Daniel 1:4 - Marahay na Bareta Biblia

⁴ Kaipuhan na gwapo an mga ini, madonong, may pakasabot, madaling makanood, asin mayo nin kaninan, tanganing maninigo sindang maglingkod sa palasyo. Si Aspenaz iyo an matukdo sainda sa pagbasa asin sa pagsurat kan lengwahe kan mga taga Babilonia.

Daniel 1:4 Iomraidhean Croise

2 Samuel 14:25

Mayo nin siisay man sa Israel na bantog sa kagwapohan ki sa ki Absalom; mayo siya nin kaninan magpoon sa bitis sagkod sa payo.

Mga Talinhaga 22:29

Itukdo mo sako an tawong marahay magtrabaho, asin itutukdo ko man saimo an tawong orog karahay sa gabos saka maninigo sa kaibahan kan mga hade.

Parahulit 7:19

An kadonongan nagtatao nin kosog sa sarong tawo orog pa ki sa magigibo nin sampolong pamayo para sa sarong syudad.

Isaias 36:11

Dangan nagsabi si Eliakim, si Sebna saka si Joa, “Nakikimaherak kami na magtaram ka samo sa lengwaheng Arameo. Nasasabotan mi iyan. Dai ka magtaram sa lengwaheng Hebreyo huli ta naghihinanyog an gabos na tawo na yaon sa kudal.”

Jeremias 5:15

Banwaan nin Israel, ipapadara nin Kagurangnan an sarong nasyon hale sa harayo tanganing salakayon kamo. Saro iyan na makosog saka gurang nang nasyon na an lengwahe dai nindo aram.

Daniel 2:10

Nagsimbag an mga parahatol, “Mayo nin siisay man sa ibabaw nin daga na pwedeng magsabi sa Mahal na Hade kan boot niyang maaraman. Mayo nin hade, maski na an pinakadakula asin pinakamapangyari, na naghagad nin siring na bagay sa saiyang mga parahula, salamangkero, asin mga madonong.

Daniel 2:2

Kaya ipinaapod niya an mga parahula, mga salamangkero asin mga madonong tanganing ipaliwanag ninda saiya an pangatorogan. Kan mag-atubang sinda sa hade,

Daniel 3:8

Kan panahon na idto, isinumbong kan nagkapirang taga Babilonia an mga Judio.

Daniel 4:7

Dangan nag-atubang sako an gabos na parahula, salamangkero, madonong, asin astrologo. Inosip ko sainda an sakong pangatorogan alagad dai ninda iyan ikinapaliwanag.

Daniel 5:11

Igwa nin sarong lalaki sa saimong kahadean na igwa kan espiritu kan banal na mga dios. Kan an saimong ama iyo pa an hade, ipinahiling kan lalaking ini an marahay na kaisipan, pakaaram asin kadonongan arog kan kadonongan kan mga dios. Ginibo siyang pamayo kan mga parahula, salamangkero, madonong saka mga astrologo ni Hadeng Nebukadnezzar, na saimong ama.

Daniel 5:7

Nagkurahaw an hade na darahon duman an mga salamangkero, mga madonong saka mga astrologo. Paglaog kan mga ini, sinabihan sinda kan hade, “An siisay man na makabasa kaining nakasurat asin makasabi sako kan kahulogan kaiyan, gugubingan nin purpura, magsusulot nin kulintas na bulawan, asin magigin ikatolo sa kapangyarihan sa kahadean.”

Daniel 9:1

Pinaghadean ni Dario, na sarong Medo, na aking lalaki ni Jerjes, an kahadean nin Babilonia.

Zacarias 2:4

An naenot na anghel nagsabi sa nagsabat saiya, “Magdalagan ka asin taraman mo an hoben na lalaking may kapot na pansukol na pisi na an Jerusalem pag-eerokan nin kadakul na tawo saka hayop. Magigin dakula iyan nin marahay asin dai na pwedeng kudalon.

Mga Gibo 7:20

Kan panahon na iyan namundag si Moises, sarong magayon na aki. Tolong bulan siyang inataman sa harong kan saiyang ama.

Mga Gibo 7:22

Itinukdo saiya an gabos na kadonongan kan mga taga Egipto; nagin siyang dakulang tawo sa tataramon saka sa gibo.

Efeso 5:27

Ginibo niya ini nganing iatubang niya sa sadiri niya an simbahan na magayon, banal, mayo nin kaninan, mayong digta o kurundot o anoman na arog kaiyan.

Hukom 8:18

Dangan hinapot ni Gideon si Zeba asin si Zalmunna, “Ano an masasabi nindo sa mga lalaking ginadan nindo sa Tabor?” Nagsimbag sinda, “Kalalawogon mo sinda—an lambang saro garong aki nin sarong hade.”