Daniel 10:1 - Marahay na Bareta Biblia

¹ Kan ikatolong taon kan paghahade ni Ciro sa Persia, sarong mensahe an ipinahayag ki Daniel na inaapod man Beltesazzar. Totoo an mensahe alagad masakit na masabotan. Ipinaliwanag idto saiya sa paagi nin sarong bisyon.

Daniel 10:1 Iomraidhean Croise

Genesis 41:32

An pagigin doble kan saimong pangatorogan nangangahulogan na itinalaga iyan nin Dios asin madali na niyang gibohon.

2 Mga Cronica 36:22

Kan enot na taon kan si Ciro nin Persia iyo an emperador, ginibo nin Kagurangnan na magkatotoo an itinaram niya sa paagi ni propeta Jeremias. Pinasabongan nin Kagurangnan si Ciro kaya nagpaluwas ini nin sarong pagboot para sa bilog niyang kahadean. Ini an nasusurat sa pagboot:

Esdras 3:7

Binayadan kan mga tawo an mga kantero saka mga karpintero, asin nagtao sinda nin kakanon, inomon, saka lana na ipapadara sa mga taga Sidon asin Tiro bilang karibay kan mga kahoy na sedro hale sa Lebanon, na dadarahon sa paagi nin dagat pasiring sa Jope. Ini gabos ginibo huli sa pagtugot na itinao ni Ciro na emperador nin Persia.

Esdras 4:3

Sinimbag sinda ni Zerubabel, ni Josue, asin kan mga pamayo kan mga kamaganakan, “Dai mi kamo kaipuhan sa pagtugdok kan Templo nin Kagurangnan na samuyang Dios. Kami sana an matugdok kaiyan siring sa pagboot samo ni Ciro na emperador nin Persia.”

Esdras 4:5

Sinuholan man ninda an mga opisyal sa gobyerno nin Persia tanganing olangon an pagtrabaho kan mga Judio. Padagos ninda ining ginibo sa bilog na panahon kan pamamayo ni Ciro sa Persia, asin sagkod sa pamamayo sa Persia ni Emperador Dario.

Esdras 6:14

Ipinadagos kan mga kamagurangan kan mga Judio an pagtugdok kan Templo; an saindang boot pinakosog kan mga propeta na si Hageo saka si Zacarias na aking lalaki ni Iddo. Hinaman ninda an Templo sosog sa ipinagboot kan Dios nin Israel, asin ni Ciro, ni Dario, saka ni Artajerjes, na mga emperador nin Persia.

Esdras 6:3

“Kan enot na taon kan pamamayo ni Emperador Ciro, nagpaluwas siya nin sarong pagboot na itugdok giraray an Templo sa Jerusalem, an lugar para sa mga sakripisyo saka mga tinutong na atang. An sukol kan Templo kaipuhan beynte y syete metros an langkaw asin beynte y syete metros an lakbang.

Isaias 44:28

Sinasabihan ko si Ciro, ‘Ika an maghahade para sa sako; gigibohon mo an boot kong ipagibo saimo: ipagboboot mong pakarhayon an Jerusalem asin ibugtak an pundasyon kan Templo.

Daniel 1:17

Tinawan nin Dios an apat na hoben na lalaki nin pakaaram asin kabatiran sa literatura saka sa pilosopiya. Laen pa kaini, tinawan pa nin Dios si Daniel nin kadonongan sa pagpaliwanag kan mga bisyon saka mga pangatorogan.

Daniel 1:21

Padagos na naglingkod si Daniel sa palasyo sagkod na an Babilonia nasakop ni Ciro na emperador nin Persia.

Daniel 1:7

An mga ini tinawan nin bagong ngaran kan pangenot na opisyal: si Daniel inapod Beltesazzar; si Hananias, Sadrak; si Misael, Mesak; asin si Azarias, Abednego.

Daniel 10:14

Napadigdi ako tanganing pasaboton ka kun ano an mangyayari sa saimong banwaan sa maabot na panahon. Saro ining bisyon dapit sa maabot na panahon.”

Daniel 11:2

Ngunyan, sasabihon ko saimo an totoo.” Nagsabi an anghel, “Tolo pang hade an mamamayo sa Persia, na susunodon nin ikaapat na orog na magigin mayaman ki sa gabos sainda. Pag-abot kan panahon na orog na siyang mapangyari saka mayaman, aangaton niya an kahadean nin Grecia.

Daniel 12:4

Tinaraman niya ako, “Ngunyan, Daniel, serahan mo an libro dangan bugtakan mo nin selyo sagkod na mag-abot an kataposan nin kinaban. Mantang dai pa iyan nangyayari, dakul na tawo an magsasayang nin panahon sa pagsabot kan nangyayari.”

Daniel 12:9

Nagsimbag siya, “Magpuli ka na, Daniel, huli ta kaipuhan magin hilom an mga tataramon na ini sagkod na dumatong an kataposan.

Daniel 2:21

Siya an nagliliwat kan mga panahon; siya an nagbubugtak asin siya man an naghahale kan mga hade; siya an nagtatao nin kadonongan asin pakasabot.

Daniel 4:8

Dangan inatubang man sako si Daniel. (Inaapod man siyang Beltesazzar, na isinunod sa ngaran kan sakong dios.) Yaon saiya an espiritu kan banal na mga dios, kaya sinabi ko saiya an sakong pangatorogan. Sinabihan ko siya:

Daniel 5:12

Igwa siya nin nalalaen na kakayahan, pakaaram asin pakasabot sa pagpahayag nin mga pangatorogan, sa pagsimbag nin mga paukod, dangan sa pagpaliwanag nin mga misteryo; kaya ipakua mo an lalaking si Daniel na nginaranan Beltesazzar kan hade, asin sasabihon niya saimo an kahulogan kan gabos na ini.”

Daniel 5:17

Nagsimbag si Daniel, “Dai mo na ako pagtawan nin mga regalo. Itao mo na sana iyan sa iba. Alagad babasahon ko para saimo an isinurat asin sasabihon ko saimo an kahulogan kaiyan.

Daniel 6:28

Nag-uswag si Daniel sa panahon kan paghahade ni Dario asin kan paghahade ni Ciro na taga Persia.

Daniel 8:16

Dangan nadangog ko an sarong tingog na nag-apod hale sa ibong kan Salog nin Ulai, “Gabriel, paliwanagan saiya an kahulogan kan saiyang nahiling.”

Daniel 8:26

Mangyayari an bisyon na ini dapit sa pangbanggi asin pang-agang atang na ipinaliwanag saimo. Alagad hilomon mo ngona ngunyan, huli ta haloy pang panahon bago mangyari iyan.”

Lukas 1:20

Alagad huli ta dai ka nagtubod sa mga sinabi ko na mangyayari pag-abot kan talaan na panahon, mapopola ka sagkod sa aldaw na maotob an mga itinaram ko saimo.”

Kapahayagan 19:9

Nagsabi sako an anghel, “Isurat mo ini: Paladan an mga imbitado sa bangkete sa kasal kan Kordero.” Nagtaram pa an anghel, “Ini an mga totoong tataramon nin Dios.”