Esdras 4:3 - Marahay na Bareta Biblia

³ Sinimbag sinda ni Zerubabel, ni Josue, asin kan mga pamayo kan mga kamaganakan, “Dai mi kamo kaipuhan sa pagtugdok kan Templo nin Kagurangnan na samuyang Dios. Kami sana an matugdok kaiyan siring sa pagboot samo ni Ciro na emperador nin Persia.”

Esdras 4:3 Iomraidhean Croise

2 Mga Cronica 36:22

Kan enot na taon kan si Ciro nin Persia iyo an emperador, ginibo nin Kagurangnan na magkatotoo an itinaram niya sa paagi ni propeta Jeremias. Pinasabongan nin Kagurangnan si Ciro kaya nagpaluwas ini nin sarong pagboot para sa bilog niyang kahadean. Ini an nasusurat sa pagboot:

Esdras 1:1

Kan enot na taon kan si Ciro nin Persia magin emperador, nagkatotoo an itinaram nin Kagurangnan sa paagi ni propeta Jeremias. Pinasabongan nin Kagurangnan si Ciro na magpaluwas nin sarong pagboot; sinurat niya ini asin ipinabasa nin makosog sa bilog niyang imperyo:

Esdras 1:2

“Ini an pagboot ni Ciro, an Emperador nin Persia. An Kagurangnan, an Dios nin langit, iyo an nagtao sako kan gabos na kahadean sa daga, asin pinagbotan niya ako na magtugdok nin sarong templo para saiya duman sa Jerusalem sa Juda.

Esdras 1:3

Ibahan logod kamo nin Dios, kamo gabos na saiyang banwaan. Magduman kamo sa Jerusalem asin hirahayon nindo an Templo nin Kagurangnan, an Dios nin Israel, na sinasamba sa Jerusalem.

Esdras 3:8

Kaya sa ikaduwang bulan kan ikaduwang taon, pakabalik ninda sa lugar kan Templo sa Jerusalem, an trabaho pinonan ni Zerubabel na aking lalaki ni Sealtiel, ni Josue na aking lalaki ni Jehozadak, kaiba an saindang mga tugang, an mga padi saka an mga Levita na nagbaralik sa Jerusalem hale sa pagkatapokan. An mga Levita na an edad beynteng taon paitaas, iyo an pinamahala kan trabahong paghirahay kan Templo nin Kagurangnan.

Nehemias 2:20

Nagsimbag ako, “An Dios nin Langit iyo an mapauswag samo. Mga sorogoon niya kami asin popoonan mi an pagtugdok. Alagad mayo kamo nin deretso sa anoman na pagsadiri sa Jerusalem asin mayo kamo nin kahirasan sa mga tradisyon kaiyan.”

Isaias 44:28

Sinasabihan ko si Ciro, ‘Ika an maghahade para sa sako; gigibohon mo an boot kong ipagibo saimo: ipagboboot mong pakarhayon an Jerusalem asin ibugtak an pundasyon kan Templo.

Isaias 45:4

Pinipili taka tanganing tabangan mo an sakong sorogoon na Israel, an banwaan na sakong pinili. Tinawan taka nin dakulang onra, maski dai mo pa ako namimidbidan.

Mateo 10:16

“Magdangog kamo! Sinusugo ko kamo na garo mga karnero sa tahaw nin mga lobo. Magpakamaingat kamo arog kan mga halas asin magpakamahoyo arog kan mga salampati.

Juan 4:9

Nagsimbag an Samaritana, “Saro kang Judio asin ako Samaritana, tadaw ta naghahagad ka sako nin inomon?” (An mga Judio dai nakikilabot sa mga Samaritano.)

Mga Gibo 8:21

Mayo ka nin kabtang o kahirasan sa bagay na ini, huli ta an saimong puso bakong matanos sa atubang nin Dios.