Daniel 6:3 - Marahay na Bareta Biblia

³ Dai nahaloy, ipinahiling ni Daniel na mas kaya niya an trabaho ki sa ibang parapamahala o sa mga gobernador. Huli ta napalaen siya sa gabos, inisip kan hade na ibugtak siyang parapamahala kan bilog na imperyo.

Daniel 6:3 Iomraidhean Croise

Esdras 4:22

Giboha tolos nindo ini tanganing dai na magdakula pa an problema ko.”

Nehemias 7:2

Bilang parapamahala kan Jerusalem, pinili ko si Hanani na sakong tugang asin si Hananias na pamayong opisyal kan bantayan. Si Hananias orog na maimbod saka diosnon ki sa gabos.

Esther 10:3

Si Mardokeo, an Judio, iyo an nagin ikaduwa ni Hadeng Jerjes. Inomaw siya asin ginalangan kan kapwa niya mga Judio. Naglingkod siya para sa karahayan kan saiyang banwaan asin para sa katiwasayan kan gabos nindang kapagarakian.

Mga Talinhaga 17:27

Bakong matinaram an tawong may pakaaram. An tawong haloy maanggot igwa nin pakasabot.

Mga Talinhaga 22:29

Itukdo mo sako an tawong marahay magtrabaho, asin itutukdo ko man saimo an tawong orog karahay sa gabos saka maninigo sa kaibahan kan mga hade.

Parahulit 2:13

Dangan namidbid ko na an Kadonongan mas marahay ki sa kalolongan, siring na an liwanag mas marahay ki sa kadikloman.

Daniel 5:12

Igwa siya nin nalalaen na kakayahan, pakaaram asin pakasabot sa pagpahayag nin mga pangatorogan, sa pagsimbag nin mga paukod, dangan sa pagpaliwanag nin mga misteryo; kaya ipakua mo an lalaking si Daniel na nginaranan Beltesazzar kan hade, asin sasabihon niya saimo an kahulogan kan gabos na ini.”

Daniel 5:14

Nadangog kong nasa saimo an espiritu kan banal na mga dios, sa saimo makukua an liwanag, pakasabot saka an nalalaen na kadonongan.

Daniel 5:7

Nagkurahaw an hade na darahon duman an mga salamangkero, mga madonong saka mga astrologo. Paglaog kan mga ini, sinabihan sinda kan hade, “An siisay man na makabasa kaining nakasurat asin makasabi sako kan kahulogan kaiyan, gugubingan nin purpura, magsusulot nin kulintas na bulawan, asin magigin ikatolo sa kapangyarihan sa kahadean.”

Daniel 9:23

Kan saimong poonan an pakimaherak sa Dios, sinimbag ka niya. Namomotan ka niya, kaya napadigdi ako tanganing ipaabot saimo an simbag. Paghinanyog mantang ipinapaliwanag ko an bisyon.