Daniel 9:2 - Marahay na Bareta Biblia

² Kan enot na taon kan saiyang paghahade, nag-adal ako kan mga banal na libro asin naghorophorop dapit sa setentang taon na magigin rumpag an Jerusalem, sosog sa itinaram nin Kagurangnan ki propeta Jeremias.

Daniel 9:2 Iomraidhean Croise

2 Mga Cronica 36:21

Kaya naotob an sinabi nin Kagurangnan sa paagi ni Jeremias: “An daga magigin alang sa laog nin setentang taon tanganing mabayadan an dai pag-otob kan pagpahingalo kun Sabbath.”

Esdras 1:1

Kan enot na taon kan si Ciro nin Persia magin emperador, nagkatotoo an itinaram nin Kagurangnan sa paagi ni propeta Jeremias. Pinasabongan nin Kagurangnan si Ciro na magpaluwas nin sarong pagboot; sinurat niya ini asin ipinabasa nin makosog sa bilog niyang imperyo:

Salmo 119:24

Kaogmahan ko an saimong mga katukdoan; sinda an sakong mga parahatol.

Isaias 64:10

An saimong banal na mga syudad nakakaagid sa sarong desyerto; an Jerusalem sarong raot na lugar na mayo nin nag-eerok,

Jeremias 1:1

An librong ini iyo an kasuratan kan mga itinaram ni Jeremias, na aking lalaki ni Hilkias, na saro sa mga padi kan banwa nin Anatot, sa daga nin Benjamin.

Jeremias 25:18

Pinainom ko sa kalis an Jerusalem, an gabos na banwa nin Juda, asin an mga hade saka an mga lider ninda tanganing magin sinda sarong desyerto, sarong makangingirhat saka makatatakot na tanawon, dangan tanganing an ngaran ninda gamiton kan mga tawo bilang sarong maldisyon—arog kan ginigibo ninda sagkod ngunyan.

Jeremias 26:18

“Kan si Ezekias iyo an hade nin Juda, tinaraman ni Mikas na taga Moreset an gabos na tawo na nagtaram an Kagurangnan nin mga hukbo, ‘An Sion aaradohon arog sa sarong oma; an Jerusalem magigin sarong tambak nin mga raot, asin an bulod na natitindogan kan Templo magigin sarong kadlagan.’

Jeremias 26:6

Kun padagos kamong dai magkuyog, gigibohon ko sa Templong ini an ginibo ko sa Shilo, dangan gagamiton kan gabos na nasyon sa kinaban an ngaran kan syudad na ini bilang sarong maldisyon.”

Jeremias 27:7

An gabos na nasyon maglilingkod saiya, sa saiyang aking lalaki asin sa saiyang makoapo sagkod na mag-abot an panahon kan pagbagsak kan sadiri niyang nasyon. Dangan maglilingkod an saiyang nasyon sa mapangyaring mga nasyon saka sa darakulang hade.

Jeremias 29:10

“Nagtataram an Kagurangnan, ‘Pakatapos kan setentang taon sa Babilonia, dadalawon ko kamo. Ootobon ko an sakong panuga na ibalik kamo sa lugar na ini.

Jeremias 7:34

An daga magigin sarong desyerto. Sa mga syudad nin Juda saka sa mga tinampo nin Jerusalem paoontokon ko an mga tingog nin kaogmahan asin kagayagayahan. Paoontokon ko an maogmang tingog nin mga bagong kasal.

Mga Panambitan 1:1

Mapungaw na nagtutukaw an Jerusalem, na dating pano nin mga tawo! Dakula siya kaidto sa gabos na nasyon, ngunyan arog na sa sarong babaeng balo! Kaidto saro siyang prinsesa sa tahaw nin mga syudad, ngunyan saro nang oripon.

Ezekiel 29:11

Mayo nang maagi diyan maski tawo o hayop. Sa laog nin kwarentang taon, mayo nin maerok diyan.

Daniel 9:3

Namibi ako nin maigot sa Kagurangnan Dios, nakimaherak saiya, nag-ayuno, nagsulot nin sako asin nagtukaw sa abo.

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Zacarias 1:12

Dangan nagtaram an anghel, “O Kagurangnan nin mga hukbo, setentang taon na ngunyan na naaanggot ka sa Jerusalem saka sa mga syudad nin Juda. Sagkod nuarin pa kaya bago mo ipahiling sainda an pagkaherak?”

Zacarias 7:5

Nagsabi siya, “Taraman mo an mga tawo asin an mga padi na kan nag-ayuno saka nagmondo sinda sa ikalima saka ikapitong bulan sa laog nin setentang taon, bakong ako an saindang tinawan nin onra.

Mateo 24:15

“Mahihiling nindong mangyayari sa banal na lugar ‘An Makangingirhat na Katakotan,’ na sinabi ni Propeta Daniel.” (Saboton ini kan nagbabasa!)

Markos 13:14

“Mahihiling nindo ‘An Makangingirhat na Katakotan’ na nagtitindog sa lugar na dai niya dapat tindogan.” (Saboton ini kan nagbabasa!) “Idtong mga nasa Judea, kaipuhan magdulag pasiring sa kabubuldan.

Mga Gibo 8:34

Hinapot si Felipe kan eunuko, “Sabihi daw ako kun siisay an pinapanongdan kan propeta? Siya mismo o ibang tawo?”

1 Timoteo 4:13

Ipadagos mo an pagbasa sa publiko kan mga Kasuratan, an paghulit, asin an pagtukdo, sagkod na umabot ako.

Kapahayagan 1:3

Paladan an nagbabasa kan librong ini; paladan man an mga nagdadangog kan mga propesiya sa librong ini asin nagkukuyog kan mga nakasurat digdi, huli ta harani na an panahon na mangyayari an gabos na ini.