Exodo 11:8 - Marahay na Bareta Biblia

⁸ Tinapos ni Moises an saiyang pagtaram kan siya magsabi, “Marani dangan maluhod sako an gabos mong opisyal asin makikimaherak na humale na ako kaiba an sakong mga kahimanwa. Dangan mahale ako.” Pakasabi kaini, anggot na marahay na binayaan ni Moises an hade.

Exodo 11:8 Iomraidhean Croise

1 Mga Hade 20:10

hale ki Ben-hadad: “Madara ako nin dakul na lalaki na magaba kan syudad mong ini, dakul na lalaki na pwedeng magdara sa saindang mga kamot kan gabos na alpog nin Samaria. Gadanon logod ako kan mga dios kun dai ko gibohon ini!”

2 Mga Hade 3:9

Kaya nagluwas si Hadeng Joram kaiba an hade nin Juda saka an hade nin Edom. Pakalihis nin pitong aldaw na pagmartsa, naubosan sinda nin tubig; mayo na nin inomon an hukbo asin an mga hayop.

Nehemias 5:6

Naanggot ako kan madangog ko an mga inagrangay na ini.

Salmo 6:1

Kagurangnan, hare ako pagsagwea sa saimong kaanggotan; sa labi-labi mong kaanggotan, dai mo ako pagpadusahan.

Exodo 10:29

“Kukuyogon ko an sinabi mo!” an simbag ni Moises. “Dai na nanggad ako mapahiling saimo!”

Isaias 49:23

An mga hade magigin garo mga ama nindo; an mga reyna garo mga ina nindo. Maduruko sinda sa atubang nindo asin oomawon ninda kamo; mapakumbaba na ipapahiling ninda an paggalang saindo. Dangan maaaraman nindo na ako an Kagurangnan; dai mapapasopog an siisay man na naghahalat kan sakuyang tabang.”

Isaias 49:26

Gigibohon ko na maggaradanan an mga nang-aapi saindo, asin mabuburat sinda sa sadiri nindang dugo arog sa pagkaburat sa arak. Dangan maaaraman kan katawohan na ako an Kagurangnan, an nagliligtas asin nagpapatalingkas saindo. Maaaraman ninda na ako iyo an mapangyaring Dios nin Israel.”

Ezekiel 3:14

Makosog na nag-abot sakuya an kapangyarihan nin Kagurangnan asin dinara ako kan saiyang espiritu. Mantang dinadara ako, namatean ko an kapaitan nin boot asin kaaanggotan.

Daniel 3:19

Namula an lalawogon ni Nebukadnezzar sa labi-labing kaanggotan ki Sadrak, Mesak, asin ki Abednego. Kaya pinagbotan niya an saiyang mga tawohan na initon an horno nin makapitong beses ki sa dati.

Mga Bilang 12:3

Si Moises sarong tawong orog na mapakumbaba ki sa kiisay man na nabubuhay sa kinaban.)

Markos 3:5

Anggot na hiniling ni Jesus an mga tawo asin nagmondo siya huli sa katagasan kan saindang puso. Sinabihan niya an lalaki, “Unata an kamot mo.” Inunat kan lalaki an kamot niya dangan naomayan idto.

Deuteronomio 29:24

Dangan mahapot an bilog na kinaban, ‘Tano ta ginibo ini nin Kagurangnan sa saindang daga? Ano an dahelan kan saiyang dakulang kaanggotan?’

Deuteronomio 32:24

Magagadan sinda sa gutom saka kalentura, asin sa makatakot na mga helang. Isusubol ko sa pagsalakay sainda an mga maringis na hayop, asin an mga makamandag na halas na makagat sainda.

Hebreyo 11:27

Huli sa pagtubod, naghale si Moises sa Egipto na dai natakot sa kaanggotan kan hade; nagpadagos siya sa saiyang paglakaw na garo nakakahiling sa Dios na dai nahihiling.

Kapahayagan 3:9

Uya, an mga kaiba sa sinagoga ni Satanas, na nagsasabing sinda mga Judio alagad bako, kundi nagpuputik sana, padodolokon ko asin paluluhodon sa atubang mo, tanganing maaraman ninda gabos na namomotan taka.

Hukom 4:10

Inapod ni Barak an mga tribu ni Zabulon asin ni Neftali; suminunod saiya sa Kedes an sampolong ribong kalalakihan. Nag-iba man saiya si Debora.

Hukom 8:5

Pag-abot ninda sa Sukkot, sinabihan ni Gideon an kalalakihan sa banwa na idto, “Tawe man nindo nin pagkakan an sakong mga tawohan huli ta nanluluya na sinda, asin pinaglalamag ko an duwang hade kan Midian na si Zeba saka si Zalmunna.”