Exodo 13:12 - Marahay na Bareta Biblia

¹² idolot nindo sa Kagurangnan an gabos na matuang lalaki. Sadiri nin Kagurangnan an gabos na matuang lalaki kan saindong mga hayop.

Exodo 13:12 Iomraidhean Croise

Nehemias 10:36

An samong matuang aking lalaki dadarahon mi sa mga padi sa Templo tanganing ikonsagra sa Dios, sosog sa nasusurat sa Katogonan. Siring man idodolot nyamo an lambang matuang baka, karnero, asin kanding.

Nehemias 10:37

Dadarahon mi sa mga padi sa Templo an tinagba kan enot na trigo na samuyang inani, kan samuyang arak, lana nin oliba asin kan gabos na bunga nin kahoy. An himoloan kan samuyang mga tinanom itatao nyamo sa mga Levita, na iyo an nagkokolekta kaiyan sa samong mga banwa.

Exodo 13:1

Nagtaram an Kagurangnan ki Moises,

Exodo 13:2

“Ikonsagra nindo sa sako an gabos na matuang lalaki, huli ta rogaring ko an lambang matuang lalaking Israelita asin an lambang matuang lalaking hayop.”

Exodo 22:28

“Dai kamo maglanghad sa Dios asin dai nindo pagsumpaon an sarong namamayo kan saindong banwaan.

Exodo 22:29

“Dai nindo pag-abalahon an pagdolot nin mga tinagba kan saindong inani, kan saindong arak asin kan lana na hale sa mga oliba. “Itao nindo sakuya an saindong matuang aking lalaki.

Exodo 34:19

“Sadiri ko an lambang matuang aking lalaki asin an lambang matuang lalaking baka, karnero saka kanding.

Exodo 34:20

Tutuboson nindo nin lalaking karnero an lambang matuang asno. Kun dai nindo tutuboson, babarion nindo an liog kaiyan. Balukaton nindo an lambang matuang aking lalaki. “Mayo nin magdolok sako na daing darang dolot.

Ezekiel 16:20

“Dangan kinua mo an mga aking lalaki asin babae na nagin aki ko saimo asin isinakripisyo mo sa mga dios-dios. Kulang pa daw an saimong pagkabakong maimbod sako

Ezekiel 44:30

Mapapasainda an pinakamarahay kan gabos na enot na ani, asin kan gabos na idinolot sako. Sa lambang paggibo nin tinapay kan mga tawo, itatao ninda sa mga padi an enot na naluto bilang atang, tanganing mag-abot sa saindang mga harong an sakuyang bendisyon.

Levitico 27:26

An matuang baka o karnero o kanding sadiri nang dati nin Kagurangnan kaya mayo nin siisay man na magdolot kaiyan saiya bilang boluntad na dolot.

Mga Bilang 18:15

“An gabos na matua, tawo man o hayop, na idinodolot sako kan mga Israelita, magigin saimo. Alagad mag-ako ka nin bayad na pantubos kan lambang matuang Israelita asin mag-ako ka man nin bayad para sa lambang matua kan maating hayop.

Mga Bilang 3:12

“Sakuya na ngunyan an mga Levita. Kan gadanon ko an gabos na matuang aking lalaki kan mga Egipcio, kinonsagra ko para sakuya an lambang matuang aking lalaki kan mga Israelita asin an lambang matuang ogbon na lalaki kan lambang hayop. Ngunyan, embes na sadirihon ko an mga matuang aking lalaki nin Israel, isinalihid ko an mga Levita; mapapasako sinda. Ako an Kagurangnan.”

Mga Bilang 8:17

An matua kan banwaan nin Israel sadiri ko, tawo man o hayop; kinonsagra ko sinda para sako kan aldaw na gadanon ko an gabos na matua sa daga nin Egipto.

Lukas 2:23

huli ta nasusurat sa Katogonan: “An lambang panganay na lalaki sadiri nin Kagurangnan.”

Deuteronomio 15:19

“Konsagrahon nindo para sa Kagurangnan na saindong Dios an gabos na matuang lalaking baka asin karnero; dai nindo paggamiton sa trabaho an arin man sa mga bakang iyan, asin dai man nindo pagguntingan an arin man sa mga karnerong iyan.