Daniel 4:23 - Marahay na Bareta Biblia

²³ Mantang naghihiling ka, Mahal na Hade, naghilig hale sa langit an sarong anghel dangan nagsabi, ‘Paloda an kahoy asin raota nindo, alagad pabayae nindo an pungo sa daga. Gakodan nindo nin lansang saka bronse, asin pabayaan nindo iyan kaiba kan mga doot sa oma. Pabayaan nindong madumog kan ambon an tawong ini, asin paeroka nindo siya sa kaibahan kan mga hayop sa laog nin pitong taon.’

Daniel 4:23 Iomraidhean Croise

Daniel 5:21

Pinahale siya sa tahaw nin mga tawo, asin nagin siring sa hayop an saiyang kaisipan. Namuhay siya kaiba kan mga lalaw na asno, nagkakan nin doot siring sa baka, asin nagkatorog sa kaomahan na mayo nin nakakatahob saiya sa paghugpa kan ambon. Sa kahuri-hurihi, inako niya na an Kahorohalangkaweng Dios iyo an naghahade sa gabos na kahadean nin tawo asin na pwedeng itao an mga iyan sa kiisay man na saiyang mapili.

Daniel 4:26

Nagboot an mga anghel na pabayaan an pungo sa daga. Nangangahulogan ini na magigin hade ka giraray sa panahon na akoon mo na an Dios an naghahade sa bilog na daga.

Daniel 8:13

Dangan nadangog kong hinapot kan sarong anghel an saro pang anghel, “Sagkod nuarin magpapadagos an mga bagay na ini na nahiling sa bisyon? Sagkod nuarin riribayan nin makangirhat na kasalan an aroaldaw na atang? Sagkod nuarin titimaktimakan an langitnon na hukbo saka an Templo?”