Exodo 15:1 - Marahay na Bareta Biblia

¹ Dangan si Moises asin an mga Israelita nagkanta kaining awit sa Kagurangnan: “An Kagurangnan sakong aawitan huli ta dakulang panggana saiyang nakamtan; mga kabayo asin mga lunad man itinapok niya sa kadagatan.

Exodo 15:1 Iomraidhean Croise

Nehemias 9:11

Sa atubang kan saimong banwaan binanga mo an dagat, kaya nag-agi sinda sa mamarang daga sa tahaw kan dagat. An mga nagralamag sainda linamos mo sa hararom na dagat, siring sinda sa gapo na nag-irarom sa anggot na mga katubigan.

An Libro ni Job 36:24

Giromdomon mong ilangkaw an saiyang gibo, na inawit kan mga tawo.

Salmo 105:43

Kaya ilinuwas niya an saiyang piniling banwaan, nag-awit sinda asin nagkurahaw sa kaogmahan.

Salmo 106:12

Saka sinda nagtubod sa tataramon niya, asin nag-awit nin pag-omaw saiya.

Salmo 107:15

Kaipuhan magpasalamat sinda sa Kagurangnan, huli kan danay niyang pagkamoot, huli kan makangangalas na gibo niya sa sainda.

Salmo 107:8

Kaipuhan magpasalamat sinda sa Kagurangnan, huli kan danay niyang pagkamoot, huli kan makangangalas na gibo niya sa sainda.

Salmo 32:7

Ika an sakong lugar na tagoan; iliniligtas mo ako sa kasakitan. Makosog akong nag-aawit kan saimong kaligtasan, huli ta ako saimong iniingatan.

Salmo 76:6

Sa saimong pagtuyaw, O Dios ni Jacob, an lunad asin an kabayo parehong nagadan.

Salmo 76:7

Alagad ika, Kagurangnan, kinatatakotan kan gabos. Mayo nin makakaatubang saimo kun ika anggot.

Exodo 14:26

Dangan nagtaram an Kagurangnan ki Moises, “Unata an saimong kamot sa tangod kan dagat tanganing matahoban kan tubig an mga Egipcio, an saindang mga karwahe asin an mga lunad kaiyan.”

Exodo 14:27

Kaya inunat ni Moises an saiyang kamot sa tangod kan dagat, asin pagkaaga nagbalik an tubig sa dating rarom. Naghingowang makadulag an mga Egipcio, alagad itinapok sinda nin Kagurangnan sa tahaw kan dagat.

Exodo 15:21

Kinantahan sinda ni Miriam: “Mag-awit kamo sa Kagurangnan huli ta saiyang nakamtan mamurawayon na kapangganahan. Mga kabayo asin mga lunad man, itinapok niya sa kadagatan.”

Exodo 18:11

Ngunyan aram ko na nanggad na siya orog ki sa ibang mga dios, huli ta ilinigtas niya an mga Israelita sa pang-aapi sainda kan mga Egipcio.”

Mga Talinhaga 29:6

An maraot nadadakop sa sadiring kasalan, mantang an matanos nag-aawit asin nag-oogma.

Isaias 42:10

Awitan nindo nin bagong awit an Kagurangnan; awita nindo an saiyang pag-omaw, bilog na kinaban! Omawon nindo siya, gabos na linalang sa dagat. Mag-awit kamo, mga harayong daga asin kamo gabos na nag-eerok diyan!

Jeremias 51:21

sa pagronot kan mga kabayo saka mga lunad kaiyan, sa pagronot kan mga karwahe asin sa mga nagpapadalagan kaiyan,

Oseas 2:17

Dai ko na nanggad siya tutugotan na sambiton pa an ngaran ni Baal.

Habakkuk 3:18

magigin maogma pa giraray ako asin magayagaya, huli ta an Kagurangnan Dios iyo an sakong paraligtas.

Mga Bilang 21:17

Dangan nag-awit an Israel kan awit na ini: “Paluwasa an tubig mo, O Bubon! Asin sasabaton mi iyan nin awit—

Colosas 2:15

Sa pagkagadan ni Cristo sa krus, dinaog niya an mga prinsipado saka mga kapangyarihan. Ipinarada niya sinda sa publiko na garo mga bilanggo bilang patotoo na dinaog niya sinda.

Kapahayagan 15:3

Inaawit ninda an awit ni Moises na sorogoon nin Dios, asin an awit kan Kordero: “Dakula asin makangangalas an saimong mga gibo, O Kagurangnan, Dios na Makakamhan! Matanos asin totoo an saimong mga dalan, O Hade nin mga nasyon!