1 Samuel 9:3 - Marahay na Bareta Biblia

³ Nawara an nagkapirang asno ni Kis, kaya sinabihan niya si Saul, “Ipag-iba mo an saro sa mga sorogoon asin hanapon nindo an mga asno.”

1 Samuel 9:3 Iomraidhean Croise

Hukom 10:4

Igwa siya nin treyntang aking lalaki na nagsarakay sa treyntang asno. Igwa sinda nin treyntang syudad duman sa Gilead na sagkod ngunyan inaapod na mga baryo ni Jair.

Hukom 5:10

Ibareta nindo, kamong nakalunad sa mga puting asno, kamong nagtutukaw sa mga kamadero, asin kamo na naglalakaw sa mga tinampo.

1 Samuel 10:14

Si Saul asin an saiyang sorogoon nahiling kan tiyo ni Saul asin naghapot, “Saen kamo hale?” “Naghahanap kan mga asno,” an simbag ni Saul. “Kan dai mi nakua, nagduman kami ki Samuel.”

1 Samuel 10:2

Paghale mo digdi ngunyan, masasabat mo an duwang lalaki sa may lulubngan ni Rachel sa Zelza sa daga ni Benjamin. Sasabihan ka ninda na nakua na an mga asno na saimong hinahanap; nahahadit an saimong ama bako nang para sainda kundi para saimo, asin padagos na naghahapot, ‘Ano an gigibohon ko manongod sa sakong aki?’

1 Samuel 9:2

Igwa si Kis nin aking lalaki na an ngaran Saul, sarong gwapong lalaki. Siya an pinakagwapo asin pinakahalangkaw na lalaki sa bilog na Israel.

1 Samuel 9:20

Manongod sa mga asno na nawawara tolong aldaw na an nakaagi, dai kamo mahandal; nakua na sinda. Alagad para kiisay an orog na minamawot nin Israel? Bakong para saimo asin para sa pamilya kan saimong ama?”

1 Samuel 9:4

Nalibot ninda an mabulod na daga nin Efraim asin an daga nin Salisa, alagad dai ninda nakua an mga asno; kaya nagpadagos sinda sa daga nin Saalim, alagad mayo man duman an mga asno. Dangan naghanap sinda sa daga ni Benjamin, alagad dai man ninda nakua duman.