Exodo 11:3 - Marahay na Bareta Biblia

³ Pinagmarahay nin Kagurangnan na igalang kan mga Egipcio an mga Israelita. Sa katotoohan, dakula an paghiling ki Moises kan mga opisyal kan hade asin kan gabos na tawo.

Exodo 11:3 Iomraidhean Croise

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 39:21

Alagad inibahan si Jose nin Kagurangnan na nagpahiling saiya nin danay na pagkamoot, kaya naoyonan siya kan bantay kan bilanggoan.

2 Samuel 7:9

Inibahan taka saen ka man nagduman, asin dinaog ko an gabos mong kaiwal mantang nagdadangadang ka. Gigibohon kong magin bantog an saimong ngaran, arog kan ngaran kan mga darakulang lider sa kinaban.

Esther 9:4

Aram na kan bilog na imperyo na si Mardokeo saro nang mapangyaring tawo sa palasyo asin nag-oorog an saiyang kapangyarihan.

Salmo 106:46

Pinangagin niyang maherakan sinda kan mga nagsakop sa sainda.

Exodo 12:35

Ginibo man kan mga Israelita an isinabi sainda ni Moises; an mga Egipcio hinagadan ninda nin mga alahas na bulawan saka plata asin mga gubing.

Exodo 12:36

Pinagmarahay nin Kagurangnan na igalang kan mga Egipcio an mga Israelita tanganing tawan sinda kan saindang hinahagad. Sa siring na paagi, nadara kan mga tawo an kayamanan kan mga Egipcio.

Exodo 3:21

“Gigibohon kong igalang kamo kan mga Egipcio tanganing paghale nindo, may dara kamo.

Isaias 60:14

An mga aking lalaki kan nang-api saimo madaratong asin maduruko kan saindang payo sa pagpahiling kan saindang paggalang. An gabos na nag-olog-olog saimo magsasamba sa saimong pamitisan. Aapodon ka nindang, ‘An Syudad kan Kagurangnan,’ ‘Sion, an Syudad kan Banal na Dios nin Israel.’

Mga Gibo 7:22

Itinukdo saiya an gabos na kadonongan kan mga taga Egipto; nagin siyang dakulang tawo sa tataramon saka sa gibo.

Deuteronomio 34:10

Mayong propeta na makakaarog ki Moises sa bilog na Israel; hampangan na nagtaram saiya an Kagurangnan.

Deuteronomio 34:11

Mayong ibang propeta na makakagibo kan mga tanda saka mga ngangalasan na ipinagibo saiya nin Kagurangnan duman sa Egipto laban sa hade, sa saiyang mga opisyal sagkod sa bilog na daga.

Josue 4:14

Huli sa ginibo nin Kagurangnan kan aldaw na idto, minidbid kan mga tawo si Josue bilang dakulang tawo. Iginalang siya ninda sa gabos na aldaw nin saiyang pagkabuhay siring na iginalang ninda si Moises.

Kapahayagan 3:9

Uya, an mga kaiba sa sinagoga ni Satanas, na nagsasabing sinda mga Judio alagad bako, kundi nagpuputik sana, padodolokon ko asin paluluhodon sa atubang mo, tanganing maaraman ninda gabos na namomotan taka.