Exodo 13:6 - Marahay na Bareta Biblia

⁶ Sa laog nin pitong aldaw magkakan kamo nin tinapay na mayo nin lebadura asin sa ikapitong aldaw magpyesta kamo para sa Kagurangnan.

Exodo 13:6 Iomraidhean Croise

2 Mga Cronica 30:21

Pitong aldaw na maogmang pinagselebrar kan mga tawo na nagtiripon sa Jerusalem an Pyesta kan Tinapay na mayo nin Lebadura. Sa bilog na kosog, aroaldaw na nag-omaw sa Kagurangnan an mga Levita saka mga padi.

Exodo 34:18

“Selebraron nindo an Pyesta kan Tinapay na Mayo nin Lebadura. Siring sa ipinagboot ko saindo, pitong aldaw kamong magkakan nin tinapay na mayo nin lebadura sa bulan nin Abib, huli ta ini an bulan kan paghale nindo sa Egipto.

Levitico 23:8

Idolot nindo sa Kagurangnan an saindong mga dolot na pagkakan sa laog kan pitong aldaw na iyan. Sa ikapitong aldaw magkakaigwa giraray kamo nin banal na pagtiripon asin dai kamo magtatrabaho.”

Deuteronomio 16:8

Sa masunod na anom na aldaw, magkakan kamo nin tinapay na mayo nin lebadura. Sa ikapitong aldaw, magtiripon kamo sa pagsamba sa Kagurangnan na saindong Dios. Sa aldaw na iyan dai kamo magtrabaho.

Josue 5:11

Kan sunod na aldaw nagkakan sinda kan pagkakan na hale sa Canaan: dinarang na trigo asin tinapay na mayo nin lebadura.