Exodo 15:9 - Marahay na Bareta Biblia

⁹ Nagsabi an kaiwal, ‘Lalamagon ko sinda asin dadakopon; saindang kayamanan sakong babangaon; gabos na magustohan sakong kukuahon asin sa bagsik kan espada gabos sasamsamon.’

Exodo 15:9 Iomraidhean Croise

Genesis 49:27

“Arog sa sarong gutom na lobo si Benjamin, Na aldaw-banggi daing ontok sa paggadan asin sa pagkakan.”

2 Samuel 22:38

Linamag ko asin ginadan an sakong mga kaiwal; dai ako nag-ontok sagkod na sinda nagkagaradan.

1 Mga Hade 19:2

Dangan pinadarahan ni Jezebel si Elias nin mensahe: “Gadanon logod ako kan mga dios kun sa siring kaining oras sa aga dai ko gibohon saimo an bagay na ginibo mo sa mga propeta.”

1 Mga Hade 20:10

hale ki Ben-hadad: “Madara ako nin dakul na lalaki na magaba kan syudad mong ini, dakul na lalaki na pwedeng magdara sa saindang mga kamot kan gabos na alpog nin Samaria. Gadanon logod ako kan mga dios kun dai ko gibohon ini!”

Exodo 14:5

Kan masabihan an hade kan Egipto na nagdulag an mga Israelita, nagbago nin isip an hade, asin an saiyang mga opisyal. Nagsarabi sinda, “Ano ining ginibo ta? Pinabayaan tang makahale an mga Israelita asin ngunyan nawaraan logod kita nin mga oripon.”

Mga Talinhaga 16:19

Orog karahay an magin mapakumbaba saka magdanay na dukha, ki sa magin saro kan mga mapaabaw-abaw saka makihiras kan saindang sinamsaman.

Isaias 36:20

Kasuarin ilinigtas kan arin man sa mga dios na ini an saindang daga sa kamot kan emperador? Ano kun siring ta nag-iisip kamong pwedeng iligtas nin Kagurangnan an Jerusalem?”

Isaias 53:12

Kaya tatawan ko siya nin kaomawan, kaiba kan mga dakula saka mapangyaring mga tawo. Idinusay niya an saiyang buhay asin ibinilang siya sa kaibahan kan mga tampalasan. Inako niya an kasalan kan kadaklan asin ipinamibi niya na sinda patawadon.”

Jeremias 46:17

“An hade nin Egipto apodon nindong, ‘An maribok na nagsasayang nin panahon.’

Habakkuk 3:14

Tinuhog kan saimong mga bosog an pamayo kan saiyang hukbo kan ini nag-abot siring sa sarong bagyo, sa pagwarak samo, nagngingisi ini arog kan mga tawong hilom na nang-aapi kan mga dukha.

Lukas 11:22

Alagad kun labanan siya nin sarong mas makosog ki sa saiya dangan madaog siya, kukuahon an gabos na armas na pinagsasarigan niya saka babarangaon an mga nasamsam.

Hukom 5:30

“Naghahanap pa sinda nin mabibihag asin mababanga— saro o duwang babae para sa lambang soldados, mamahalon na tela para ki Sisera, mga ginansilyong gubing para sa sakong liog.”

1 Samuel 30:8

Hinapot ni David an Kagurangnan, “Marahay daw na lamagon ko an mga parasalakay na idto? Maabotan ko pa daw sinda?” Nagsimbag an Kagurangnan, “Lamagon mo sinda; aabotan mo sinda asin mababawe an mga bihag.”