Daniel 7:4 - Marahay na Bareta Biblia

⁴ An enot nakakaagid sa sarong leon alagad igwa ini nin mga pakpak nin agila. Mantang naghihiling ako, natangkas an mga pakpak kan hayop. Dangan initaas an hayop asin pinatindog arog sa sarong tawo. Pakatapos, tinawan ini nin isip nin tawo.

Daniel 7:4 Iomraidhean Croise

2 Samuel 1:23

“Saul asin Jonatan, namomotan asin magayon! Sa buhay saka sa kagadanan, sinda magkaibahan; mas maliksi ki sa mga agila, mas makosog ki sa mga leon.

An Libro ni Job 25:6

gurano pa daw an sarong tawo, na sarong ulod, an aki nin tawo, na sarong ulod!”

Salmo 9:20

Gibohang matakot sinda, Kagurangnan; pasabota sinda na sinda tawo lamang.

Jeremias 25:38

Binayaan nin Kagurangnan an saiyang banwaan arog kan pagbaya nin sarong leon sa saiyang lungib. Nagin desyerto an daga huli sa karingisan nin gera asin huli sa labi-labing kaanggotan nin Kagurangnan.

Jeremias 4:13

Hilinga nindo, nagdadangadang na garo mga panganoron an kaiwal. Garo aripuros an saiyang karwaheng panggera, asin marikas pa sa mga agila an saiyang mga kabayo. Herak man sato, huli ta iyo na ini an kataposan ta.

Jeremias 4:7

Arog sa sarong leon na nagluluwas sa saiyang tagoan, nagluluwas an sarong pararaot nin mga nasyon. Nagdadangadang na siya tanganing raoton an Juda. An mga syudad nin Juda raraoton asin mayo na nin mag-eerok diyan.

Jeremias 48:40

Nanuga an Kagurangnan na maabot an sarong nasyon na arog karikas sa agila asin uunaton niya an saiyang mga pakpak laban sa Moab;

Jeremias 49:19

Arog sa sarong leon na minaluwas sa kadlagan kan Jordan asin minapasiring sa berdeng dagang pasabsaban, maabot ako dangan bigla kong papadulagon an mga taga Edom hale sa saindang syudad. Dangan an lider na pipilion ko iyo an mamamahala sa nasyon. Siisay an pwedeng ibaing sako? Siisay an mangangahas na lumaban sako? Siisay na pamayo an pwedeng sumalungat sako?

Mga Panambitan 4:19

An mga naglamag samo mas marikas pa ki sa mga agila sa kaitaasan; linamag ninda kami sa kabubuldan, hinipaan ninda kami sa kalangtadan.

Ezekiel 17:3

tanganing maaraman ninda an itinataram ko sainda, ako an Kagurangnan Dios: Igwa kaidto nin sarong dakulang agila na may magayon na mga balukag saka dakulang mga pakpak. Naglayog ini pasiring sa kabukidan nin Lebanon asin binari an poro kan sarong kahoy na sedro,

Ezekiel 28:2

“Aki nin tawo, sabihan mo an pamayo nin Tiro kun ano an itinataram ko saiya, ako an Kagurangnan Dios: Sa kapaabaw-abawan, minasabi ka na ika sarong dios. Minasabi ka na nagtutukaw ka sa trono, arog sa sarong dios sa tahaw nin kadagatan. Nagsasagin-sagin kang sarong dios alagad saro ka man sanang tawo.

Ezekiel 28:9

Sa atubang kan magadan saimo, makakasabi ka pa daw na ika sarong dios, maski tawo ka man sana asin bakong dios?

Daniel 2:38

Siya an naggibo saimong pamayo kan gabos na kabtang kan daga na pinag-eerokan kan mga tawo, hayop, saka gamgam. Ika an payong bulawan.

Daniel 4:36

“Kan magbalik an sakong kaisipan, ibinalik man sako an sakong onra, kamahalan asin an kamurawayan kan sakong kahadean. Inako giraray ako kan sakong mga opisyal saka mga prinsipe, asin ibinalik ninda sako an kahadean, na may onrang orog pa ki sa dati.

Daniel 7:12

An ibang mga hayop hinalean kan saindang kapangyarihan, alagad tinugotan na mabuhay sa kadikit pang panahon.

Daniel 7:5

An ikaduwang hayop nakakaagid sa sarong oso na nagtitindog sa paagi kan mga bitis kaini sa hurihan. Igwa ining kagat-kagat na tolong gusok, asin sarong tingog an nagsabi sa hayop, “Lakaw asin kakana an karneng kaya mong kakanon!”

Mateo 24:28

“Kun saen an bangkay, diyan man magkakatiripon an mga uwak.

Deuteronomio 28:49

Hale sa poro kan kinaban, ipapadara nin Kagurangnan laban saindo an sarong nasyon, na an lengwahe dai nindo masasabotan. Siring sa sarong agila, sasakloton kamo kan saindong mga kaiwal.

Kapahayagan 13:2

An nahiling kong hayop garo leopardo, an bitis garo sa oso, an ngoso garo sa leon. Itinao kan dragon sa hayop na ini an sadiri niyang kapangyarihan, trono saka an dakula niyang awtoridad.