Exodo 11:1 - Marahay na Bareta Biblia

¹ Dangan nagtaram an Kagurangnan ki Moises, “Saro na sanang padusa an ipapadara ko sa hade asin sa bilog na Egipto. Pakatapos kaiyan, bako sana niya kamong tutugotan na humale kundi isusubol pa niya kamo.

Exodo 11:1 Iomraidhean Croise

Genesis 15:14

Alagad papadusahan ko an nasyon na maoripon sainda, asin sa paghale ninda duman, dakulang kayamanan an madadara ninda.

An Libro ni Job 10:17

Danay kang igwa nin saksi laban sako; saimong pinapadakula an kaanggotan mo sako; bagong pagsalakay an danay mong iniisip laban sako.

Exodo 12:29

Kan matangang banggi, ginadan nin Kagurangnan an gabos na matuang lalaki sa Egipto, magpoon sa matua kan hade na magmamana kan trono, sagkod sa matua kan bilanggo na nasa bilanggoan; ginadan man niya an gabos na matua kan mga hayop.

Exodo 3:20

Kaya gagamiton ko an sakong kapangyarihan asin papadusahan ko an Egipto sa paagi nin makangingirhat na mga bagay na gigibohon ko duman. Pakatapos kaiyan papahaleon na niya kamo.

Exodo 6:1

Dangan nagtaram an Kagurangnan ki Moises, “Mahihiling mo ngunyan kun ano an gigibohon ko sa hade. Mapipiritan siyang pahaleon an sakong banwaan. Talagang mapipiritan siyang isubol sinda paluwas sa saiyang daga.”

Exodo 9:14

Ngunyan, bako sana an saimong mga opisyal saka mga nasasakopan an papadusahan ko, kundi sagkod ika, tanganing maaraman mo na mayo nin makakaarog sa sako sa bilog na kinaban.

Levitico 26:21

“Kun padagos kamong magtalikod asin dai magdangog sako, dadagdagan ko pa nin pitong beses an saindong padusa huli kan saindong mga kasalan.

Deuteronomio 4:34

Igwa daw nin dios na nangahas na magduman asin magkua nin sarong banwaan hale sa ibang nasyon dangan gibohon na saiyang sadiri, arog kan ginibo saindo nin Kagurangnan na saindong Dios duman sa Egipto? Sa atubang nindo, ginamit niya an saiyang kosog asin kapangyarihan huli sa mga helang saka gera, sa mga tanda sagkod ngangalasan patin sa mga mangirhat na bagay.

Kapahayagan 16:9

Alagad maski nasulo an mga tawo kan makuring init, minuda ninda an Dios na iyo an may kapangyarihan sa siring na mga peste; dai sinda nagsolsol kan saindang mga kasalan, dai sinda nag-omaw sa Dios.

1 Samuel 6:4

“Anong regalo an ipapadara mi saiya?” an hapot kan mga tawo. Nagsimbag sinda, “Limang bulawan na pormang tumor asin limang bulawan na pormang kino; saro para sa lambang hade kan mga Filisteo, huli ta parehong padusa an ipinadara saindo asin sa limang hade.