1 Samuel 13:9 - Marahay na Bareta Biblia

⁹ kaya nagsabi siya, “Daraha digdi sako an tututongon na atang asin an atang para sa katoninongan.” Dangan idinolot niya an tinutong na atang.

1 Samuel 13:9 Iomraidhean Croise

2 Samuel 24:25

Dangan nagpatindog si David nin altar para sa Kagurangnan asin nagdolot nin mga tinutong na atang saka mga dolot para sa katoninongan. Sinimbag nin Kagurangnan an saiyang pamibi, asin naontok an peste sa Israel.

1 Mga Hade 3:4

Sarong beses nagduman siya sa Gibeon tanganing magdolot nin sakripisyo, huli ta yaon duman an pinakabantog na altar. Kaidto nagdolot na siya duman nin ginatos na tinutong na atang.

Salmo 37:7

Magtoninong ka asin maghalat sa Kagurangnan; dai ka mapurisaw kan mga maginhawa an buhay, sa mga tawong nangyayari an mawot na karatan.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Mga Talinhaga 20:22

Dai ka mag-isip na balosan nin maraot an maraot; halaton mo an Kagurangnan, asin tatabangan ka niya.

Mga Talinhaga 21:27

Ikinakauyam nin Kagurangnan an sakripisyo kan tampalasan, orog na kun an katuyohan kaini maraot.

Mga Talinhaga 21:3

An paggibo kan matanos asin hustisya orog na nawiwilihan nin Kagurangnan ki sa mga sakripisyo.

Isaias 66:3

“An mga tawo naggigibo kan saindang nawiwilihan. Sa sainda, pareho an pagbono nin baka bilang sarong sakripisyo asin an pagsakripisyo kan buhay nin sarong tawo. Pareho sainda an pagsakripisyo nin sarong kordero asin an pagbari kan liog nin sarong ayam; an pagtao nin dolot na pagkakan asin an pagdolot kan dugo nin orig; dangan an pagdolot nin insenso asin an pagpamibi sa sarong dios-dios.

Deuteronomio 12:5

Hale sa gabos na daga kan saindong tribu, mapili an Kagurangnan na saindong Dios nin sarong lugar na pagtitiriponan kan mga tawo sa pagsamba saiya.

Deuteronomio 12:6

Duman nindo idodolot an saindong mga tinutong na atang asin an iba pang mga sakripisyo, an saindong mga himoloan saka mga dolot, an saindong mga panugang regalo, an saindong mga boluntad na dolot sagkod an mga matua kan saindong mga baka asin mga karnero.

1 Samuel 14:18

Sinabihan ni Saul an pading si Ahias, “Daraha digdi an Kaban nin Tipan.” (Kan panahon na idto, an Kaban nin Tipan nin Dios yaon sa kaibahan kan mga Israelita.)