1 Samuel 7:9 - Marahay na Bareta Biblia

⁹ Kaya nagbuno si Samuel nin sarong bako pang butas na kordero asin bilog na idinolot bilang sarong tinutong na atang sa Kagurangnan. Dangan nag-agrangay siya sa Kagurangnan para sa Israel; sinimbag siya nin Kagurangnan.

1 Samuel 7:9 Iomraidhean Croise

Salmo 50:15

Apodon mo ako sa aldaw nin kasakitan; ililigtas taka asin oomawon mo ako.”

Salmo 99:6

Kabilang sa mga padi niya si Moises saka si Aaron, kabilang sa mga nag-arang kan ngaran niya si Samuel. Nag-apod sinda sa Kagurangnan, asin sinimbag niya sinda.

Jeremias 15:1

Dangan tinaraman ako nin Kagurangnan, “Maski pa si Moises saka si Samuel an nagtitindog digdi tanganing makimaherak sako, dai ko nanggad pahihilingan nin pagkaherak an mga tawong ini. Pahaleon mo sinda; habo ko sindang mahiling.

Levitico 22:27

“Kun mamundag an sarong baka o karnero o kanding, papabayaan ngona nindo iyan sa kaibahan kan saiyang ina sa laog nin pitong aldaw, alagad poon sa ikawalong aldaw, pwede nang akoon iyan bilang dolot na pagkakan sa Kagurangnan.

Deuteronomio 9:26

Namibi ako, ‘O Kagurangnan Dios, hare pagtunawa an saimong sadiring banwaan na ilinigtas mo asin ilinuwas hale sa Egipto huli kan saimong dakulang kosog asin kapangyarihan.

Santiago 5:16

Kaya ikumpisal nindo sa saindong kapwa an saindong mga kasalan; ipamibi nindo an saindong kapwa, tanganing maomayan kamo. Dakula an nagigin bunga kan pamibi nin sarong matanos na tawo.

Hukom 6:26

Pakatapos, magtugdok ka sa kagapoan na ini nin sarong matibay na altar para sa Kagurangnan na saimong Dios. Dangan tutongon mong bilog an ikaduwang toro bilang atang. An simbolo ni Asera na saimong pinalod iyo an gamiton mong igatong.”

Hukom 6:28

Pagkaaga, pagkamatang amay kan mga tawo, nahiling ninda an gabang altar ni Baal asin an putol na simbolo kan diosang si Asera patin an ikaduwang toro na tinutong sa altar na itinugdok duman.

1 Samuel 10:8

Maeenot ka sako sa Gilgal, saen tatagboon taka tanganing magdolot nin mga tinutong na atang asin atang para sa katoninongan. Halaton mo ako duman sa laog nin pitong aldaw sagkod na mag-abot ako, dangan sasabihan taka kan gigibohon mo.”

1 Samuel 12:17

Bakong tig-init ngunyan? Alagad mamimibi ako, asin mapadara an Kagurangnan nin daguldol saka uran. Kun mangyari ini, saindong maaaraman na dakula an saindong pagkakasala tumang sa Kagurangnan kan hagadon nindo saiya an sarong hade.”

1 Samuel 16:2

“Paano ko magigibo iyan?” an hapot ni Samuel. “Kun mabaretaan iyan ni Saul, gagadanon niya ako!” Nagsimbag an Kagurangnan, “Magdara ka nin ogbon na baka asin sabihon mong yaon ka duman tanganing magdolot nin sakripisyo sa Kagurangnan.

1 Samuel 2:35

Mapili ako nin sarong padi na magigin maimbod sako asin magibo kan gabos na ipagboboot ko. Tatawan ko siya nin dakul na aki asin makoapo, na danay na maglilingkod sa atubangan kan pinili kong hade.

1 Samuel 7:17

Dangan minapuli siya sa saiyang harong sa Rama, na pinaglilingkodan man niya bilang hukom. Nagpatugdok siya duman nin altar para sa Kagurangnan.

1 Samuel 9:12

Nagsimbag an mga babae, “Yaon siya. An totoo, nasa enotan sana nindo siya asin kun maghidali kamo, maaabotan pa nindo. Pakalaog nindo sa banwa, makukua na nindo siya. Minaabot pa sana siya huli ta madolot an mga tawo nin atang sa altar sa itaas kan bulod. Dai makakan an mga tawong inalok sagkod na dai pa siya nag-abot duman, huli ta kaipuhan bendisyonan ngona niya an atang. Kun magduman na kamo ngunyan, maaabotan nindo siya bago siya magtukad sa bulod tanganing magkakan.”