1 Samuel 1:3 - Marahay na Bareta Biblia

³ Taon-taon, nagduduman si Elkana sa Shilo hale sa Rama, tanganing magsamba asin magdolot nin mga atang sa Kagurangnan nin mga hukbo. Si Hofni asin si Finehas na mga aking lalaki ni Eli, iyo an naglilingkod duman bilang mga padi nin Kagurangnan.

1 Samuel 1:3 Iomraidhean Croise

Salmo 78:60

Binayaan niya an saiyang tolda sa Shilo, an tolda na saiyang pinag-erokan kaiba kan mga tawo.

Exodo 23:14

“Sa laog nin sarong taon, tolong beses na maselebrar kamo nin pyesta para sako.

Exodo 23:17

Tolong beses sa sarong taon, an gabos nindong lalaki maatubang sako, sa Kagurangnan Dios.

Exodo 34:23

“Tolong beses sa sarong taon, an gabos na lalaking Israelita maatubang sako, sa Kagurangnan Dios, an Dios nin Israel.

Lukas 2:41

Taon-taon, minaduman sa Jerusalem an mga magurang ni Jesus para sa Pyesta nin Paskwa.

Deuteronomio 16:16

“Tolong beses sa taon, matiripon sa atubang nin Kagurangnan an gabos na lalaki sa saindong nasyon duman sa lugar na pagsasambahan: sa Pyesta kan Paskwa, sa Pyesta nin Pag-ani, asin sa Pyesta nin mga Harong-harong. An lambang saro kaipuhan magdara nin regalo

Josue 18:1

Kan masakop na ninda an daga, an bilog na Israel nagtiripon sa Shilo asin pinatindog duman an Tabernakulo nin Kagurangnan.

Hukom 18:31

Dai man hinale an mga dios-dios ni Micas mantang nasa Shilo an Tabernakulo nin Dios.

Hukom 21:19

Dangan nagsabi sinda, “Harani na an taonan na pagselebrar kan pyesta nin Kagurangnan sa Shilo.” (An Shilo nasa amihan kan Betel, sa habagat nin Lebona, asin sa sirangan kan dalan sa pagultanan kan Betel asin Shekem.)

1 Samuel 1:21

Nag-abot giraray an panahon na kaipuhan magduman sa Shilo si Elkana saka an saiyang pamilya tanganing magdolot sa Kagurangnan kan taon-taon na atang asin mag-otob kan saiyang panuga.

1 Samuel 1:9

Kan sarong pagdalaw ninda sa Shilo, pakatapos nindang magkakan asin mag-inom sa harong nin Kagurangnan, mamondong nagtindog si Hanna asin mapait na nagtangis mantang namimibi sa Kagurangnan. Kan oras na idto, nagtutukaw an pading si Eli sa saiyang lugar sa may pintoan kan templo nin Kagurangnan.

1 Samuel 14:3

(An pading nagsusulot kan efod iyo si Ahias, na aking lalaki ni Ahitub na tugang ni Ikabod, na aki ni Finehas asin makoapo ni Eli, na padi nin Kagurangnan sa Shilo.) Dai naaraman kan saindang pag-iriba na naghale si Jonatan.

1 Samuel 2:19

Taon-taon, iginigibo siya kan saiyang ina nin sarong sadit na abito na dinadara saiya kun nag-iiba si Hanna sa saiyang agom tanganing magdolot kan taon-taon na atang.

1 Samuel 2:34

Sa oras na magadan sa parehong aldaw an mga aki mong lalaki na si Hofni saka si Finehas, iyan an tanda para saimo na magkakatotoo an gabos na itinaram ko.

1 Samuel 3:13

Tinaraman ko na siya na papadusahan ko sagkod pa man an saiyang pamilya huli kan mga maraot na sinabi kan saiyang mga aking lalaki tumang sako. Aram ni Eli na ginigibo ninda ini, alagad dai niya sinda sinaway.

1 Samuel 4:11

Nabihag an Kaban nin Tipan nin Dios, asin parehong nagadan an duwang aking lalaki ni Eli na si Hofni saka si Finehas.

1 Samuel 4:4

Kaya nagsugo sinda nin mga lalaki pasiring sa Shilo dangan kinua duman an Kaban nin Tipan nin Kagurangnan na nasa tahaw kan mga kerubin. An duwang aking lalaki ni Eli na si Hofni asin si Finehas, nag-iba sa Kaban nin Tipan.