1 Samuel 10:3 - Marahay na Bareta Biblia

³ Dangan magpadagos ka sagkod na makaabot sa sagradong kahoy sa Tabor, saen masasabat mo an tolong lalaking nagtutukad pasiring sa Betel tanganing magdolot nin atang sa Dios. An saro sainda may darang tolong ogbon na kanding, an ikaduwa, may darang tolong tinapay, asin an ikatolo, may darang laogan na anit na pano nin arak.

1 Samuel 10:3 Iomraidhean Croise

Genesis 28:19

An lugar nginaranan niyang Betel, alagad kaidto Luz an apod sa banwang idto.

Genesis 28:22

An gapong ini na sakong pinatindog bilang hariging giromdom iyo an magigin lugar na pagsasambahan saimo; itatao ko saimo an ikasampolong kabtang kan gabos na itatao mo sako.”

Genesis 35:1

Nagtaram an Dios ki Jacob, “Magduman ka tolos sa Betel asin duman ka mag-erok. Gumibo ka nin sarong altar duman para sako, an Dios na nagpahiling saimo kan ika magdulag sa tugang mong si Esau.”

Genesis 35:3

huli ta maduman kita gabos sa Betel tanganing ikatugdok ko nin altar an Dios na nagtabang sako sa panahon nin kasakitan asin nag-iba sako saen man ako magduman.”

Salmo 89:12

An amihan asin an habagat saimong linalang; an Tabor asin an Hermon maogmang minaomaw kan saimong ngaran.

Jeremias 32:8

Siring kan itinaram nin Kagurangnan, nagduman sako sa patyo si Hanamel, dangan kinaolay ako na bakalon an oma niya. Kaya naaraman ko na totoong nagtaram sako an Kagurangnan.

Levitico 1:10

Kun an idodolot kan lalaki saro kan saiyang mga karnero o kanding, kaipuhan na lalaki asin mayong kaninan.

Levitico 23:13

Madara man kamo nin duwang kilong arina na sinalakan nin lana nin oliba bilang sarong dolot na pagkakan. An parong kan dolot na iyan nawiwilihan nin Kagurangnan. Iibahan nindo iyan nin dolot na sarong litrong arak.

Levitico 3:12

Kun an idodolot sarong kanding,

Levitico 3:6

Kun karnero o kanding, lalaki man o babae, an idodolot bilang atang para sa katoninongan, kaipuhan mayo iyan nin kaninan.

Levitico 7:13

Madolot pa siya nin iba pang ginibong tinapay na igwa nin lebadura.

Josue 19:12

Sa ibong kan Sarid, minapasiring iyan sa sirangan, sa pagdolonan nin Kislot-tabor, dangan sa Daberat asin minatukad pasiring sa Jafia.

Josue 19:22

An pagdolonan minaduta man sa Tabor, Sahazuma, saka Bet-semes, asin sagkod sa Jordan. Sakop kaiyan an dyes y seis na syudad, kaiba an mga banwa sa palibot kan mga iyan.

Hukom 20:18

Nagduman an mga Israelita sa lugar na pinagsasambahan sa Betel asin naghapot sinda sa Dios, “Arin sa mga tribu an enot na masalakay sa mga Benjaminita?” Nagsimbag an Kagurangnan, “An tribu ni Juda.”

Hukom 20:27

An Kaban nin Tipan nin Dios yaon kaidto sa Betel asin si Finehas na aking lalaki ni Eleazar asin makoapo ni Aaron iyo an nangangataman kaiyan. Naghapot sa Kagurangnan an mga tawo, “Makikilaban pa daw kami sa samong mga tugang na Benjaminita o dai na?” Nagsimbag an Kagurangnan, “Labanan nindo. Itatao ko saindo an kapangganahan sa aga.”

Hukom 4:12

Kan maisihan ni Sisera na tuminukad sa Bukid nin Tabor si Barak na aking lalaki ni Abinoam,

Hukom 4:6

Sarong aldaw, ipinaapod niya si Barak, na aking lalaki ni Abinoam kan syudad nin Kedes sa daga nin Neftali. Sinabihan niya si Barak, “Ini an pagboot saimo nin Kagurangnan: ‘Hale sa mga tribu ni Neftali asin ni Zabulon, kumua ka nin dyes mil na kalalakihan dangan pangenotan mo sinda pasiring sa Bukid nin Tabor.

Hukom 8:18

Dangan hinapot ni Gideon si Zeba asin si Zalmunna, “Ano an masasabi nindo sa mga lalaking ginadan nindo sa Tabor?” Nagsimbag sinda, “Kalalawogon mo sinda—an lambang saro garong aki nin sarong hade.”

1 Samuel 10:4

Mataong galang sinda saimo asin maalok nin duwang pedasong tinapay, na saimong aakoon.