1 Samuel 8:3 - Marahay na Bareta Biblia

³ Alagad dai sinda nagsunod sa paarog kan saindang ama; boot sana nindang magyaman, kaya nag-ako sinda nin mga suhol asin biniko ninda an katanosan.

1 Samuel 8:3 Iomraidhean Croise

2 Samuel 15:4

Dangan minasabi pa si Absalom, “Gurano an pagmawot kong ako nagin sarong hukom sa daga! Dangan madolok sako an siisay man na igwa nin kaso o dahelan asin tatawan ko siya nin katanosan.”

Salmo 15:5

Dai siya nagpapautang na may patubo, asin dai nagpapasuhol tumang sa mayo nin sala. An naggigibo kan mga bagay na ini dai nanggad matatanyog.

Salmo 26:10

mga tawong gabos karatan an nakakapotan, na sa pag-ako nin suhol an toong kamot danay na andam.

Exodo 18:21

Laen pa kaiyan, magpili ka nin mga tawong maninigo, may pagkatakot sa Dios, mapapaniwalaan asin dai masusuholan. Gibohon mo sindang pamayo nin mga rinibong tawo, ginatos, maningkwenta, asin manampolo.

Exodo 23:6

“Itao mo an hustisya sa tawong dukha kun siya mag-atubang sa husgado.

Exodo 23:8

Dai ka mag-ako nin suhol, huli ta an suhol nakakabuta sa tawo asin nakakapadaog sa mga tawong mayong sala.

Parahulit 2:19

asin siisay an makakasabi kun siya magigin madonong o lolong? Alagad masasadirihan niya an gabos kong pinagpagalan asin ginamitan nin kadonongan sa kinaban. Ini mayo man nin halaga.

Isaias 1:23

An saimong mga lider mga rebelde asin kairiba nin mga parahabon. An gabos namomoot sa suhol asin nagmamawot nin mga regalo. Dai ninda sinusurog an mga ilo asin dai ninda dinadangog an kaso kan mga babaeng balo.

Isaias 33:15

Mabubuhay kamo kun magsabi saka maggibo kamo kan matanos. Dai nindo paggamiton an saindong kapangyarihan sa pagdaya kan mga dukha asin dai kamo mag-ako nin mga suhol. Dai kamo makiayon sa mga nagpaplanong manggadan o sa magibo nin karatan.

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Deuteronomio 16:19

Kaipuhan magin matanos sinda asin dai magpaorog sa kiisay man sa saindang paghukom. Dai sinda dapat na mag-ako nin suhol, huli ta an suhol nakakabuta maski sa mga madonong asin nakakaraot kan mga matanos.

1 Timoteo 3:3

Bako siya paraburat o parapakiiwal, kundi mahuyo, matoninong saka bakong makikwarta.

1 Timoteo 6:10

Huli ta an pagkamoot sa kwarta iyo an gamot kan gabos na karatan. Dahel sa pagkamoot sa kwarta dakul an nagbaya sa pagtubod asin nagtao iyan nin makuring kasakitan sa saindang mga puso.

1 Samuel 12:2

siya na an mangengenot saindo. Gurang asin ubanon na ako; kaiba na nindo an sakong mga aking lalaki. Ako an saindong nagin lider poon kan hoben pa ako sagkod ngunyan.

1 Samuel 2:35

Mapili ako nin sarong padi na magigin maimbod sako asin magibo kan gabos na ipagboboot ko. Tatawan ko siya nin dakul na aki asin makoapo, na danay na maglilingkod sa atubangan kan pinili kong hade.