Daniel 8:4 - Marahay na Bareta Biblia

⁴ Minasdan ko an lalaking karnero na nagsusuag pasiring sa solnopan, sa amihan asin sa habagat. Mayo nin hayop na pwedeng umatubang saiya o makadulag sa saiyang kapangyarihan. Ginigibo niya an saiyang mawilihan asin nagin mapaabaw-abaw siya.

Daniel 8:4 Iomraidhean Croise

1 Mga Hade 22:11

An saro sainda, si Zedekias na aking lalaki ni Kenaana, naggibo nin lansang na mga sungay asin nagsabi ki Ahab, “Uya an itinataram nin Kagurangnan: ‘Sa paagi kaini lalabanan asin dadaogon mo an mga taga Siria.’”

An Libro ni Job 10:7

Aram mong mayo ako nin kasalan, saka mayo nin magligtas sako sa saimong kapangyarihan.

Salmo 44:5

Huli saimo nadadaog mi an mga kaiwal, natitimaktimakan mi sinda huli kan saimong ngaran.

Salmo 50:22

“Tandaan mo ini, ika na nalingaw sako, ta tibaad gadanon taka, asin mayo nin siisay man na maligtas saimo.

Salmo 7:2

tibaad siring sa sarong leon ronoton ninda ako, guyodon sa harayong lugar na mayong maligtas sako.

Ezekiel 34:21

Sinusuag nindo an mga may helang sagkod na mapaharayo sa saindang kairiba.

Daniel 11:16

Gigibohon kan nagsalakay na hade nin Siria an anoman na boot niya asin mayo nin masalungat saiya. Matindog siya sa Dagang Panuga asin an gabos na iyan mapapasairarom sa saiyang kapangyarihan.

Daniel 11:36

“Gigibohon kan hade nin Siria an anoman na mawoton niya; ipaghahambog niyang mas dakula siya ki sa arin man na dios, orog pa ki sa Kahorahalangkaweng Dios. Magigibo niya iyan sagkod na mag-abot an panahon kan pagpadusa saiya nin Dios; huli ta kun ano an nasa plano nin Dios iyo an mangyayari.

Daniel 5:19

Huli kan kadakulaan na itinao nin Dios saiya, an gabos na banwaan, nasyon, rasa saka lengwahe natatakot saiya asin tinatakigan. Kun boot niyang gadanon an siisay man, ginagadan niya; kun boot niyang buhayon an siisay man, binubuhay niya. Ilinalangkaw niya o ibinababa an siisay man na booton niya.

Daniel 5:30

Kan banggi man sanang idto ginadan si Belsazzar, an hade nin Babilonia;

Daniel 7:5

An ikaduwang hayop nakakaagid sa sarong oso na nagtitindog sa paagi kan mga bitis kaini sa hurihan. Igwa ining kagat-kagat na tolong gusok, asin sarong tingog an nagsabi sa hayop, “Lakaw asin kakana an karneng kaya mong kakanon!”

Daniel 8:7

Minasdan ko siyang sinasalakay an lalaking karnero. Anggot siyang marahay asin tinamaan niya an karnero na ikinabari kan duwang sungay kaini. Mayo nin kosog an karnero tanganing umatubang saiya, kaya nakatapok siya sa daga dangan natimaktimakan; mayo nin siisay man na pwedeng magligtas saiya.

Mikas 5:8

An mga matada sa tahaw nin mga nasyon makakaagid sa sarong leon na naghahanap nin pagkakan sa sarong kadlagan o pasabsaban; maduman siya sa tahaw kan mga karnero dangan masalakay. Rinoronot niya an saiyang madakop asin mayo nin paglaom na ikaligtas an saiyang biktima.

Deuteronomio 33:17

Igwa kan kosog nin sarong toro si Jose, kan mga sungay nin lalaw na toro. An mga sungay niya iyo an rinibo ni Manases, asin an sampolong rinibo ni Efraim. Ini an isinusuag niya sa mga banwaan, sagkod na makaabot sinda sa mga poro kan kinaban.”