Exodo 10:2 - Marahay na Bareta Biblia

² siring man tanganing ikaosip nindo sa saindong mga aki asin mga makoapo kun paano ginibong ngingisihan an mga Egipcio kan ipahiling ko sainda an mga ngangalasan. Kamo gabos makakamidbid na ako an Kagurangnan.”

Exodo 10:2 Iomraidhean Croise

2 Samuel 7:22

Kaya dakula ka nin marahay, O Kagurangnan Dios; huli ta mayo nin makakaarog saimo; danay ming aram na ika sana an Dios.

Salmo 44:1

O Dios, nadangog mi kan samong mga talinga— sinabi samo kan samong mga ginikanan, an mga ginibo mo kan panahon ninda, kan mga aldaw na haloy nang nakaagi:

Salmo 44:2

kun paano mo pinahale an mga nasyon, asin pinatindog sa daga ninda an saimong banwaan; an ibang mga nasyon saimong pinadusahan, alagad an sadiri mo tinawan nin katalingkasan.

Salmo 58:11

Masabi an mga tawo, “Totoong an mga matanos binabalosan; totoong may Dios na naghuhukom sa kinaban.”

Salmo 71:18

Ngunyan na ako gurang saka ubanon na, O Dios, dai mo ako pagbayaan, sagkod na ikabalangibog ko an saimong kapangyarihan sa gabos na maabot na kapagarakian.

Salmo 78:3

mga bagay na satong nadangog asin nanodan, mga bagay na sinabi sato kan satong mga magurang.

Exodo 13:14

Sa maabot na panahon, kun maghapot an saindong aking lalaki kun ano an boot sabihon kan ginigibo nindong ini, sabihan nindo, ‘Huli kan saiyang dakulang kapangyarihan, hinale kami nin Kagurangnan sa Egipto, saen nagin mga oripon kami.

Exodo 14:18

Sa oras na madaog ko sinda, maaaraman kan mga Egipcio na ako an Kagurangnan.”

Exodo 14:4

Papatagason ko an saiyang puso, kaya lalamagon niya kamo, alagad an kapangganahan ko saiya asin sa saiyang mga hukbo an matao sako nin kaomawan. Dangan maaaraman ninda na ako an Kagurangnan.” Sinunod kan mga Israelita an ipinagibo sainda.

Exodo 7:17

Kaya ini an itinaram nin Kagurangnan tanganing maaraman mo kun siisay siya huli sa gigibohon niya. Hilinga, papakulon ko kan sugkod na ini an Salog nin Nilo asin an tubig magigin dugo.

Exodo 7:5

Sa paaging iyan mamimidbid kan Egipto na ako an Kagurangnan kun padusahan ko na sinda asin iluwas ko na sa saindang daga an mga Israelita.”

Exodo 8:6

Kaya inunat ni Aaron an saiyang kamot sa tangod kan katubigan nin Egipto asin nagruluwas an mga talapang patin napano kaini an daga nin Egipto.

Isaias 38:19

An nabubuhay iyo an nag-oomaw saimo, siring na inoomaw taka ngunyan. An mga ama an nag-oosip sa saindang kaakian kun gurano ka kaimbod.

Ezekiel 20:26

Tinugotan ko sindang digtaan an saindang sadiri huli kan saindang mga atang, asin pinabayaan ko sindang isakripisyo an saindang mga panganay na lalaki, tanganing matakot sinda asin mamidbid ninda na ako an Kagurangnan.

Ezekiel 20:28

Dinara ko sinda sa daga na ipinanuga ko sainda. Kan mahiling ninda an mga halangkaw na bulod asin an mga berdeng kahoy, dinolotan ninda nin sakripisyo an mga ini. Pinaanggot ninda ako huli kan saindang mga tinutong na sakripisyo asin mga dolot na arak.

Joel 1:3

Isaysay nindo iyan sa saindong kaakian; isasaysay man ninda sa saindang kaakian, na iyo man an masaysay sa masunod na henerasyon.

Efeso 6:4

Mga magurang, dai nindo pagpaanggoton an saindong mga aki, kundi padakulaon nindo sa Cristianong disiplina asin katukdoan.

Deuteronomio 4:9

Magmaan kamo. Dai nanggad nindo paglingawan, sa bilog nindong pagkabuhay, an mga bagay na saindong nahiling. Iosip nindo sa saindong mga aki asin mga makoapo,