang sako an mga maraot na tawong ini? Nadangog ko an saindang mga reklamo.

Mga Bilang 16:11

Kun minareklamo kamo ki Aaron, sa katunayan minareklamo kamo sa Kagurangnan.”

Mga Bilang 16:42

Kan nagkatiripon na sinda gabos tanganing magprotesta ki Moises saka ki Aaron, nagsalingoy sinda sa Tabernakulo asin nahiling ninda na tinahoban idto kan panganoron dangan tuminunga an kamurawayan nin Kagurangnan.

Mga Bilang 17:5

Matubo an sugkod kan tawong pipilion ko. Sa paaging iyan, papaontokon ko an mga pagreklamo saimo kan mga Israelitang ini.”

Juan 11:4

Kan maaraman ini ni Jesus, nagsabi siya, “An helang na ini dai ikakagadan kundi para sa kamurawayan nin Dios, tanganing an Aki nin Dios magmuraway huli kaiyan.”

Juan 11:40

Alagad sinabihan siya ni Jesus, “Bakong sinabihan taka, na kun magtubod ka, mahihiling mo an kamurawayan nin Dios?”