Daniel 8:3 - Marahay na Bareta Biblia

³ asin yaon duman sa tampi kan salog an sarong lalaking karnero na igwang halabang sungay, an saro mas halaba saka bago ki sa saro.

Daniel 8:3 Iomraidhean Croise

1 Mga Cronica 21:16

Nagtingkalag si David asin nahiling niya an anghel na nakatindog sa pagultanan kan langit asin daga, kapot an saiyang espadang andam na ibingat sa Jerusalem. Kaya nagdapa si David saka an kamagurangan nin Israel, na gabos nakagubing nin sako.

Esdras 1:2

“Ini an pagboot ni Ciro, an Emperador nin Persia. An Kagurangnan, an Dios nin langit, iyo an nagtao sako kan gabos na kahadean sa daga, asin pinagbotan niya ako na magtugdok nin sarong templo para saiya duman sa Jerusalem sa Juda.

Esdras 4:5

Sinuholan man ninda an mga opisyal sa gobyerno nin Persia tanganing olangon an pagtrabaho kan mga Judio. Padagos ninda ining ginibo sa bilog na panahon kan pamamayo ni Ciro sa Persia, asin sagkod sa pamamayo sa Persia ni Emperador Dario.

Esther 1:3

Kan ikatolong taon nin saiyang paghahade, nagbangkete siya para sa gabos niyang opisyal saka mga administrador, para sa mga hukbo nin Persia saka Media, asin para sa mga gobernador saka mga ginagalangan na tawo kan mga probinsya.

Isaias 13:17

Nagsasabi an Kagurangnan, “Sosotsotan ko an mga taga Media tanganing salakayon an Babilon. Dai ninda pinapahalagahan an plata asin dai sinda naoogma sa bulawan.

Isaias 21:2

Nakahiling ako nin sarong bisyon nin mangirhat na mga pangyayari, sarong bisyon nin pagpasaluib asin pagkagaba. Magsalakay ka, hukbo nin Elam! Palibotan mo an mga syudad, hukbo nin Media! Oontokon na nin Dios an pagtios na dara kan Babilon.

Isaias 44:28

Sinasabihan ko si Ciro, ‘Ika an maghahade para sa sako; gigibohon mo an boot kong ipagibo saimo: ipagboboot mong pakarhayon an Jerusalem asin ibugtak an pundasyon kan Templo.

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Daniel 10:5

Nagtingkalag ako asin nahiling ko an sarong tawo na nakasulot nin gubing na lino saka may bulawan na habay.

Daniel 2:39

An masunod saimo iyo an sarong imperyo na bakong arog kadakula kan saimong imperyo, pakatapos kaiyan iyo an ikatolo, sarong bronseng imperyo na maghahade sa bilog na daga.

Daniel 5:31

si Dario na taga Media, iyo an nagtukaw bilang hade kan sesenta y dos na an edad niya.

Daniel 6:28

Nag-uswag si Daniel sa panahon kan paghahade ni Dario asin kan paghahade ni Ciro na taga Persia.

Daniel 7:5

An ikaduwang hayop nakakaagid sa sarong oso na nagtitindog sa paagi kan mga bitis kaini sa hurihan. Igwa ining kagat-kagat na tolong gusok, asin sarong tingog an nagsabi sa hayop, “Lakaw asin kakana an karneng kaya mong kakanon!”

Daniel 8:2

Sa bisyon, nahiling ko an sakong sadiri sa laog kan kudal kan syudad nin Susa sa probinsya nin Elam. Nagtitindog ako sa tampi kan Salog nin Ulai,

Daniel 8:20

“An lalaking karnero na nahiling mo na igwang duwang sungay, iyo an kahadean nin Media saka Persia.

Zacarias 1:18

Sa saro pang bisyon, nakahiling ako nin apat na sungay.

Zacarias 2:1

Sa saro pang bisyon nakahiling ako nin sarong lalaki na igwang kapot na pansukol na pisi.

Zacarias 5:1

Nagtingkalag giraray ako, asin nakahiling ako nin sarong librong naglalayog.

Zacarias 5:5

Nagtunga giraray an anghel asin nagsabi, “Hilinga! Igwa pa nin nagdadangadang!”

Zacarias 5:9

Nagtingkalag ako asin nahiling ko an duwang babaeng naglalayog pasiring sako. Igwa sinda nin makokosog na mga pakpak na arog kan sa dakulang gamgam. Sinaklot ninda an basket dangan ilinayog paharayo.

Zacarias 6:1

Nagkaigwa pa ako nin sarong bisyon. Sa bisyon na ini, nahiling ko an apat na karwahe na nagluluwas hale sa pagultanan kan duwang bronseng bukid.

Mga Bilang 24:2

asin nahiling niya an Israel na tribu-tribung nakakampo. Dangan uminabot saiya an espiritu nin Dios,

Josue 5:13

Kan yaon si Josue sa harani kan Jerico, bigla siyang nakahiling nin sarong lalaki na nakatindog sa atubangan niya, na may kapot na espada. Dinolok siya ni Josue asin hinapot, “Kaapil ka nyamo o kaiwal?”

Kapahayagan 13:11

Dangan nahiling ko an saro pang hayop na nagluluwas hale sa daga. Igwa ini nin duwang sungay na garo sungay nin kordero, alagad nagtataram arog kan dragon.

Kapahayagan 5:6

Dangan nahiling ko an Kordero na nakatindog sa pagultanan kan trono asin kan apat na buhay na linalang, sa tahaw kan mga kamagurangan. Nahihiling an tanda na an Kordero ginadan. An Kordero igwa nin pitong sungay saka pitong mata, na iyo an pitong Espiritu nin Dios na ipinadara sa bilog na kinaban.