Daniel 4:7 - Marahay na Bareta Biblia

⁷ Dangan nag-atubang sako an gabos na parahula, salamangkero, madonong, asin astrologo. Inosip ko sainda an sakong pangatorogan alagad dai ninda iyan ikinapaliwanag.

Daniel 4:7 Iomraidhean Croise

Genesis 41:24

asin hinalon an mga purosok saka matatagas na puso. Inistorya ko an mga pangatorogan na ini sa mga salamangkero, alagad mayong nakapaliwanag sako.”

Genesis 41:8

Alagad pagkaaga nahadit siya nin marahay kaya ipinaapod niya an gabos na salamangkero asin mago sa Egipto. Isinaysay niya sainda an saiyang mga pangatorogan, alagad mayo nin siisay man na nakapaliwanag kaini saiya.

Salmo 37:35

Nakahiling ako nin maraot na tawo na sarong tirano; luminangkaw siya siring sa sedro nin Lebanon.

Isaias 44:25

Ginigibo kong mga lolong an mga parahula asin dai ko pinapangyari an hula kan mga nag-aadal kan mga bitoon. Sinasalungat ko an mga tataramon kan mga madonong asin ipinahiling kong kalolongan an saindang kadonongan.

Ezekiel 31:3

Ibabaing taka sa sarong kahoy na sedro nin Lebanon, na may magayon saka marambong an mga sanga, halangkaw na kahoy na an poro abot sa mga panganoron.

Daniel 1:4

Kaipuhan na gwapo an mga ini, madonong, may pakasabot, madaling makanood, asin mayo nin kaninan, tanganing maninigo sindang maglingkod sa palasyo. Si Aspenaz iyo an matukdo sainda sa pagbasa asin sa pagsurat kan lengwahe kan mga taga Babilonia.

Daniel 2:10

Nagsimbag an mga parahatol, “Mayo nin siisay man sa ibabaw nin daga na pwedeng magsabi sa Mahal na Hade kan boot niyang maaraman. Mayo nin hade, maski na an pinakadakula asin pinakamapangyari, na naghagad nin siring na bagay sa saiyang mga parahula, salamangkero, asin mga madonong.

Daniel 2:27

Nagsimbag si Daniel, “Mahal na Hade, mayo nin madonong, salamangkero, parahula, o astrologo na makakapagsabi saimo kaiyan.

Daniel 2:7

Nagsimbag giraray sinda sa hade, “Isabi man logod samo kan Mahal na Hade an saiyang pangatorogan, asin ipapaliwanag mi iyan.”

Daniel 3:8

Kan panahon na idto, isinumbong kan nagkapirang taga Babilonia an mga Judio.

Daniel 4:18

“Iyo iyan an nagin pangatorogan ko,” an sabi ni Hadeng Nebukadnezzar. “Ngunyan, Beltesazzar, sabihan sako an kahulogan kaiyan. Mayong saro man sa sakong mga parahatol na nakapagsabi sako, alagad masasabi mo iyan, huli ta yaon saimo an espiritu kan banal na mga dios.”

Daniel 5:7

Nagkurahaw an hade na darahon duman an mga salamangkero, mga madonong saka mga astrologo. Paglaog kan mga ini, sinabihan sinda kan hade, “An siisay man na makabasa kaining nakasurat asin makasabi sako kan kahulogan kaiyan, gugubingan nin purpura, magsusulot nin kulintas na bulawan, asin magigin ikatolo sa kapangyarihan sa kahadean.”

Daniel 5:8

Nagpaenotan an mga parahatol kan hade, alagad mayo nin saro man sa sainda na nakabasa kan nasusurat o nakasabi sa hade kan kahulogan kaidto.