1 Samuel 4:2 - Marahay na Bareta Biblia

² Nagsalakay an mga Filisteo asin pakatapos nin mangirhat na ralaban, nadaog ninda an mga Israelita. Nakagadan sinda nin mga apat na ribong Israelita.

1 Samuel 4:2 Iomraidhean Croise

Mga Panambitan 3:40

Siyasaton ta an satong mga gawe asin magbalik kita sa Kagurangnan.

Levitico 26:37

Madadasmagan nindo an saindong kaiba asin matutumba kamo maski mayo man nin naglalamag saindo. Dai kamo makakalaban sa saindong mga kaiwal.

Mga Bilang 14:45

Sinalakay sinda kan mga Amalekita saka kan mga Cananeo na nag-eerok duman; dinaog sinda kan mga kaiwal asin linamag sagkod sa Horma.

Josue 7:12

Ini an dahelan kun tano ta dai kaya kan mga Israelita na atubangon an mga kaiwal. Nagdulag sinda sa mga kaiwal huli ta kabilang sinda ngunyan sa mga susuloon! Dai ko na kamo iibahan sagkod na dai nindo tinunaw an mga bagay na sinabi kong dai nindo pagkuahon!

1 Samuel 17:21

An mga Israelita asin an mga Filisteo naghampangan sa pakigera, hukbo laban sa hukbo.

1 Samuel 17:8

Nagtindog si Goliat asin nagkurahaw sa mga Israelita, “Ano an itinitindog nindo diyan na garo makikilaban? Saro akong Filisteo, asin mga oripon kamo ni Saul! Magpili kamo nin sarong lalaki na malaban sako.

1 Samuel 4:1

Kan panahon na iyan nagtiripon an mga Filisteo tanganing makigera sa Israel, kaya nagluwas an mga Israelita tanganing labanan sinda. Nagkampo an mga Israelita sa Ebenezer mantang an mga Filisteo nagkampo sa Afek.

1 Samuel 4:10

Kaya nakilaban an mga Filisteo asin nadaog ninda an mga Israelita. Nagdurulag an mga Israelita pasiring sa saindang mga harong. Dakul an nagkagaradan: treynta mil na mga soldados an nagadan sa Israel.

1 Samuel 4:3

Kan makabalik sa kampo an mga nagkatarada, nagsarabi an kamagurangan nin Israel, “Tadaw ta itinugot nin Kagurangnan na madaog kita ngunyan na aldaw kan mga Filisteo? Magduman kita sa Shilo asin kuahon ta an Kaban nin Tipan nin Kagurangnan tanganing ibahan niya kita asin iligtas sa satong mga kaiwal.”