Exodo 11:5 - Marahay na Bareta Biblia

⁵ asin magagadan an gabos na matuang lalaki sa Egipto, magpoon sa matua kan hade na magmamana kan trono sagkod sa matua kan babaeng oripon na paragiling nin trigo, siring man an gabos na matua kan mga hayop.

Exodo 11:5 Iomraidhean Croise

Salmo 105:36

Ginadan niya an matuang aking lalaki kan gabos na pamilya sa Egipto.

Salmo 135:8

Siya an guminaradan kan mga panganay sa Egipto, mga panganay nin tawo asin hayop.

Salmo 136:10

Mga panganay sa Egipto saiyang ginadan; an saiyang pagkamoot mayo nin kataposan.

Salmo 78:51

Ginadan niya an mga matuang aking lalaki kan gabos na pamilya nin Egipto.

Exodo 12:12

“Sa bangging iyan, maagi ako sa daga nin Egipto asin gagadanon ko an gabos na matuang lalaki, tawo man o hayop. Papadusahan ko an gabos na dios-dios kan Egipto. Ako an Kagurangnan.

Exodo 12:29

Kan matangang banggi, ginadan nin Kagurangnan an gabos na matuang lalaki sa Egipto, magpoon sa matua kan hade na magmamana kan trono, sagkod sa matua kan bilanggo na nasa bilanggoan; ginadan man niya an gabos na matua kan mga hayop.

Exodo 13:15

Kan nagmatagas an hade asin habo niya kaming tugotan na humale, ginadan nin Kagurangnan an lambang matuang lalaki sa daga nin Egipto, tawo man o hayop. Ini an dahelan kun tadaw ta inaatang mi sa Kagurangnan an lambang matuang lalaking hayop, alagad tinutubos mi an samong mga matuang aking lalaki.

Exodo 4:23

Tugotan mong maghale an sakong aki tanganing sambahon ako; kun magsayuma ka, gagadanon ko an matua mong aking lalaki.’”

Isaias 47:2

Patalibonga an gilingan! Paggiling nin arina! Halea an saimong belo! Hubaa an magayon mong gubing! Itaasan an gayad kan saimong gubing sa pagbalyo mo nin mga salog.

Mga Panambitan 5:13

An mga hoben na lalaki pirit na pinatrabaho sa mga gilingan; mga aki pinanluluya sa gabat kan mga kahoy na saindang pasan.

Mateo 24:41

Duwang babae an maggigiling sa gilingan; an saro kukuahon, an saro iwawalat.

Hebreyo 11:28

Huli sa pagtubod, sinelebrar niya an enot na Paskwa, saka ipinagboot niyang iwirik an dugo sa mga pintoan, tanganing dai gadanon kan Paragadan an matuang mga aking lalaki kan mga Israelita.

Hukom 16:21

Dinakop siya kan mga Filisteo asin binuta. Dinara siya ninda sa Gaza saen kinadenahan siya nin bronseng kadena dangan pinatrabaho sa gilingan duman sa bilanggoan.