Daniel 11:2 - Marahay na Bareta Biblia

² Ngunyan, sasabihon ko saimo an totoo.” Nagsabi an anghel, “Tolo pang hade an mamamayo sa Persia, na susunodon nin ikaapat na orog na magigin mayaman ki sa gabos sainda. Pag-abot kan panahon na orog na siyang mapangyari saka mayaman, aangaton niya an kahadean nin Grecia.

Daniel 11:2 Iomraidhean Croise

Esdras 4:24

Naontok an trabaho sa Templo. Dai ini ipinadagos sagkod sa ikaduwang taon kan pamamayo ni Emperador Dario nin Persia.

Esdras 4:7

Siring man kan panahon nin pamamayo ni Emperador Artajerjes nin Persia, nagsurat sa emperador na ini si Bislam, si Mitredat, saka si Tabeel asin an saindang mga kairiba. An surat nasa lengwaheng Arameo asin kaipuhan itradusir kun binabasa.

Esther 1:1

Hale sa saiyang trono sa Susa, an pangenot na syudad nin Persia, naghade si Hadeng Jerjes magpoon sa India sagkod sa Etiopia; syento beynte y syete gabos na probinsya an sakop niya.

Mga Talinhaga 22:21

asin magtutukdo saimo kan katotoohan. Dangan kun ika sugoon sa pagsiyasat kan katotoohan, igwa ka nin ikakasimbag sa pagbalik mo.

Daniel 10:1

Kan ikatolong taon kan paghahade ni Ciro sa Persia, sarong mensahe an ipinahayag ki Daniel na inaapod man Beltesazzar. Totoo an mensahe alagad masakit na masabotan. Ipinaliwanag idto saiya sa paagi nin sarong bisyon.

Daniel 11:25

“Matipon siya nin sarong dakulang hukbo tanganing salakayon an hade nin Egipto, na maandam man tanganing makilaban saiya kaiba an sarong dakula asin mapangyaring hukbo. Alagad madadaya an hade nin Egipto asin dai manggagana.

Daniel 7:5

An ikaduwang hayop nakakaagid sa sarong oso na nagtitindog sa paagi kan mga bitis kaini sa hurihan. Igwa ining kagat-kagat na tolong gusok, asin sarong tingog an nagsabi sa hayop, “Lakaw asin kakana an karneng kaya mong kakanon!”

Daniel 8:21

An kanding iyo an kahadean nin Grecia, asin an sungay sa tahaw kan duwang mata kaiyan iyo an enot na hade.

Daniel 8:26

Mangyayari an bisyon na ini dapit sa pangbanggi asin pang-agang atang na ipinaliwanag saimo. Alagad hilomon mo ngona ngunyan, huli ta haloy pang panahon bago mangyari iyan.”

Daniel 8:4

Minasdan ko an lalaking karnero na nagsusuag pasiring sa solnopan, sa amihan asin sa habagat. Mayo nin hayop na pwedeng umatubang saiya o makadulag sa saiyang kapangyarihan. Ginigibo niya an saiyang mawilihan asin nagin mapaabaw-abaw siya.

Amos 3:7

Mayo pang ginibo an Kagurangnan Dios na dai ngona ipinahayag sa saiyang mga sorogoon, an mga propeta.

Juan 10:35

Mga dios an apod kan Katogonan sa mga pinaniwalaan kan tataramon nin Dios asin dai pwedeng masudyaan an sinasabi sa kasuratan.

Kapahayagan 21:5

Dangan nagtaram an nakatukaw sa trono, “Ngunyan ginigibo ko nang bago an gabos na bagay!” Sinabihan man niya ako, “Isurat mo ini, huli ta an mga tataramon na ini totoo asin masasarigan.”