1 Juan 5:8 - Marahay na Bareta Biblia

⁸ Tolo an saksi dapit kaini: an Espiritu, an tubig saka an dugo; an tolong ini nagkakasararo.

1 Juan 5:8 Iomraidhean Croise

Mateo 28:19

Kaya paduman kamo sa gabos na tawo saen man na lugar; gibohon nindo sindang mga disipulo ko. Bunyagan nindo sinda sa ngaran nin Ama, nin Aki, asin nin Espiritu Santo.

Markos 14:56

Dakul na saksi an nagtaram nin putik tumang ki Jesus, alagad dai nagkasararo an saindang mga pahayag.

Juan 15:26

“Alagad maabot an Parasurog, an Espiritu nin katotoohan na hale sa Ama. Susugoon ko siya saindo hale sa Ama asin magpapatotoo siya dapit sako.

Juan 19:34

Alagad ginarod kan saro sainda an hirog ni Jesus; buminulos tolos an dugo asin tubig. (

Mga Gibo 15:15

Ini uminoyon sa tataramon kan mga propeta siring sa nasusurat,

Roma 8:16

An Espiritu mismo an nagpapatotoo, kaiba kan satong espiritu, na kita mga aki nin Dios.

2 Corinto 1:22

Binugtakan niya kami kan saiyang tanda asin itinao niya samo an Espiritu Santo sa samong mga puso bilang garantiya.

Hebreyo 13:12

Iyan an dahelan kun tadaw ta nagadan si Jesus sa luwas kan syudad tanganing malinigan an mga tawo kan kasalan sa paagi kan saiyang dugo.

Hebreyo 6:4

Paanong mapabalik giraray saka makapagsolsol an mga nagbaraya na sa pagtubod? Dati sindang nasa liwanag nin Dios. Nakanamit sinda kan mga langitnon na balaog saka nagin kahiras sinda sa Espiritu Santo.

1 Pedro 3:21

An tubig na idto tanda kan bunyag na iyo an nagliligtas saindo ngunyan. An bunyag bakong paghugas kan ati sa hawak kundi sarong panuga sa Dios gikan sa malinig na konsyensya. Iliniligtas kamo kan bunyag sa paagi kan pagkabuhay liwat ni Jesu-Cristo.

1 Juan 5:9

Kun inaako ta an patotoo nin mga tawo, orog an patotoo nin Dios; huli ta iyo ini an patotoo nin Dios dapit sa saiyang Aki.