Exodo 13:3 - Marahay na Bareta Biblia

³ Sinabihan ni Moises an mga tawo, “Giromdoma nindo an aldaw na ini—an aldaw kan paghale nindo sa Egipto, an lugar na nag-oripon saindo. Iyo ini an aldaw na ilinuwas kamo nin Kagurangnan huli kan saiyang kapangyarihan. Dai kamo magkakan nin tinapay na igwa nin lebadura.

Exodo 13:3 Iomraidhean Croise

Genesis 15:16

Apat na henerasyon pa an maagi bago makabalik digdi an saimong kapagarakian huli ta dai ko papahaleon an mga Amoreo sagkod na dai pa nagsobra an saindang karatan kaya kaipuhan nang padusahan sinda.”

1 Mga Cronica 16:12

Kamong kapagarakian ni Abraham na sorogoon nin Dios. Kamong kapagarakian ni Jacob na pinili nin Dios; giromdomon nindo an mga ginibo niyang ngangalasan, an mga milagro, asin an mga paghukom na saiyang itinao.

Nehemias 1:10

“Kagurangnan, sinda an saimong mga sorogoon asin banwaan na tinubos kan saimong dakulang kapangyarihan saka kosog.

Nehemias 9:10

Nagpahiling ka nin mga tanda saka mga ngangalasan laban sa hade nin Egipto, laban sa saiyang mga opisyal asin sa gabos na tawo sa saiyang daga, huli ta aram mo na inapi ninda an saimong banwaan. Nagin bantog an saimong ngaran sagkod ngunyan na aldaw.

Salmo 105:5

Kamong kapagarakian ni Abraham na sorogoon nin Dios; kamong kapagarakian ni Jacob na saiyang pinili; giromdomon nindo an mga ginibo niyang ngangalasan, an mga milagro, asin an mga itinaram niyang mga sentensya.

Salmo 114:1

Kan an Israel magluwas hale sa Egipto, kan an kapagarakian ni Jacob maghale sa dagang dayuhan,

Salmo 136:11

Ilinuwas niya an Israel hale sa Egipto; an saiyang pagkamoot mayo nin kataposan;

Salmo 136:12

huli kan saiyang makosog na kamot, asin mapangyaring takyag; an saiyang pagkamoot mayo nin kataposan.

Salmo 89:14

Katanosan asin hustisya an mga pundasyon kan saimong trono; pagkamoot asin kaimbodan nahihiling sa gabos mong gibo.

Exodo 12:15

Nagtaram an Kagurangnan, “Pitong aldaw kamong magkakan nin tinapay na mayo nin lebadura. Sa enot na aldaw, hahaleon nindo an gabos na lebadura sa saindong mga harong huli ta an siisay man na magkakan nin tinapay na igwa nin lebadura sa laog kan pitong aldaw na iyan, dai ko na ibibilang na kaayon sa sakong banwaan.

Exodo 12:17

Giromdoma nindo ining pyesta kan tinapay na mayo nin lebadura huli ta sa aldaw na ini ilinuwas ko kamo sa Egipto. Giboha nindo an pyestang ini sa gabos na panahon.

Exodo 12:19

Sa laog nin pitong aldaw, kaipuhan na daing makuang lebadura sa saindong mga harong huli ta an siisay man, Israelita o dayuhan, na kumakan nin tinapay na igwa nin lebadura, dai ko na ibibilang na kaayon sa sakong banwaan.”

Exodo 12:2

“An bulan na ini iyo an magigin enot na bulan kan taon para sa saindo.

Exodo 12:41

Naghale sinda sa Egipto sa huring aldaw kan ikakwatro syentos treyntang taon.

Exodo 12:42

An bangging idto iyo an banggi nin pagbantay kan Kagurangnan tanganing iluwas sinda sa Egipto; kaya an bangging idto sarong banggi nin pagbantay na itinalaan para sa Kagurangnan kan banwaan nin Israel sagkod pa man.

Exodo 12:8

Sa bangging iyan, iihawon an binunong hayop dangan kakakanon kaiba an mapait na gulay asin an tinapay na mayo nin lebadura.

Exodo 13:14

Sa maabot na panahon, kun maghapot an saindong aking lalaki kun ano an boot sabihon kan ginigibo nindong ini, sabihan nindo, ‘Huli kan saiyang dakulang kapangyarihan, hinale kami nin Kagurangnan sa Egipto, saen nagin mga oripon kami.

Exodo 13:9

An paggibo kaini sarong pagiromdom, arog sa sarong bagay na nakagakod sa saindong kamot o sa saindong angog; magpapagiromdom iyan sa saindo na magpadagos kamo sa pag-adal kan Togon nin Kagurangnan, huli ta ilinuwas niya kamo sa Egipto huli kan saiyang dakulang kapangyarihan.

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Exodo 20:8

“Giromdoma nindo an Sabbath asin pakabanala nindo iyan.

Exodo 23:15

Selebraron nindo an Pyesta nin Tinapay na Mayo nin Lebadura. Siring sa ipinagboot ko saindo, pitong aldaw kamong dai magkakan nin tinapay na igwa nin lebadura sa bulan nin Abib, huli ta ini an bulan kan paghale nindo sa Egipto. Dai nin siisay man na magdolok sako na mayong darang dolot.

Exodo 3:20

Kaya gagamiton ko an sakong kapangyarihan asin papadusahan ko an Egipto sa paagi nin makangingirhat na mga bagay na gigibohon ko duman. Pakatapos kaiyan papahaleon na niya kamo.

Exodo 34:18

“Selebraron nindo an Pyesta kan Tinapay na Mayo nin Lebadura. Siring sa ipinagboot ko saindo, pitong aldaw kamong magkakan nin tinapay na mayo nin lebadura sa bulan nin Abib, huli ta ini an bulan kan paghale nindo sa Egipto.

Exodo 6:1

Dangan nagtaram an Kagurangnan ki Moises, “Mahihiling mo ngunyan kun ano an gigibohon ko sa hade. Mapipiritan siyang pahaleon an sakong banwaan. Talagang mapipiritan siyang isubol sinda paluwas sa saiyang daga.”

Exodo 6:6

Kaya sabihan mo an mga Israelita, ‘Ako an Kagurangnan; hahaleon asin papatalingkason ko kamo sa pang-ooripon kan mga Egipcio. Uunaton ko an sakong kamot tanganing padusahan sinda nin makuri asin ililigtas ko kamo.

Exodo 6:7

Kamo an magigin banwaan ko asin ako an magigin Dios nindo. Mamimidbid nindo na ako an Kagurangnan, an saindong Dios, na naghale sa saindo sa pang-ooripon kan mga Egipcio.

Exodo 7:4

Dangan uunaton ko an sakong kamot tanganing padusahan nin makuri an bilog na Egipto asin hahaleon ko duman an mga Israelita na sakong banwaan.

Jeremias 34:13

an Dios nin Israel, na magsabi sa mga tawo, “Nakipagtipan ako sa saindong mga ginikanan kan iligtas ko sinda sa Egipto asin haleon sa kaoripnan. Tinaraman ko sinda na sa

Daniel 9:15

“O Kagurangnan na samong Dios, ipinahiling mo an saimong kapangyarihan kan iluwas mo an saimong banwaan sa Egipto asin nagigiromdoman pa sagkod ngunyan an saimong kapangyarihan. Nagkasala kami; ginibo mi an bakong tama.

Mateo 10:12

Pag-abot nindo sa harong, magtaong galang kamo nin siring, ‘Mapasaindo an katoninongan.’

Lukas 22:19

Dangan nagkua siya nin tinapay, nagpasalamat, binaraak, itinao sa saiyang mga disipulo asin nagsabi, “Ini an sakong hawak, na itinatao para saindo. Gibohon nindo ini sa pagromdom sako.”

1 Corinto 11:24

nagpasalamat saka binaak iyan, dangan nagsabi, “Iyo ini an sakong hawak na idinodolot para saindo. Giboha nindo ini sa pagromdom sako.”

1 Corinto 5:8

Kaya selebraron nindo an satong Paskwa, sa paagi kan tinapay na mayo nin lebadura—an tinapay nin kalinigan saka katotoohan—bakong sa paagi kan tinapay na may daan na lebadura, na iyo an lebadura nin karatan saka karigsokan.

Efeso 1:19

asin kun gurano kadakula an saiyang kapangyarihan na yaon sato na mga nagtutubod. An kapangyarihan na ini na yaon sato pareho kan kapangyarihan saka kosog

Deuteronomio 13:10

Gapoon nindo siya sagkod na magadan, huli ta irinarayo niya kamo sa Kagurangnan na saindong Dios na nagligtas saindo sa Egipto, saen kamo nagin mga oripon.

Deuteronomio 13:11

Dangan madadangog kan gabos na tawo sa Israel an nangyari; matatakot sinda kaya mayo na nin magibo kan siring na karatan.

Deuteronomio 13:5

Alagad gadanon nindo an propeta o an parapaliwanag nin mga pangatorogan na idto, huli ta tinutukdoan niya kamo na magtumang sa Kagurangnan, na nagligtas saindo sa Egipto, saen kamo nagin mga oripon. Maraot an tawong iyan huli ta dinadagka niya kamong magtalikod sa pamumuhay na ipinagboot nin Kagurangnan. Kaipuhan gadanon siya tanganing mahale an karatan na iyan sa tahaw nindo.

Deuteronomio 13:6

“Kun an saindong tugang o an aki nindong lalaki o babae, o an namomotan nindong agom o an saindong nangongorog na katood, hilom na magdagka saindo na magsamba sa ibang mga dios na dai pa nindo sinamba asin kan saindong mga ginikanan,

Deuteronomio 15:15

Giromdoma nindo na mga oripon man kamo kaidto duman sa Egipto, asin tinalingkasan kamo nin Kagurangnan na saindong Dios; kaya ngunyan itinatao ko saindo ining pagboot.

Deuteronomio 16:1

“Galangan nindo an Kagurangnan na saindong Dios sa pagselebrar kan Paskwa sa bulan nin Abib, huli ta sa bulan na iyan ilinigtas niya kamo sa Egipto.

Deuteronomio 16:12

Kaipuhan kuyogon nindo an mga pagboot na ini; dai nindo paglingawan na kamo nagin mga oripon duman sa Egipto.

Deuteronomio 16:3

Sa pagkakan nindo kaiyan, dai kamo mag-andam nin tinapay na igwa nin lebadura. Sa laog nin pitong aldaw, magkakan kamo nin tinapay na mayo nin lebadura, siring kan ginibo nindo kan hidali kamong maghale sa Egipto. Kakanon nindo an tinapay na iyan, na aapodon tinapay nin kasakitan, tanganing sa bilog nindong pagkabuhay magiromdoman nindo an aldaw kan paghale nindo duman sa Egipto.

Deuteronomio 24:18

Giromdoma na nagin oripon man kamo sa Egipto, asin ilinigtas kamo nin Kagurangnan na saindong Dios kaya itinatao ko saindo ining pagboot.

Deuteronomio 24:22

Dai nindo paglingawan na nagin oripon man kamo sa Egipto kaya itinatao ko saindo ining pagboot.

Deuteronomio 26:8

Huli kan saiyang dakulang kapangyarihan saka kosog, asin huli kan dakul na ngangalasan saka mangirhat na mga bagay na saiyang ginibo, ilinuwas niya kami sa Egipto.

Deuteronomio 4:34

Igwa daw nin dios na nangahas na magduman asin magkua nin sarong banwaan hale sa ibang nasyon dangan gibohon na saiyang sadiri, arog kan ginibo saindo nin Kagurangnan na saindong Dios duman sa Egipto? Sa atubang nindo, ginamit niya an saiyang kosog asin kapangyarihan huli sa mga helang saka gera, sa mga tanda sagkod ngangalasan patin sa mga mangirhat na bagay.

Deuteronomio 5:15

Giromdoma nindo na mga oripon kamo duman sa Egipto, asin ako, an Kagurangnan na saindong Dios, an nagligtas saindo huli kan sakong dakulang kapangyarihan saka kosog. Kaya ipinagboboot ko saindo na giromdomon nindo an Sabbath.

Deuteronomio 5:6

‘Ako an Kagurangnan na saindong Dios na nagdara saindo sa luwas kan harong nin kaoripnan.

Deuteronomio 6:12

magmaan kamo ta tibaad malingaw kamo sa Kagurangnan na nagligtas saindo sa Egipto, saen kamo nagin mga oripon.

Deuteronomio 6:21

sabihan nindo sindang, ‘Mga oripon kami kaidto kan hade nin Egipto, alagad ilinigtas kami nin Kagurangnan huli kan saiyang mapangyaring kamot.

Deuteronomio 7:8

Alagad namotan kamo nin Kagurangnan asin boot niyang otobon an panuga niya sa saindong mga ginikanan. Ini an dahelan kun tano ta huli kan saiyang mapangyaring kamot, ilinigtas niya kamo asin binalukat sa kaoripnan sa kamot kan hade nin Egipto.

Deuteronomio 8:14

dai nanggad kamo magpalangkaw asin makalingaw sa Kagurangnan na saindong Dios, na nagluwas saindo hale sa daga nin Egipto, saen kamo nagin mga oripon.

Deuteronomio 9:12

“Dangan nagtaram sako an Kagurangnan, ‘Humilig ka tolos hale sa bukid na ini, huli ta an saimong banwaan, na ilinuwas mo sa Egipto, nagin maraot asin nagkasala. Tinalikodan na ninda an ipinagboot kong gibohon ninda asin naggibo sinda nin metal na dios-dios para sainda.’

Josue 24:17

An Kagurangnan na satong Dios iyo an nagligtas samo asin sa samuyang mga magurang sa kaoripnan duman sa Egipto. Nahiling mi an mga ngangalasan na ginibo niya. Inataman niya kami sa gabos na banwaan na samong inagihan.

Hukom 2:12

Nag-ontok sinda sa pagsamba sa Kagurangnan, an Dios kan saindang mga ginikanan, an Dios na nagligtas sainda sa Egipto, asin nagpoon sindang magsamba sa ibang dios na pinagsasamba kan mga tawong nasa palibot ninda, kaya naanggot sainda an Kagurangnan.

Hukom 6:8

An Kagurangnan nagpadara sainda nin sarong propeta na nagdara kan baretang ini hale sa Kagurangnan na Dios nin Israel: “Kinua ko kamo hale sa kaoripnan sa Egipto;