1 Samuel 3:3 - Marahay na Bareta Biblia

³ duman nagkatorog si Samuel sa santwaryo na namumugtakan kan Kaban nin Tipan. Bago magliwanag an aldaw, mantang naglalaad pa an ilaw,

1 Samuel 3:3 Iomraidhean Croise

2 Mga Cronica 13:11

Aga-hapon nagdodolot sinda nin mga tinutong na atang saka mahamot na insenso. Ibinubugtak ninda sa purong bulawan na lamesa an mga dolot na tinapay, asin barubanggi sinusuloan ninda an mga ilawan sa bulawan na kandelero. Inootob mi an pagboot nin Kagurangnan na samuyang Dios, alagad tinalikodan nindo siya.

Salmo 27:4

Saro sana an hinahagad ko sa Kagurangnan; saro sanang bagay an sakong minamawot; na ako mag-erok sa harong nin Kagurangnan sa gabos na aldaw nin sakong buhay, na mahiling ko an kagayonan nin Kagurangnan, asin magpamibi sa saiyang pinag-eerokan.

Salmo 29:9

An tingog nin Kagurangnan nakakatanyog kan mga hamurawon; nakakaparakdag kan mga dahon sa kadlagan; asin sa saiyang Templo an gabos nagkukurahaw, “Kamurawayan!”

Salmo 5:7

Alagad huli ta dakula an danay mong pagkamoot, makakalaog ako sa saimong harong; makakasamba ako sa banal mong Templo, makakataong galang sa atubang mo.

Exodo 25:31

“Gumibo kamo nin sarong kandelerong purong bulawan; an bitis asin an kahawakan kaiyan gibohon nindo sa pinulpog na bulawan. Gibohon nindong saro sanang pedaso an kandelero sagkod an mga dekorasyon na burak, kaiba an mga bukol saka an mga petalo.

1 Samuel 1:6

Danay na tinutuyatuya si Hanna kan saiyang karibal na si Peninna huli ta dai siya tinawan nin aki nin Kagurangnan.

1 Samuel 1:9

Kan sarong pagdalaw ninda sa Shilo, pakatapos nindang magkakan asin mag-inom sa harong nin Kagurangnan, mamondong nagtindog si Hanna asin mapait na nagtangis mantang namimibi sa Kagurangnan. Kan oras na idto, nagtutukaw an pading si Eli sa saiyang lugar sa may pintoan kan templo nin Kagurangnan.