1 Juan 5:3 - Marahay na Bareta Biblia

³ Huli ta an namomoot sa Dios nagkukuyog kan saiyang mga togon. An saiyang mga togon bako man masakit na pag-otobon,

1 Juan 5:3 Iomraidhean Croise

2 Mga Hade 18:6

Nagin maimbod siya sa Kagurangnan asin dai nagsuhay saiya. Kinuyog niya an mga pagboot na itinao nin Kagurangnan ki Moises.

Salmo 119:140

Nabalo nang gayo an saimong panuga, asin namomotan iyan kan saimong sorogoon.

Salmo 119:45

Maglalakaw ako sa katalingkasan, huli ta hinanap ko an saimong mga katukdoan.

Exodo 20:6

Alagad ipinapahiling ko an danay kong pagkamoot sa rinibong henerasyon kan mga namomoot sako asin nag-ootob kan sakong mga togon.

Mga Talinhaga 3:17

Magayagayang buhay an itinatao nin kadonongan asin matoninong ka niyang gigiyahan.

Daniel 9:4

Namibi ako sa Kagurangnan na sakong Dios asin itinuga ko an mga kasalan kan sakong mga kahimanwa. Nagsabi ako, “Kagurangnan Dios, dakula ka asin ginagalangan mi ika. Maimbod ka sa saimong tipan asin ipinapahiling mo an danay mong pagkamoot sa mga namomoot saimo saka nag-ootob kan saimong katogonan.

Mikas 6:8

Dai, sinabihan na kita nin Kagurangnan kun ano an marahay. An hinahagad niya sato iyo ini: an paggibo kan matanos, an danay na mamoot, asin an mamuhay na mapakumbaba sa kaibahan nin satong Dios.

Mateo 23:4

Minabugkos sinda nin mga magabat na darahon asin ipinapapasan sa iba, alagad maski saro nindang muro habo nindang hiroon sa pagtabang sa pag-alsa kaiyan.

Juan 14:15

“Kun namomotan nindo ako, kukuyogon nindo an sakong mga togon.

Juan 15:10

Kun kinukuyog nindo an sakong mga togon, magdadanay kamo sa pagkamoot ko, siring na kinukuyog ko an mga togon kan sakong Ama asin nagdadanay ako sa saiyang pagkamoot.

Juan 15:14

Mga katood ko kamo kun gibohon nindo an mga ipinagboboot ko saindo.

Roma 7:12

Kaya banal an Katogonan, asin banal man an togon, tama saka marahay.

Roma 7:22

Sa puso ko, maogma kong sinusunod an katogonan nin Dios.

Deuteronomio 5:10

Alagad ipinapahiling ko an danay kong pagkamoot sa ribo-ribong henerasyon kan mga namomoot sa sako asin nag-ootob kan sakong mga togon.

Deuteronomio 7:9

Giromdoma na an Kagurangnan na saindong Dios iyo sana an Dios asin maimbod siya. Ootobon niya an saiyang tipan asin ipapahiling niya an saiyang danay na pagkamoot sa ribo-ribong henerasyon kan mga namomoot saiya saka nag-ootob kan saiyang mga togon,

Hebreyo 8:10

Ngunyan, ini an gigibohon kong tipan sa banwaan nin Israel, pakalihis kan mga aldaw na idto, an sabi nin Kagurangnan: Ibubugtak ko an sakong mga katogonan sa saindang mga isip, isusurat ko an mga iyan sa saindang mga puso. Ako magigin Dios ninda; sinda an magigin banwaan ko.

1 Juan 2:3

Kun magkuyog kita kan mga togon nin Dios, iyan an patotoo na midbid ta siya.

2 Juan 1:6

An boot sabihon kan pagkamoot na ini iyo na mamuhay kita sosog sa mga togon nin Dios. An togon na nadangog nindo poon pa kaidto iyo ini: dapat na mamuhay kamo gabos sa pagkamoot.