Exodo 10:7 - Marahay na Bareta Biblia

⁷ Sinabihan an hade kan saiyang mga opisyal, “Sagkod nuarin kita riribokon kan tawong ini? Tugote nang humale an mga lalaking Israelita tanganing makapagsamba sinda sa Kagurangnan na saindang Dios. Dai mo pa nahihiling na raot na an Egipto?”

Exodo 10:7 Iomraidhean Croise

Salmo 107:34

An mayaman na daga ginibo niyang maasgad na kalangtadan huli kan karatan kan mga nag-eerok duman.

Exodo 12:33

Pinapaghidali kan mga Egipcio an mga Israelita sa saindang paghale sa Egipto. Olay ninda, “Magagadan kami gabos kun dai pa kamo maghale digdi.”

Exodo 23:33

Dai nindo sinda pagtugotan na mag-erok sa saindong daga huli ta kun magtugot kamo, papagkasalaon ninda kamo sa sakuya; iyan an magigin siod sa saindo kun sambahon nindo an saindang mga dios-dios.”

Exodo 7:5

Sa paaging iyan mamimidbid kan Egipto na ako an Kagurangnan kun padusahan ko na sinda asin iluwas ko na sa saindang daga an mga Israelita.”

Exodo 8:19

Nagsabi sa hade an mga salamangkero, “An Dios an kaggibo kaini!” Alagad nagmatagas an hade asin dai niya dinangog si Moises saka si Aaron sosog sa itinaram nin Kagurangnan.

Mga Talinhaga 29:6

An maraot nadadakop sa sadiring kasalan, mantang an matanos nag-aawit asin nag-oogma.

Parahulit 7:26

Nakua ko na orog na mapait ki sa kagadanan an babae, na an saiyang pagkamoot arog sa sarong siod asin sa sarong hikot; dangan an saiyang mga kamot na pangkugos arog sa mga kadena. An lalaki na nakakapawili sa Dios makakadulag saiya; alagad an parakasala madadakop niya.

Isaias 14:20

Dai ka ilulubong siring sa ibang hade huli ta rinaot mo an sadiri mong daga asin ginadan mo an saimong mga nasasakopan. Mayong matatada sa saimong maraot na pamilya.

Isaias 51:9

Pagmata, Kagurangnan, asin kami saimong tabangan! Gamita an saimong kapangyarihan asin kami ligtasan; gamita iyan siring kan ginibo mo kaidtong panahon. Ika an nagperedaso kan impakto sa dagat na si Rahab.

Jeremias 48:4

“Rinaot na an Moab; dangoga an mga aking nagtatangis.

Jeremias 51:8

Bigla an pagbagsak saka pagraot sa Babilonia! Magmondo kamo para saiya! Magkua kamo nin bolong para sa saiyang mga lugad, ta tibaad maomayan siya.

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

1 Corinto 7:35

Sinasabi ko ini para sa karahayan nindo, bakong sa pag-olang saindo, kundi sa pagtabang tanganing gibohon nindo an tama saka maninigo, asin idolot nindo an bilog nindong buhay sa paglingkod sa Kagurangnan.

Josue 23:13

saboton nanggad nindo na dai na papahaleon nin Kagurangnan na saindong Dios an mga nasyon na iyan sa pagdangadang nindo. Alagad sinda magigin sarong siod saka sarong kalot para saindo, sarong makosog na panghampak sa saindong likod, sagkod mga tonok sa saindong mga mata. Dangan magdadanay iyan sagkod na mayo nang matada saindo digdi sa marahay na dagang itinao saindo nin Kagurangnan na saindong Dios.

1 Samuel 18:21

Nagsaboot si Saul, “Itatao ko si Mical ki David; siya an gagamiton ko sa pagsiod ki David, tanganing magadan si David kan mga Filisteo. Kaya sa ikaduwang beses, sinabihan ni Saul si David. “Magigin manugang taka.”

1 Samuel 5:11

Kaya ipinaapod giraray ninda an limang hade kan mga Filisteo dangan sinabihan, “Balikan nindo an Kaban nin Tipan nin Israel sa dating lugar kaiyan, tanganing dai kami magkagaradan sagkod an samong mga pamilya.” Nagkaigwa nin dakulang takot sa bilog na syudad huli ta makuri an padusa nin Dios.