Daniel 2:5 - Marahay na Bareta Biblia

⁵ Nagsimbag sainda an hade, “Nagdesisyon na ako na kaipuhan kamo an mag-osip sako kan pangatorogan ko dangan sabihan nindo ako kun ano an kahulogan kaiyan. Kun dai nindo magibo iyan, ipapapedaso ko kamo asin ipapagaba ko an saindong harong.

Daniel 2:5 Iomraidhean Croise

2 Mga Hade 10:27

Kaya rinaot ninda an harigi ni Baal saka an templo. An templo ginibo nindang kasilyasan sagkod ngunyan.

Esdras 6:11

Ipinagboboot ko man na an siisay man na magsalungat sa pagboot na ini, sarong kahabaan na kahoy an tatangkason hale sa saiyang harong, papanasan an sarong poro kan kahoy na iyan dangan itutusok sa saiyang hawak. An saiyang harong gigibohon na sarong tambakan nin ati.

Salmo 50:22

“Tandaan mo ini, ika na nalingaw sako, ta tibaad gadanon taka, asin mayo nin siisay man na maligtas saimo.

Salmo 58:7

Mapara logod sinda siring sa minabulos na tubig; siring sa doot, timaktimakan logod sinda asin maalang.

Daniel 2:12

Pagkadangog kaini kan hade, naanggot siyang marahay dangan ipinagboot na gadanon an gabos na parahatol sa Babilon.

Daniel 3:29

“Kaya ipinagboboot ko ngunyan na an siisay man sa arin man na nasyon, rasa, o lengwahe na magtaram tumang sa Dios ni Sadrak, Mesak, asin ni Abednego, pepedasohon, asin gagabaon an saiyang harong; huli ta mayo nin ibang dios na pwedeng magligtas sa siring kaining paagi.”

Daniel 4:9

Beltesazzar, pamayo kan mga parahula, naaaraman kong yaon saimo an espiritu kan banal na mga dios, asin nasasabotan mo an gabos na misteryo. Iyo ini an sakong pangatorogan. Sabihan sako an kahulogan kaiyan.

Deuteronomio 13:16

Darahon nindo asin tambakon sa plasa an gabos na pagsadiri kan mga tawo na nag-eerok duman, dangan suloon nindo an banwa na iyan asin an gabos na yaon duman bilang sarong tinutong na atang sa Kagurangnan na saindong Dios. Papabayaan na rumpag an banwa asin dai na papatindogon giraray sagkod lamang.

Josue 6:26

Sa panahon na ini, nagtao si Josue nin sarong patanid: “Mamaldisyonon nin Kagurangnan an siisay man na magpatindog giraray kan syudad nin Jerico. Magagadan an matuang aking lalaki kan siisay man na magbugtak kan pundasyon kan syudad; Magagadan an ngohod na aking lalaki kan siisay man na magpatindog kan mga trangkahan kaiyan.”

1 Samuel 15:33

Nagsabi si Samuel, “Huli kan saimong espada, nawaraan nin aki an kadakul na ina; sa siring na paagi, mawawaraan man nin aki an saimong ina.” Dangan pineredaso ni Samuel si Agag sa atubangan nin Kagurangnan duman sa Gilgal.