1 Samuel 4:3 - Marahay na Bareta Biblia

³ Kan makabalik sa kampo an mga nagkatarada, nagsarabi an kamagurangan nin Israel, “Tadaw ta itinugot nin Kagurangnan na madaog kita ngunyan na aldaw kan mga Filisteo? Magduman kita sa Shilo asin kuahon ta an Kaban nin Tipan nin Kagurangnan tanganing ibahan niya kita asin iligtas sa satong mga kaiwal.”

1 Samuel 4:3 Iomraidhean Croise

2 Samuel 15:25

Dangan sinabihan kan hade si Zadok, “Ibalik nindo an Kaban nin Tipan sa syudad. Kun nawiwilihan ako nin Kagurangnan, tutugotan niya akong makabalik tanganing mahiling ko iyan giraray asin an lugar na namumugtakan kaiyan.

1 Mga Cronica 17:1

Kan sa palasyo na nag-eerok si Hadeng David, sinabihan niya an propetang si Natan, “Uya ako nag-eerok sa harong na gibo sa sedro, alagad sa sarong tolda sana namumugtak an Kaban nin Tipan nin Kagurangnan.”

Salmo 74:1

O Dios, tadaw ta isinisikwal mo kami sagkod lamang? Tano ta anggot ka sa mga karnero na saimong ataman?

Salmo 74:11

Tano ta pinupugol mo an saimong kamot? Tano ta nagsasayuma ka sa pagtabang samo?

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Isaias 58:3

Naghahapot an mga tawo, “Tadaw ta mag-aayuno kami? Dai man iyan nahihiling kan Kagurangnan. Tadaw ta dai kami magkakan kun dai man niya iyan papahalagahan? An Kagurangnan nagsasabi sainda, “Sa katotoohan, mantang nag-aayuno kamo, padagos nindong hinahanap an kaogmahan asin inaapi nindo an saindong mga trabahador.

Isaias 59:1

Dai kamo mag-isip na maluya an Kagurangnan kun kaya dai niya kamo pwedeng iligtas, o na maluya an saiyang pandangog kun kaya dai niya kamo madadangog kun kamo mag-agrangay!

Isaias 59:2

Dai niya kamo dinadangog huli kan saindong mga kasalan. An saindong mga kasalan an nagsisiblag saindo sa Dios.

Jeremias 3:16

Dangan kun kamo dakul na nin marahay sa dagang iyan, dai na pag-oolayan kan mga tawo an manongod sa sakong Kaban nin Tipan. Dai na ninda ini iisipon, ni gigiromdomon; dai na ninda ini hihidawon. Dai na sinda magibo nin ibang kaban.

Jeremias 7:4

Dai kamo magtubod sa mga madayang tataramon na ini: ‘Ligtas kami digdi! Ini an Templo nin Kagurangnan, an Templo nin Kagurangnan, an Templo nin Kagurangnan!’

Mga Bilang 10:33

Pakahale kan mga Israelita sa Sinai, an banal na bukid, tolong aldaw sindang naglakaw. Naenot sainda an Kaban nin Tipan nin Kagurangnan tanganing maghanap nin lugar na saindang mapapahingaloan.

Mga Bilang 10:35

Kun ilalakaw na an Kaban nin Tipan minasabi si Moises, “Pagtindog, O Kagurangnan; magkawararak logod an saimong mga kaiwal asin magdurulag an mga anggot saimo!”

Mga Bilang 31:6

Ipinadara sinda sa gera ni Moises sa pamamahala ni Finehas na aking lalaki kan pading si Eleazar. Siya man an namahala kan mga banal na kagamitan asin kan mga trompeta para sa alarma.

Deuteronomio 29:24

Dangan mahapot an bilog na kinaban, ‘Tano ta ginibo ini nin Kagurangnan sa saindang daga? Ano an dahelan kan saiyang dakulang kaanggotan?’

Deuteronomio 31:26

“Kuahon nindo an librong ini nin katogonan asin ibugtak nindo sa kataed kan Kaban nin Tipan nin Kagurangnan na saindong Dios, tanganing danay na magsaksi laban sa saiyang banwaan.

2 Timoteo 3:5

magsusunod kan panluwas na tanda kan satong relihiyon, alagad nenegaran ninda an tunay na kapangyarihan kaiyan. Likayan mo an siring na mga tawo.

Hebreyo 9:4

Nasa laog kaini an bulawan na altar na pinagtututongan kan insenso, saka yaon man digdi an Kaban nin Tipan na napapatos nin bulawan. Sa laog kan kaban igwa nin dulay na bulawan na namumugtakan kan manna; yaon man an nagdahon na sugkod ni Aaron saka an duwang gapo na nasusuratan kan mga togon.

Josue 4:7

sabihan nindo sinda na an tubig kan Jordan nag-ontok sa pagbulos kan magbalyo sa salog an Kaban nin Tipan nin Kagurangnan. An mga gapong iyan danay na magpapagiromdom sa mga Israelita kan nangyari digdi.”

Josue 6:6

Inapod ni Josue an mga padi dangan sinabihan, “Kuahon nindo an Kaban nin Tipan asin magpaenotan an pito saindo na may darang mga trompeta.”

Josue 7:7

Dangan nagsabi si Josue, “O Kagurangnan Dios, tano ta ibinalyo mo pa kami sa Jordan? Tanganing itao sa mga Amoreo? Tanganing tunawon kami? Tano ta dai mo na sana kami pinabayaan na mag-erok sa ibong kan Jordan?

Josue 7:8

O Kagurangnan, ano an sasabihon ko ngunyan na nagdulag sa kaiwal an Israel?

1 Pedro 3:21

An tubig na idto tanda kan bunyag na iyo an nagliligtas saindo ngunyan. An bunyag bakong paghugas kan ati sa hawak kundi sarong panuga sa Dios gikan sa malinig na konsyensya. Iliniligtas kamo kan bunyag sa paagi kan pagkabuhay liwat ni Jesu-Cristo.

Judas 1:5

Maski aram na nindo an gabos na ini, boot kong ipagiromdom saindo kun paanong ilinigtas kan Kagurangnan an mga Israelita sa daga nin Egipto, dangan ginaradan an mga dai nagtubod saiya.

1 Samuel 1:24

Kan mabutas na an aki, dinara siya ni Hanna sa Shilo. Nagdara man siya nin sarong lalaking baka na tolong taon an edad, sampolong kilong arina asin sarong lalagan na anit na pano nin arak. Si Samuel, na aki pang marahay, dinara niya sa harong nin Kagurangnan sa Shilo.

1 Samuel 14:18

Sinabihan ni Saul an pading si Ahias, “Daraha digdi an Kaban nin Tipan.” (Kan panahon na idto, an Kaban nin Tipan nin Dios yaon sa kaibahan kan mga Israelita.)

1 Samuel 4:2

Nagsalakay an mga Filisteo asin pakatapos nin mangirhat na ralaban, nadaog ninda an mga Israelita. Nakagadan sinda nin mga apat na ribong Israelita.