Daniel 2:9 - Marahay na Bareta Biblia

⁹ na tawan kamo gabos kan parehong padusa kun dai nindo masabi sa sako an sakong pangatorogan. Nagkaoroyon kamong padagos nindo akong dadayaon huli ta naglalaom kamong magliliwat ako nin isip sa paglihis nin oras. Sabihan nindo sako an pangatorogan, dangan maaaraman kong pwede man nindong masabi sako an kahulogan kaiyan.”

Daniel 2:9 Iomraidhean Croise

1 Mga Hade 22:22

Hinapot nin Kagurangnan an espiritu, ‘Sa anong paagi?’ Asin nagsimbag siya, ‘Maduman ako asin magigin espiritung nagpuputik sa ngoso kan gabos niyang propeta.’ Nagtaram an Kagurangnan, ‘Dagkahon mo siya ta manggagana ka; lakaw saka giboha iyan.’”

1 Mga Hade 22:6

Kaya inapod ni Ahab an mga propeta, mga apat na gatos sinda gabos, saka hinapot, “Dapat daw na magduman ako asin salakayon an Ramot-gilead o dai?” Nagsimbag sinda, “Salakayon mo an Ramot-gilead. Itatao saimo nin Kagurangnan an kapangganahan.”

Esther 4:11

“Gagadanon an siisay man, lalaki o babae, na lumaog sa pinakalaog na patyo asin umatubang sa hade na dai man ipinaapod. Iyan an katogonan; an lambang saro, magpoon sa mga parahatol kan hade sagkod sa mga tawo sa mga probinsya, nakakaaram kaiyan. Saro sana an paagi tanganing malikayan an katogonan na ini: kun iduta kan hade an saiyang bulawan na setro sa sarong tawo, maliligtas an buhay kan tawong iyan. Alagad sarong bulan na akong dai ipinapaapod kan hade.

Mga Talinhaga 12:19

Halipot an buhay kan kaputikan, alagad nabubuhay sagkod lamang an katotoohan.

Isaias 41:23

Sabihi kami kun ano pa an mangyayari— dangan maaaraman mi na kamo mga dios! Maggibo kamo nin sarong bagay na marahay o maraot man nganing panluyahon kami asin pagtakigan!

Isaias 44:25

Ginigibo kong mga lolong an mga parahula asin dai ko pinapangyari an hula kan mga nag-aadal kan mga bitoon. Sinasalungat ko an mga tataramon kan mga madonong asin ipinahiling kong kalolongan an saindang kadonongan.

Ezekiel 13:17

Nagtaram an Kagurangnan, “Ngunyan, aki nin tawo, hilinga an mga babae sa saimong banwaan na nagpopropesiya sa sadiri nindang isip. Magpropesiya ka laban sainda,

Ezekiel 13:19

Linalanghad nindo ako sa atubang nin sakong banwaan tanganing magkaigwa sana kamo nin sarong hakbot nin sebada asin dikit na tinapay. Ginagadan nindo an mga tawong dai man dapat gadanon, asin tinutugotan nindong mabuhay an mga tawong dai dapat mabuhay. Nagpuputik kamo sa sakuyang banwaan, asin tinutubod ninda kamo.”

Ezekiel 13:6

Bakong totoo an saindang mga bisyon asin kaputikan an saindang mga kapahayagan manongod sa maabot na panahon. Minasabi sindang ipinapahayag ninda an sakong mensahe, alagad dai ko sinda sinugo. Minsan siring, naghahalat sindang magkakatotoo an saindang pahayag!

Daniel 2:16

Nagduman tolos si Daniel sa hade asin nakimaherak na tawan siya nin panahon tanganing ikasabi niya sa hade an kahulogan kan pangatorogan.

Daniel 2:21

Siya an nagliliwat kan mga panahon; siya an nagbubugtak asin siya man an naghahale kan mga hade; siya an nagtatao nin kadonongan asin pakasabot.

Daniel 2:8

Pakadangog kaini kan hade, nagtaram ini sa makosog na tingog, “Tama an nasa isip ko! Boot sana nindong tawan pa kamo nin panahon, huli ta nahiling nindong nagdesisyon na ako

Daniel 3:15

Ngunyan pagkadangog nindo kan tanog kan trompeta, plawta, lira, gimbal, arpa, asin kan gabos na instrumento, magduko kamo asin magsamba sa estatwa. Kun dai kamo magsamba, itatapok kamo tolos sa nagkakalayong horno. Sa paghona nindo igwa nin dios na maligtas saindo?”

Daniel 5:28

PERES, binanga na an saimong kahadean asin itinao sa mga taga Media saka sa mga taga Persia.”

Daniel 5:31

si Dario na taga Media, iyo an nagtukaw bilang hade kan sesenta y dos na an edad niya.

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

2 Corinto 2:17

Bako kaming arog sa ibang tawo na an paghulit kan tataramon nin Dios garo sana pagpabakal nin baratong paninda; sinugo kami nin Dios, kaya tudok sa puso kaming nagtataram sa atubangan niya bilang sorogoon ni Cristo.