Esdras 2:2 - Marahay na Bareta Biblia

² An mga lider ninda iyo si Zerubabel, Josue, Nehemias, Seraias, Reelaias, Mardokeo, Bilsan, Mispar, Bigvai, Rehum, saka Baana. Iyo ini an lista kan mga kamaganakan nin Israel, kaiba an bilang kan mga kaayon kan lambang kamaganakan na nagbalik hale sa pagkatapokan:

Esdras 2:2 Iomraidhean Croise

Esdras 1:11

An bilang kan mga kagamitan na ini nag-abot sa singko mil kwatro syentos; an mga ini iyo an dinara ni Sesbazzar kan maghale siya sa Babilon kaiba an mga itinapok dangan nagbalik sa Jerusalem.

Esdras 1:8

An mga kagamitan itinao ni Ciro ki Mitredat, an tesorero na nagbilang kan mga ini para ki Sesbazzar, an gobernador nin Juda.

Esdras 2:1

Dakul sa mga nabihag ni Hadeng Nebukadnezzar na dinara sa Babilonia an nagbaralik sa Jerusalem asin sa Juda hale sa probinsya nin Babilon; an lambang saro nagpuli sa sadiri niyang banwa.

Esdras 2:3

Paros dos mil syento setenta y dos Sefatias tres syentos setenta y dos Ara syete syentos setenta y singko Pahat-moab (mga kapagarakian ni Jesua asin ni Joab) dos mil otso syentos dose Elam mil dos syentos singkwenta y kwatro Zattu nuebe syentos kwarenta y singko Zaccai syete syentos sesenta Bani seis syentos kwarenta y dos Bebai seis syentos beynte y tres Azgad mil dos syentos beynte y dos Adonikam seis syentos sesenta y seis Bigvai dos mil singkwenta y seis Adin kwatro syentos singkwenta y kwatro Ater (inaapod man Ezekias) nubenta y otso Bezai tres syentos beynte y tres Jora syento dose Hasum dos syentos beynte y tres Gibbar nubenta y singko

Esdras 3:2

Nagtindog si Josue na aking lalaki ni Jehozadak, kaiba an kapwa niya mga padi, si Zerubabel na aking lalaki ni Sealtiel, kaiba an saiyang mga kadugo, dangan itinugdok ninda giraray an altar nin Dios nin Israel, tanganing magdolot sinda duman nin mga tinutong na atang, sosog sa nasusurat sa Katogonan ni Moises, an sorogoon nin Dios.

Esdras 4:3

Sinimbag sinda ni Zerubabel, ni Josue, asin kan mga pamayo kan mga kamaganakan, “Dai mi kamo kaipuhan sa pagtugdok kan Templo nin Kagurangnan na samuyang Dios. Kami sana an matugdok kaiyan siring sa pagboot samo ni Ciro na emperador nin Persia.”

Esdras 4:8

Siring man si Rehum na gobernador saka si Simsai na sekretaryo kan probinsya nagsurat man ki Emperador Artajerjes manongod sa Jerusalem. Iyo ini an surat ninda:

Esdras 5:2

Kan madangog sinda ni Zerubabel na aking lalaki ni Sealtiel dangan ni Josue na aking lalaki ni Jehozadak, pinonan kan mga ini an paghirahay kan Templo sa Jerusalem, asin tinabangan sinda kan mga propeta.

Esdras 8:1

Iyo ini an lista kan mga pamayo kan mga kamaganakan na itinapok sa Babilonia asin nagbalik sa Jerusalem kaiba ni Esdras kan si Artajerjes iyo an emperador:

Nehemias 12:47

Kan panahon ni Zerubabel asin kan panahon ni Nehemias, an bilog na banwaan nin Israel aroaldaw nagtatao nin mga regalo para sa mga parakanta asin para sa mga bantay kan Templo. Nagtao man sinda nin sagradong dolot sa mga Levita, asin an mga ini nagtao kan maninigong kahirasan para sa mga padi.

Nehemias 7:7

An mga lider ninda iyo si Zerubabel, Josue, Nehemias, Azarias, Raamias, Nahamani, Mardokeo, Bilsan, Misperet, Bigvai, Nehum, asin Baana.

Hageo 1:1

Kan ikaduwang taon kan pagigin emperador sa Persia ni Dario, kan enot na aldaw kan ikaanom na bulan, nagtaram an Kagurangnan sa paagi ni propeta Hageo. An mensahe ipinapanongod niya sa gobernador nin Juda, ki Zerubabel na aking lalaki ni Sealtiel, asin para sa Halangkaw na Padi, ki Josue na aking lalaki ni Jehozadak.

Hageo 1:12

Dangan si Zerubabel asin si Josue patin an gabos na tawo na nagbalik hale sa pagkatapokan sa Babilonia nagkuyog kan tataramon nin Kagurangnan na saindang Dios. Natakot sinda asin sinunod si propeta Hageo, an sinugo nin Kagurangnan.

Hageo 1:14

Pinasabongan nin Kagurangnan an lambang saro na magtrabaho sa Templo: si Zerubabel na gobernador nin Juda; si Josue na Halangkaw na Padi, asin an gabos na tawong nagbalik hale sa pagkatapokan. Nagpoon sindang magtrabaho sa Templo kan Kagurangnan nin mga hukbo, na saindang Dios,

Hageo 2:2

Tinaraman niya si Hageo na sabihan si Zerubabel na gobernador nin Juda, si Josue na Halangkaw na Padi, asin an mga tawo, saka sabihan sindang,

Hageo 2:21

para ki Zerubabel na gobernador nin Juda: “Tatanyogon ko na an kalangitan saka an kinaban;

Hageo 2:4

Alagad dai kamo manluya. Magtrabaho kamo huli ta kaibahan nindo ako.

Zacarias 3:1

Sa saro pang bisyon ipinahiling sako nin Kagurangnan an Halangkaw na Padi na si Josue na nagtitindog sa atubangan kan anghel nin Kagurangnan. Yaon sa kataed ni Josue si Satanas, na andam sa pagreklamo tumang ki Josue.

Zacarias 3:3

Yaon duman si Josue nagtitindog sa atubangan kan anghel, sulot an maating gubing.