Daniel 2:4 - Marahay na Bareta Biblia

⁴ Nagsimbag sinda sa hade sa lengwaheng Arameo, “Mabuhay logod sagkod pa man an Mahal na Hade! Sabihan samo an saimong pangatorogan, asin ipapaliwanag mi iyan saimo.”

Daniel 2:4 Iomraidhean Croise

Genesis 31:47

Nginaranan ini ni Laban nin Jegar-Sahaduta asin Galeed naman an inginaran kaini ni Jacob.

Genesis 41:8

Alagad pagkaaga nahadit siya nin marahay kaya ipinaapod niya an gabos na salamangkero asin mago sa Egipto. Isinaysay niya sainda an saiyang mga pangatorogan, alagad mayo nin siisay man na nakapaliwanag kaini saiya.

1 Mga Hade 1:25

Ngunyan na aldaw naghale siya asin nag-atang nin dakul na baka, karnero, asin mga pinatabang torilyong baka. Inalok niya sa saiyang bangkete an gabos mong aking lalaki, si Joab na pamayo kan saimong hukbo, asin an padi na si Abiatar. Sa oras na ini, nagkakarakan asin nag-iirinom sinda sa kaibahan niya asin nagkukururahaw, ‘Mabuhay si Hadeng Adonias!’

1 Mga Hade 1:31

Nagduko si Batsheba asin nagsabi, “Mabuhay logod sagkod lamang an sakuyang hade na si David!”

2 Mga Hade 18:26

Dangan nagsabi si Eliakim, si Sebna saka si Joa, “Nakikimaherak kami na magtaram ka samo sa lengwaheng Arameo. Nasasabotan mi iyan. Dai ka magtaram sa lengwaheng Hebreyo huli ta naghihinanyog an gabos na tawo na yaon sa kudal.”

Esdras 4:7

Siring man kan panahon nin pamamayo ni Emperador Artajerjes nin Persia, nagsurat sa emperador na ini si Bislam, si Mitredat, saka si Tabeel asin an saindang mga kairiba. An surat nasa lengwaheng Arameo asin kaipuhan itradusir kun binabasa.

Nehemias 2:3

nagsimbag, “Mabuhay logod sagkod lamang an mahal na emperador! Tadaw ta dai ako magmondo mantang rumpag an syudad na pinaglubongan kan sakong mga ginikanan, asin nasulo an mga trangkahan kaiyan?”

Isaias 36:11

Dangan nagsabi si Eliakim, si Sebna saka si Joa, “Nakikimaherak kami na magtaram ka samo sa lengwaheng Arameo. Nasasabotan mi iyan. Dai ka magtaram sa lengwaheng Hebreyo huli ta naghihinanyog an gabos na tawo na yaon sa kudal.”

Isaias 44:25

Ginigibo kong mga lolong an mga parahula asin dai ko pinapangyari an hula kan mga nag-aadal kan mga bitoon. Sinasalungat ko an mga tataramon kan mga madonong asin ipinahiling kong kalolongan an saindang kadonongan.

Daniel 1:4

Kaipuhan na gwapo an mga ini, madonong, may pakasabot, madaling makanood, asin mayo nin kaninan, tanganing maninigo sindang maglingkod sa palasyo. Si Aspenaz iyo an matukdo sainda sa pagbasa asin sa pagsurat kan lengwahe kan mga taga Babilonia.

Daniel 2:7

Nagsimbag giraray sinda sa hade, “Isabi man logod samo kan Mahal na Hade an saiyang pangatorogan, asin ipapaliwanag mi iyan.”

Daniel 3:9

Nagsabi sinda ki Hadeng Nebukadnezzar, “Mabuhay logod sagkod lamang an Mahal na Hade!

Daniel 4:19

Dangan si Daniel, na inaapod man Beltesazzar, natikbahan nin marahay kaya dai siya nakapagtaram. Nagsabi an hade saiya, “Beltesazzar, dai mo ipaghandal an pangatorogan o an kahulogan kaiyan.” Nagsimbag si Beltesazzar, “Mahal na Hade, mawot kong an pangatorogan saka an kahulogan kaiyan ipinanongod sa saimong mga kaiwal asin bakong sa saimo.

Daniel 4:7

Dangan nag-atubang sako an gabos na parahula, salamangkero, madonong, asin astrologo. Inosip ko sainda an sakong pangatorogan alagad dai ninda iyan ikinapaliwanag.

Daniel 4:9

Beltesazzar, pamayo kan mga parahula, naaaraman kong yaon saimo an espiritu kan banal na mga dios, asin nasasabotan mo an gabos na misteryo. Iyo ini an sakong pangatorogan. Sabihan sako an kahulogan kaiyan.

Daniel 5:10

Nadangog kan inang reyna an ribok kan hade asin kan mga iginagalang na lalaki sa palasyo kaya naglaog siya sa lugar nin bangkete. Nagsabi an inang reyna, “Mabuhay logod sagkod lamang an Mahal na Hade! Dai ka man logod mapurisaw asin dai manlongsi.

Daniel 5:8

Nagpaenotan an mga parahatol kan hade, alagad mayo nin saro man sa sainda na nakabasa kan nasusurat o nakasabi sa hade kan kahulogan kaidto.

Daniel 6:21

Nasimbag si Daniel, “Mabuhay logod sagkod pa man an Mahal na Hade!

Daniel 6:6

Kaya nagduman sinda sa hade asin nagsabi, “Hadeng Dario, mabuhay ka logod sagkod lamang!

Daniel 6:7

Kami gabos na nagpapadalagan kan saimong imperyo—mga parapamahala, mga gobernador, mga bise-gobernador, asin iba pang mga opisyal—nagkasararo na an Mahal na Hade magpaluwas nin pagboot dangan ipaotob iyan. Magboot ka na sa laog nin treyntang aldaw dai itinutugot sa kiisay man na maghagad nin anoman sa arin man na dios o tawo kundi sa saimo sana. An siisay man na maglapas kan pagboot na ini ihuhulog sa kalot na pano nin mga leon.

Mateo 21:9

Nagkurahaw an mga tawong naglalakaw sa enotan saka sa hurihan ni Jesus, “Osana sa Aki ni David! Paladan an minadatong sa ngaran nin Kagurangnan! Osana sa kaitaasan!”

1 Samuel 10:24

Sinabihan ni Samuel an mga tawo, “Uya an lalaking pinili nin Kagurangnan! Mayo nin siisay man sato na makakaarog saiya.” Dangan nagkurahaw an gabos na tawo, “Mabuhay an hade!”